തുണി അലക്കി ചാക്കോച്ചൻ; ‘നായാട്ട്’ വരുന്നു

ചാർലി എന്ന സൂപ്പർഹിറ്റ് ചിത്രത്തിനു ശേഷം മാർട്ടിൻ പ്രക്കാട്ട് സംവിധാനം ചെയ്യുന്ന ‘നായാട്ട്’ ഏപ്രിൽ 8നു തിയറ്ററുകളിലെത്തും. കുഞ്ചാക്കോ ബോബൻ, ജോജു ജോർജ്, നിമിഷ സജയൻ, അനിൽ നെടുമങ്ങാട്, ജാഫർ ഇടുക്കി തുടങ്ങിയ താരനിര ചിത്രത്തിലുണ്ട്. 

‘ജോസഫ്’ സിനിമ എഴുതിയ  ഷാഹി കബീറാണു തിരക്കഥാകൃത്ത്. ഷൈജു ഖാലിദാണ് ക്യാമറ. എഡിറ്റർ: മഹേഷ് നാരായണൻ. സംഗീതം: വിഷ്ണു വിജയ്. അയ്യപ്പനും കോശിയും നിർമിച്ച ഗോൾഡ് കോയിൻ മോഷൻ പിക്ചർ കമ്പനിയാണു നിർമാണം. സംവിധായകൻ രഞ്ജിത്, പി.എം.ശശിധരൻ എന്നിവരാണു നിർമാതാക്കൾ.

ചാക്കോച്ചനും ജോജുവിനുമൊപ്പം നിമിഷയും പൊലീസ് വേഷത്തിലെത്തുന്നു. മൂവർക്കുമൊപ്പം ഏതാനും പുതുമുഖങ്ങളും ചിത്രത്തിന്റെ ഭാഗമാണ്. സിനിമയുടെ ട്രെയിലർ സമൂഹമാധ്യമങ്ങളിൽ തരംഗമായിരുന്നു.