വില എരിഞ്ഞ് വറ്റൽ മുളക്

പാലക്കാട് ∙ സംസ്ഥാനത്തു പച്ചക്കറിക്കൊപ്പം വറ്റൽ മുളകിന്റെ വിലയും എരിയുന്നു. കിലോയ്ക്ക് 134 രൂപയാണു മൊത്തവില. കഴിഞ്ഞ ദിവസം 129 രൂപയായിരുന്നു. ആന്ധ്ര മേഖലയിലെ വെള്ളപ്പൊക്കമാണു മുളകു വിലയ്ക്ക് എരിവു കൂട്ടുന്നതെന്നാണു വ്യാപാരികൾ പറയുന്നത്. ആന്ധ്രയിലെ ഗുണ്ടൂ‍ർ, വാറങ്കൽ തുടങ്ങിയ മേഖലകളിൽ നിന്നാണു കേരളത്തിലേക്കു പ്രധാനമായും വറ്റൽമുളക് എത്തുന്നത്. ഗോഡൗണുകളിൽ ശേഖരിച്ചുവച്ച മുളകാണ് ഇപ്പോൾ വരുന്നത്.