വിമർശനങ്ങൾക്കിടെ പരീക്ഷ, എംഎ ഭരതനാട്യത്തില് രണ്ടാംറാങ്ക് നേടി ആര്എല്വി രാമകൃഷ്ണന്
![RLV-Ramakrishnan- 1) ആർഎൽവി രാമകൃഷ്ണൻ പ്രതിഷേധസൂചകമായി ഇന്നലെ രാത്രി ചാലക്കുടിയിൽ അവതരിപ്പിച്ച മോഹിനിയാട്ടം. ചിത്രം : മനോരമ 2) ആർഎൽവി രാമകൃഷ്ണൻ](https://img-mm.manoramaonline.com/content/dam/mm/mo/news/just-in/images/2024/3/21/RLV-Ramakrishnan-.jpg?w=1120&h=583)
Mail This Article
എംഎ ഭരതനാട്യത്തില് രണ്ടാം റാങ്ക് നേടിയ സന്തോഷം പങ്കുവച്ച് ആര്എല്വി രാമകൃഷ്ണന്. കാലടി സംസ്കൃത സര്വകലാശാലയില് നിന്നാണ് പഠനം പൂര്ത്തിയാക്കിയത്. വലിയ മാനസിക സംഘര്ഷങ്ങള്ക്കിടെ പരീക്ഷ എഴുതിയിട്ടും റാങ്ക് കരസ്ഥമാക്കിയ വിവരം ആര്എല്വി രാമകൃഷ്ണന് തന്നെയാണ് സോഷ്യല് മിഡിയ വഴി പങ്കുവച്ചത്
‘‘ഒരു സന്തോഷ വാർത്ത പങ്കുവയ്ക്കട്ടെ! കഴിഞ്ഞ രണ്ട് വർഷമായി ഞാൻ കാലടി സംസ്കൃത സർവകലാശാലയിൽ എംഎ ഭരതനാട്യം ഫുൾ ടൈം വിദ്യാർഥിയായി പഠിക്കുകയായിരുന്നു. ഇന്നലെ റിസൾട്ട് വന്നു. എംഎ ഭരതനാട്യം രണ്ടാം റാങ്കിന് അർഹനായ വിവരം എന്റെ പ്രിയ സുഹൃത്തുക്കളെ അറിയിക്കുന്നു.
കഴിഞ്ഞ മാസം ഉണ്ടായ പ്രശ്നങ്ങൾക്കിടയിലായിരുന്നു പരീക്ഷ. അതുകൊണ്ടുതന്നെ വലിയ മാനസിക സംഘർഷത്തിലാണ് പരീക്ഷ എഴുതിയത്. അച്ഛനമ്മമാരുടെയും ഗുരുക്കന്മാരുടെയും സഹോദരി സഹോദരന്മാരുടെയും അനുഗ്രഹം. ഇതോടെ നൃത്തത്തിൽ ഡബിൾ എംഎക്കാരനായി.’’–ആര്എല്വി രാമകൃഷ്ണന്റെ വാക്കുകൾ.