പതിനഞ്ച് വർഷത്തെ പ്ലാനിങ്; സിനിമ വഴിയും പോരാട്ടം; ‘തലൈവർ ’തോറ്റു പിൻമാറിയിടത്തേക്ക് ‘ദളപതി’; സ്വീകരിക്കുമോ തമിഴകം?

‘ലേറ്റാ വന്താലും ലേറ്റസ്റ്റാ വരുവേൻ’ ‘സിങ്കം സിംഗിളാ വരും’ തുടങ്ങിയ മാസ് ഡയലോഗുകളിലൂടെ ഇപ്പോ രാഷ്ട്രീയത്തിലിറങ്ങുമെന്ന് ആശിപ്പിച്ച തലൈവർ രജനികാന്ത് തോറ്റു പിൻമാറിയിടത്തേക്കാണ് ‘ദളപതി’ നാ റെഡി താൻ എന്നു പാടി അവതരിച്ചത്. വിജയ് എന്ന നടന്റെ ആട്ടവും പാട്ടും അടിയും പഞ്ച് ഡയലോഗും സ്ലോമേഷൻ നടത്തവുമെല്ലാം കയ്യടിച്ചും ആർപ്പുവിളിച്ചും ആഘോഷിച്ച തമിഴക മക്കൾ വിജയ് എന്ന രാഷ്ട്രീയക്കാരനെ എങ്ങനെ സ്വീകരിക്കും..? കാത്തിരിക്കുകയാണ് ആ കാഴ്ചയ്ക്കായി തമിഴകം.