പാലക്കാട് ജില്ലാ ആശുപത്രിയിൽ നഴ്‌സുമാരുടെ വിശ്രമമുറിക്ക് സമീപം തീപിടിത്തം; രോഗികളെ മാറ്റി

പാലക്കാട് ∙ ജില്ലാ ആശുപത്രിയിൽ വാർഡിനോട് ചേർന്നുള്ള മരുന്ന് സൂക്ഷിക്കുന്ന മുറിയിൽ തീപിടിത്തം. പുലർച്ചെ മൂന്നോടെയാണു തീപിടിത്തമുണ്ടായത്. ആർക്കും പരുക്കില്ലെന്നു പൊലീസ് പറഞ്ഞു,

താഴത്തെ നിലയിൽ നഴ്സുമാരുടെ വിശ്രമ മുറിയോടു ചേർന്നാണു മരുന്ന് സൂക്ഷിക്കുന്ന മുറി. പുക ഉയർന്നതിനു പിന്നാലെ സമീപത്തെ വനിതാ വാർഡിലെയും സർജിക്കൽ ഐസിയുവിലെയും രോഗികളെ മാറ്റി. അഗ്നിശമനസേന അര മണിക്കൂറിനുള്ളിൽ തീ കെടുത്തി. ഷോർട്ട് സർക്യൂട്ടാണ് അപകട കാരണമെന്നാണ് പ്രാഥമിക നിഗമനം.