സഹോദര സ്നേഹത്തിന്റെ സന്ദേശവുമായി രക്ഷാബന്ധൻ ആഘോഷിച്ച് ഉത്തരേന്ത്യ

ന്യൂ‍ഡ‍ൽഹി∙ സഹോദരീ-സഹോദര ബന്ധത്തിന്റെ മഹത്തായ സന്ദേശമുയർത്തിയുള്ള രക്ഷാബന്ധൻ ആഘോഷത്തിൽ ഉത്തരേന്ത്യ. കഴിഞ്ഞ തവണ കോവിഡ് ഇല്ലാതാക്കിയ രക്ഷാബന്ധൻ ആഘോഷം ഇത്തവണ കോവിഡിനെ പിടിച്ചുകെട്ടിയതിന്റെ കൂടി ആഘോഷമാണ് ഡൽഹിക്കാർക്ക് .

‌സഹോദരന് സർവ നന്മകളും നേർന്നു കെട്ടാൻ പല നിറത്തിലും തരത്തിലുമുള്ള രാഖികളുണ്ടാകും. വൈവിധ്യമാർന്ന മധുര കൂട്ടുകൾ, പുത്തനുടുപ്പ് എല്ലാം ആഘോഷത്തിന്റെ ഭാഗമാണ്. 

ദേവൻമാരും അസുരൻമാരും തമ്മിൽ യുദ്ധം യുദ്ധമുണ്ടായി. ദേവൻമാർ പരാജയപ്പെടാൻ തുടങ്ങിയപ്പോൾ ഇന്ദ്രന്റെ പത്നിയായ ശുചി ഇന്ദ്രന്റെ കയ്യിൽ രക്ഷയ്ക്കായി രാഖി കെട്ടി. പിന്നീടത് സഹോദരി, സഹോദരന്റെ കൈകളിൽ രാഖി കെട്ടുന്നതിലേക്ക് മാറി എന്നാണ് ഐതിഹ്യം.

English Summary: Raksha Bandhan celebration India