പെൺവേഷത്തിൽ ഞെട്ടിച്ച് ആയുഷ്മാൻ ഖുറാന; ഡ്രീം ഗേൾ 2 ട്രെയിലർ

ആയുഷ്മാൻ ഖുറാന നായകനായി എത്തുന്ന കോമഡി എന്റർടെയ്നർ ഡ്രീം ഗേൾ 2 ട്രെയിലർ എത്തി. 2019ൽ പുറത്തിറങ്ങിയ ഡ്രീം ഗേൾ എന്ന സിനിമയുടെ തുടർച്ചയാണിത്. രാജ് ശാന്ദില്യ സംവിധാനം ചെയ്യുന്ന ചിത്രത്തിൽ അനന്യ പാണ്ഡെ നായികയാകുന്നു.

പരേഷ് റാവൽ, അന്നു കപൂർ, രാജ്പാൽ യാദവ്, വിജയ് റാസ് എന്നിവരാണ് മറ്റ് അഭിനേതാക്കൾ. പെൺ വേഷത്തിലെത്തുന്ന ആയുഷ്മാന്റെ മേക്കോവർ തന്നെയാണ് സിനിമയുടെ പ്രധാന ആകർഷണം.

ഏക്ത കപൂർ–ശോഭ കപൂർ എന്നിവര്‍ ചേർന്നാണ് നിർമാണം. ചിത്രം ഓഗസ്റ്റ് 25ന് തിയറ്ററുകളിലെത്തും.