പരശുരാമനായി വിക്കി കൗശൽ; ‘മഹാവതാർ’ വരുന്നു

മഹാവിഷ്ണുവിന്റെ ആറാമത്തെ അവതാരമായ പരശുരാമന്റെ കഥ പറയുന്ന ബിഗ് ബജറ്റ് ചിത്രവുമായി ബോളിവുഡ് നിര്‍മാതാക്കളായ മാഡോക്ക് ഫിലിംസ്. വിക്കി കൗശൽ പരശുരാമന്റെ വേഷത്തിലെത്തുന്ന സിനിമയ്ക്ക് മഹാവതാർ എന്നാണ് പേരിട്ടിരിക്കുന്നത്. സിനിമയിലെ നടന്റെ ഫസ്റ്റ്ലുക്ക് അണിറയക്കാർ പുറത്തുവിട്ടു.

‘‘ചിരഞ്ജീവി പരശുരാമന്റെ കഥ. ധർമത്തിന്റെ നിത്യ യോദ്ധാവ്’’ എന്നാണ് ടൈറ്റിലിനൊപ്പം പങ്കുവച്ചിരിക്കുന്നത്. 

സ്ത്രീ, ഭേഡിയ തുടങ്ങിയ ഹിറ്റ് സിനിമകളുടെ സംവിധായകനായ അമർ കൗശിക് ആണ് ഈ ബ്രഹ്മാണ്ഡ ചിത്രമൊരുക്കുന്നത്. ക്രിസ്മസ് റിലീസ് ആയി അടുത്ത വർഷം ‘മഹാവതാർ’ തിയറ്ററുകളിലെത്തും.