ടൊവീനോ തോമസിന് കോവിഡ്

നടൻ ടൊവീനോ തോമസിന് കോവിഡ് സ്ഥിരീകരിച്ചു. താരം ഇപ്പോൾ സെൽഫ് ക്വാറന്റീനില്‍ ആണ്. പ്രകടമായ ലക്ഷണങ്ങളില്ലാത്ത രോഗമാണ് തനിക്കെന്നും പേടിക്കേണ്ട കാര്യങ്ങളിലെന്നും ടൊവീനോ അറിയിച്ചു.

‘ഇനിയുള്ള കുറച്ച് ദിവസങ്ങൾ ക്വാറന്റീനിൽ ആകും. തിരിച്ചുവന്ന ശേഷം ഇനിയും നിങ്ങളെ രസിപ്പിക്കുന്നത് തുടരുന്നതായിരിക്കും. എല്ലാവരും സുരക്ഷയോടെ ഇരിക്കുക.’–ടൊവീനോ പറയുന്നു.

മിന്നല്‍ മുരളിയാണ് താരത്തിന്റേതായി ഷൂട്ടിങ് പുരോഗമിച്ചുകൊണ്ടിരുന്ന ചിത്രം. ആഷിഖ് അബു സംവിധാനം ചെയ്യുന്ന നാരദന്റെ ചിത്രീകരണം കഴിഞ്ഞ മാസം പൂർത്തിയായിരുന്നു.