‘വൺ’ പ്രീമിയർ ഷോ; വിജയികൾക്ക് താരങ്ങൾക്കൊപ്പം സിനിമ കാണാം

മെഗാ സ്റ്റാർ മമ്മൂട്ടി നായകനായി എത്തുന്ന ‘വൺ’ സിനിമയ്ക്ക് പ്രത്യേക പ്രീമിയർ ഷോ ഒരുങ്ങുന്നു. മനോരമ ഓണ്‍ലൈനും ജെയ്ൻ യൂണിവേർസ്റ്റിയും ചേർന്നാണ് പ്രത്യേക ഷോ സംഘടിപ്പിക്കുന്നത്. വിജയികൾക്ക് വൺ സിനിമയുടെ അണിയറപ്രവർത്തകർക്കൊപ്പം ചിത്രം ആസ്വദിക്കാം.

താഴെ കൊടുക്കുന്ന ചോദ്യത്തിന് ശരിയുത്തരം 9846163658 എന്ന വാട്ട്സാപ്പ് നമ്പറിലേയ്ക്ക് അയക്കുക. തിരഞ്ഞെടുക്കുന്ന ആളുകൾക്ക് ചിത്രം കാണാനുള്ള സൗജന്യ ടിക്കറ്റ് ലഭിക്കും. ഒരാൾക്ക് രണ്ട് ടിക്കറ്റ് വീതമാണ് ലഭിക്കുക. കൊച്ചി പിവിആറിൽ മാർച്ച് 26ന് 12 മണിക്കാകും പ്രദർശനം.

വൺ സിനിമയിൽ മമ്മൂട്ടി അവതരിപ്പിക്കുന്ന കഥാപാത്രത്തിന്റെ േപര്

1) കടക്കൽ ചന്ദ്രൻ 2) മാറമ്പള്ളി ജയനന്ദൻ 3) രാമചന്ദ്രൻ കർത്ത

മമ്മൂട്ടി കേരള മുഖ്യമന്ത്രിയായി എത്തുന്ന ചിത്രമാണ് വൺ. ഗാനഗന്ധർവനു ശേഷം മമ്മൂട്ടിയെ നായകനാക്കി ഇച്ചായിസ്‌ പ്രൊഡക്‌ഷൻസ് നിർമിക്കുന്ന ചിത്രം സന്തോഷ്‌ വിശ്വനാഥാണ് സംവിധാനം ചെയ്യുന്നത്. ഏറെ നിരൂപക പ്രശംസ നേടിയ ചിറകൊടിഞ്ഞ കിനാവുകള്‍ക്കു ശേഷം സന്തോഷ് ഒരുക്കുന്ന ചിത്രമാണ് വൺ.

ബോബി–സഞ്ജയ് ആണ് ചിത്രത്തിന്റെ തിരക്കഥയൊരുക്കുന്നത്. ആർ. വൈദി സോമസുന്ദരം ഛായാഗ്രാഹകനാകുന്ന ചിത്രത്തിന്റെ പ്രൊഡക്‌ഷൻ കൺട്രോളർ ബാദുഷ. സംഗീതം ഗോപി സുന്ദറും ഗാന രചന റഫീഖ് അഹമ്മദുമാണ്. മേക്കപ്പ് ശ്രീജിത്ത് ഗുരുവായൂർ. എഡിറ്റർ നിഷാദ്. പിആർഒ മഞ്ജു ഗോപിനാഥ്.

മമ്മൂട്ടി ,ജോജു ജോർജ്,സംവിധായകൻ രഞ്ജിത്ത്, സലിം കുമാർ, മുരളി ഗോപി, ബാലചന്ദ്ര മേനോൻ,ശങ്കർ രാമകൃഷ്ണൻ, മാമുക്കോയ, ശ്യാമ പ്രസാദ്, രമ്യ, അലൻസിയർ, സുരേഷ് കൃഷ്ണ, മാത്യു തോമസ്, ജയകൃഷ്ണൻ, മേഘനാഥൻ, സുദേവ് നായർ, മുകുന്ദൻ, സുധീർ കരമന, ബാലാജി,ജയൻ ചേർത്തല, ഗായത്രി അരുൺ,  രശ്മി ബോബൻ, വി.കെ. ബൈജു, നന്ദു,വെട്ടിക്കിളി പ്രസാദ്,സാബ് ജോൺ ,ഡോക്‌ടർ പ്രമീള ദേവി,അർച്ചന മനോജ്,കൃഷ്ണ  തുടങ്ങിയ താരങ്ങളാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.