ഇസ്രയേല്‍ യാത്രയ്ക്ക് പണം വാങ്ങി ഏജന്റ്?; കൃഷിയിൽ മെച്ചമില്ല, ബിജു എന്തിനാണ് ഇരിട്ടി വിട്ടത്?

ഫെബ്രുവരി 17ന് രാത്രിയിലാണ് കണ്ണൂർ ഇരിട്ടി പേരട്ട കെ.പി.മുക്കിലെ കോച്ചേരിൽ ബിജു കുര്യൻ എന്ന കർഷകനെ ഇസ്രയേലിൽ കാണാതാകുന്നത്. കേരളത്തിൽനിന്ന് ഇസ്രയേലിലെ കൃഷിരീതികൾ പഠിക്കാനെത്തിയ സംഘത്തിലെ അംഗമായിരുന്നു ബിജു. സംസ്ഥാന കൃഷിവകുപ്പിന്റെ നേതൃത്വത്തിലെത്തിയ സംഘത്തിലെ ഒരാളെ കാണാതായത് സ്വാഭാവികമായും വലിയ വാർത്തയായി. ബിജു എവിടേക്കാണു പോയത്? ഒരാഴ്ച പിന്നിടുമ്പോഴും അതിനുള്ള ഉത്തരം ലഭിച്ചിട്ടില്ല. ‘അന്വേഷിക്കേണ്ട’ എന്ന സന്ദേശം ബിജുവിൽനിന്ന് കുടുംബാംഗങ്ങൾക്കു ലഭിച്ചിട്ടുണ്ട്. എന്തുകൊണ്ടാണ് ബിജു ഇസ്രയേലിൽ അപ്രത്യക്ഷനായത്? ഇത്രയേറെ റിസ്കെടുത്ത് മറ്റൊരു രാജ്യത്തേക്കു കടക്കാൻതക്ക എന്തു പ്രശ്നമാണ് ആ കർഷകന് നാട്ടിലുള്ളത്? ബിജുവിനെ അടുത്തറിയാവുന്നവർക്ക് ഇക്കാര്യത്തിൽ എന്താണു പറയാനുള്ളത്? സ്ഥലം പാട്ടത്തിനെടുത്തു വരെ കൃഷി ചെയ്തിട്ടുണ്ട് ബിജു. പലവിധ വിളകൾ പരീക്ഷിച്ചിട്ടുമുണ്ട്. ഇതൊന്നും വിജയം കണ്ടില്ലേ? എല്ലാം വിശദമായിട്ടറിയാം...