മാർക്ക് ദാനം: വിദ്യാർഥികളുടെ ഹിയറിങ് നടത്താൻ ഗവർണറുടെ നിർദേശം

തിരുവനന്തപുരം∙ എംജി സർവകലാശാലയിലെ മാർക്ക് ദാന വിവാദത്തിൽ വിദ്യാർഥികളുടെ ഹിയറിങ് നടത്താൻ ഗവർണർ ആരിഫ് മുഹമ്മദ് ഖാൻ റജിസ്ട്രാർക്ക് നിർദേശം നൽകി. വിവാദത്തെത്തുടർന്നു സർവകലാശാല 123 വിദ്യാർഥികളോട് ഡിഗ്രി സർട്ടിഫിക്കറ്റ് മടക്കി നൽകാൻ ആവശ്യപ്പെട്ടതു ചട്ടപ്രകാരമല്ലെന്നാരോപിച്ചു വിദ്യാർഥികൾ ഹൈക്കോടതിയെ സമീപിച്ചിരുന്നു. വിദ്യാർഥികളുടെ ഹിയറിങ് നടത്താൻ കോടതി നിർദേശിച്ച സാഹചര്യത്തിലാണ് ഗവർണറുടെ ഉത്തരവ്. അടുത്ത മാസം ഹിയറിങ് നടത്തണമെന്നും തീയതി സംബന്ധിച്ച് വിദ്യാർഥികളെ നേരിട്ട് അറിയിക്കണമെന്നും ഗവർണർ നിർദേശിച്ചിട്ടുണ്ട്.

English Summary: Kerala Governor on MG University mark moderation allegations