മള്ളിയൂർ ശങ്കരസ്മൃതി പുരസ്കാരം എസ്.സോമനാഥിന്; ഗണേശ പുരസ്കാരം വിശാഖ ഹരിക്ക്
Mail This Article
×
കോട്ടയം ∙ ഐഎസ്ആർഒ മുൻ ചെയർമാനും ബഹിരാകാശ ശാസ്ത്രജ്ഞനുമായ ഡോ.എസ്.സോമനാഥിനു മള്ളിയൂർ ശങ്കരസ്മൃതി പുരസ്കാരം. 1 ലക്ഷം രൂപയും ഫലകവും പ്രശസ്തിപത്രവുമാണു സമ്മാനം. മള്ളിയൂർ ഗണേശ പുരസ്കാരത്തിനു ഹരികഥാ വിദുഷി വിശാഖ ഹരി അർഹയായി. 10,001 രൂപയും ഫലകവും പ്രശസ്തിപത്രവുമാണു ഗണേശ പുരസ്കാരം.
ഫെബ്രുവരി 2ന് 104-ാം മള്ളിയൂർ ഭാഗവതഹംസ ജയന്തി അനുസ്മരണവേദിയിൽ പുരസ്കാരങ്ങൾ സമ്മാനിക്കും. ഭാഗവതഹംസം മള്ളിയൂർ ശങ്കരൻ നമ്പൂതിരിയുടെ സ്മരണാർഥം കല, സാഹിത്യം, ശാസ്ത്രം, ആധ്യാത്മിക രംഗങ്ങളിൽ മികച്ച സേവനം നടത്തിയവർക്കാണു പുരസ്കാരം നൽകുന്നതെന്നു ക്ഷേത്ര ട്രസ്റ്റിമാരായ മള്ളിയൂർ പരമേശ്വരൻ നമ്പൂതിരിയും ദിവാകരൻ നമ്പൂതിരിയും അറിയിച്ചു.
English Summary:
Malliyoor Shankara Smriti award: Former ISRO Chairman Honored with Malliyoor Shankara Smriti Puraskaram
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.