അനന്യയുടെ സഹോദരനും നടനുമായ അർജുൻ വിവാഹിതനായി

നടി അനന്യയുടെ സഹോദരനും നടനുമായ അർജുൻ ഗോപാൽ വിവാഹിതനായി. മാധവി ബാലഗോപാൽ ആണ് വധു. ഗുരുവായൂർ വച്ചായിരുന്നു വിവാഹം. മാധവിയുടെ അച്ഛന്റെ ആഗ്രഹമായിരുന്നു ഗുരുവായൂർ വച്ച് വിവാഹം നടത്തണമെന്നത്. അതുകൊണ്ടാണ് ഇത്രയും തിരക്കുകൾക്കിടയിലും ഇവിടെ വച്ച് വിവാഹം നടത്തിയതെന്നും അർജുൻ പറഞ്ഞു.

ആസിഫ് അലി നായകനായി എത്തിയ കുഞ്ഞെൽദോ സിനിമയിലൂടെ ശ്രദ്ധേയനാണ് അർജുൻ. ജിന്റോ എന്ന കഥാപാത്രത്തെയാണ് അർജുൻ അവതരിപ്പിച്ചത്. സാറാസ്, വൂൾഫ്, ഒരു റൊണാൾഡോ ചിത്രം എന്നിവയാണ് മറ്റ് പ്രധാന സിനിമകൾ.