കുംഭമേളയിൽ പങ്കെടുത്ത് ഭൂട്ടാൻ രാജാവ്

ന്യൂഡൽഹി ∙ ഭൂട്ടാൻ രാജാവ് ജിഗ്മെ കേസർ നംഗ്യാൽ വാങ്ചുക്ക് പ്രയാഗ‌‌്‌രാജിൽ നടക്കുന്ന മഹാകുംഭമേളയിൽ പങ്കെടുത്ത് പുണ്യസ്നാനം നിർവഹിച്ചു. പ്രധാനമന്ത്രിയുടെ ക്ഷണം സ്വീകരിച്ച് ഇന്ത്യയിലെത്തിയതാണു ഭൂട്ടാൻ രാജാവെന്നും ഇന്ത്യയും ഭൂട്ടാനും തമ്മിലുള്ള പ്രത്യേക ബന്ധത്തിന്റെ തുടർച്ചയാണിതെന്നും വിദേശകാര്യ മന്ത്രാലയം വ്യക്തമാക്കി. യുപി ഗവർണർ ആനന്ദിബെൻ പട്ടേൽ ഭൂട്ടാൻ രാജാവിനു വേണ്ടി പ്രത്യേക വിരുന്ന് ഒരുക്കി.