അമിത് ഷായുടെ സഹോദരി രാജേശ്വരിബെൻ ഷാ അന്തരിച്ചു

അഹമ്മദാബാദ്∙ കേന്ദ്ര ആഭ്യന്തര മന്ത്രി അമിത് ഷായുടെ മൂത്ത സഹോദരി രാജേശ്വരിബെൻ ഷാ അന്തരിച്ചു. മുംബൈയിലെ ആശുപത്രിയിൽ ചികിത്സയിലിരിക്കെ തിങ്കളാഴ്ച പുലർച്ചെയായിരുന്നു  അന്ത്യം. ഏറെ കാലമായി ചികിത്സയിലായിരുന്നു. മൃതദേഹം അഹമ്മദാബാദിലെ വസതിയിലെത്തിച്ചു. തൽതേജ് ശ്മശാനത്തിലാണ് സംസ്കാരം. 

സഹോദരിയുടെ വിയോഗത്തെ തുടർന്ന് അമിത് ഷായുടെ എല്ലാ പരിപാടികളും റദ്ദാക്കി. ബിജെപി പ്രവർത്തകർക്കൊപ്പം മകരസംക്രാന്തി ആഘോഷിക്കാൻ അമിത് ഷാ ഞായറാഴ്ച മുതൽ അഹമ്മദാബാദിലുണ്ട്. തിങ്കളാഴ്ച ബനസ്കന്ത, ഗാന്ധിനഗർ ജില്ലകളിലെ പരിപാടികളിൽ പങ്കെടുക്കേണ്ടതായിരുന്നു.