വനിതാ മന്ത്രിയുടെ ഭീഷണി: യോഗി ആദിത്യനാഥ് റിപ്പോർട്ട് തേടി

ലക്നൗ ∙ ഉത്തർപ്രദേശിലെ വനിതാ മന്ത്രി സ്വാതി സിങ് കന്റോൺമെന്റ് പൊലീസ് സർക്കിൾ ഓഫിസർ ബിനു സിങ്ങിനെ ഭീഷണിപ്പെടുത്തിയെന്നതു സംബന്ധിച്ച് മുഖ്യമന്ത്രി യോഗി ആദിത്യനാഥ് ഡിജിപിയിൽ നിന്ന് റിപ്പോർട്ട് തേടി.

അൻസാൽ ഡവലപ്പേഴ്സ് എന്ന സ്ഥാപനത്തിനെതിരെ കേസെടുത്തത് മന്ത്രി ചോദ്യം ചെയ്യുന്നതിന്റെ ശബ്ദരേഖ പുറത്തുവന്നിരുന്നു.

കേസെടുക്കരുതെന്ന് മുകളിൽ നിന്ന് നിർദേശമുണ്ടെന്നും മുഖ്യമന്ത്രിക്ക് അറിയാവുന്ന കാര്യമാണിതെന്നും തുടർന്ന് ജോലി ചെയ്യണമെന്നുണ്ടെങ്കിൽ തന്നെ വന്നുകണ്ട് പ്രശ്നം തീർക്കണമെന്നും വനിതാ പൊലീസ് ഓഫിസറോട് പറയുന്നത് ശബ്ദരേഖയിൽ കേൾക്കാം.