ദുൽഖർ സൽമാന്റെ ‘ലക്കി ഭാസ്കർ’ നവംബർ 28ന് നെറ്റ്ഫ്ലിക്സിൽ

ദുൽഖർ സൽമാൻ നായകനായെത്തിയ ‘ലക്കി ഭാസ്കർ’ ഒടിടി റിലീസിനൊരുങ്ങുന്നു. നെറ്റ്ഫ്ലിക്സ് പ്ലാറ്റ്‌ഫോമിലൂടെ നവംബർ 28ന് സിനിമയുടെ സ്ട്രീമിങ് ആരംഭിക്കും.

വെങ്കി അറ്റ്ലൂരി രചിച്ചു സംവിധാനം ചെയ്ത ഈ പീരിയഡ് ഡ്രാമ ത്രില്ലർ ചിത്രം നിർമിച്ചിരിക്കുന്നത് സൂര്യദേവര നാഗവംശി, സായി സൗജന്യ എന്നിവരുടെ നേതൃത്വത്തിലുള്ള സിതാര എന്റർടൈൻമെൻറ്സും ഫോർച്യൂൺ ഫോർ സിനിമാസും ചേർന്നാണ്. ചിത്രം അവതരിപ്പിച്ചിരിക്കുന്നത് ശ്രീകര സ്റ്റുഡിയോസ്.

സിനിമയുടെ ആഗോള ഗ്രോസ് കലക്‌ഷൻ 100 കോടി കടന്നിരുന്നു. തെലുങ്ക്, തമിഴ്, മലയാളം, കന്നഡ, ഹിന്ദി തുടങ്ങി റിലീസ് ചെയ്ത എല്ലാ ഭാഷകളിലും സിനിമയ്ക്ക് മികച്ച പ്രതികരണം ലഭിക്കുകയുണ്ടായി. 

തെലുങ്കിൽ ഹാട്രിക് ബ്ലോക്ക്ബസ്റ്റർ എന്ന അപൂർവ നേട്ടവും ഈ ചിത്രത്തിന്റെ വിജയത്തോടെ ദുൽഖർ സൽമാൻ സ്വന്തമാക്കി.