വേറിട്ട ലുക്കിൽ പ്രിയ പി വാരിയർ: ചിത്രങ്ങൾ വൈറൽ

ഒരു അഡാറ് ലവ് എന്ന ചിത്രത്തിലൂടെ പ്രേക്ഷകർക്ക് സുപരിചിതയായ പ്രിയ പി. വാരിയരുടെ പുതിയ ഫോട്ടോഷൂട്ട് ചിത്രങ്ങൾ വൈറലാകുന്നു. ‘I N F L O R E S C E N C E’ എന്നു പേരിട്ടിരിക്കുന്ന പുതിയ ഫോട്ടോ സീരീസ് സമൂഹമാധ്യമങ്ങളിൽ വലിയ സ്വീകാര്യതയാണ് നേടുന്നത്. 

താരത്തിന്റെ പുതിയ ചിത്രങ്ങൾ ‘ഹോട്ട്’ ആണെന്നാണ് ചില ആരാധകരുടെ അഭിപ്രായം. ആദം പള്ളിൽ എന്ന പ്രമുഖ ഫാഷൻ സ്റ്റൈലിസ്റ്റ് ഒരുക്കിയ ചിത്രങ്ങൾ നിരവധി ആരാധകരാണ് തങ്ങളുടെ പ്രൊഫൈലുകളിൽ പങ്കു വച്ചിരിക്കുന്നത്. 

ആഡാറ് ലവ് എന്ന ചിത്രത്തിലൂടെ സിനിമാരംഗത്ത് അരങ്ങേറ്റം കുറിച്ച താരം ‘ഒരു നാൽപ്പതുകാരന്റെ ഇരുപത്തൊന്നുകാരി’ എന്ന വി.കെ പ്രകാശ് ചിത്രത്തിലാണ് അടുത്തതായി അഭിനയിക്കുന്നത്. അനൂപ് മേനോനാണ് ഇൗ സിനിമയിൽ നായകനാകുന്നത്.