മുണ്ടുടുത്ത് തൂമ്പയുമായി മണ്ണിലിറങ്ങി പത്മപ്രിയ; വിഡിയോ

സിനിമയിൽ അഭിനയിക്കാൻ മാത്രമല്ല, വേണ്ടി വന്നാൽ മുണ്ടുടുത്ത് പറമ്പിലിറങ്ങി കിളയ്ക്കാനും പത്മപ്രിയയ്ക്ക് അറിയാം. ചിത്രീകരണത്തിന് അവധികൊടുത്ത് വീടിനരികിൽ കൃഷി ചെയ്യാനായി മണ്ണിലിറങ്ങിയ പത്മപ്രിയയുടെ വിഡിയോ ആണ് ആരാധകർ ഏറ്റെടുക്കുന്നത്.

വീടിന്റെ പുറകുവശത്ത് പൂന്തോട്ടം ഒരുക്കാനാണ് പത്മപ്രിയ തൂമ്പയുമായി മണ്ണിലിറങ്ങിയത്. ഇത് നല്ലൊരു വ്യായാമം കൂടിയാണെന്ന് താരം പറയുന്നു.

ഒരിടവേളയ്ക്കു ശേഷം അഭിനയത്തിൽ വീണ്ടും സജീവമാകുകയാണ് പത്മപ്രിയ. ബിജു മേനോൻ നായകനായി എത്തിയ ഒരു തെക്കൻ തല്ലുകേസിലാണ് നടി അവസാനം പ്രത്യക്ഷപ്പെട്ടത്. അഞ്ച് വർഷങ്ങൾക്കു ശേഷം പത്മപ്രിയ അഭിനയിച്ച മലയാളചിത്രം കൂടിയായിരുന്നു ഇത്.