സ്വർണ വില തുടരെ താഴേയ്ക്ക്

സംസ്ഥാനത്ത് സ്വർണവില ഇടിയുന്നു. ഈ മാസത്തെ ഏറ്റവും കുറഞ്ഞ വിലയിലാണ് ഇന്ന് വ്യാപാരം പുരോഗമിക്കുന്നത്. ഗ്രാമിന്  5,180 രൂപയിലും പവന് 41,440 രൂപയിലുമാണ് ഇന്ന് വ്യാപാരം പുരോഗമിക്കുന്നത്.

ഗ്രാമിന് 20 രൂപയും പവന് 160 രൂപയുമാണ് ഇന്ന് കുറഞ്ഞത്. രണ്ട് ദിവസമായി ഗ്രാമിന് 5,200 രൂപയിലും പവന്  41,600 രൂപയിലുമാണ്  വ്യാപാരം നടന്നത്.

മൂന്ന് ദിവസം കൊണ്ട് ഗ്രാമിന് 40 രൂപയും പവന് 320 രൂപയും കുറഞ്ഞു. രാജ്യാന്തര വിപണിയിൽ ഡോളർ മുന്നേറ്റത്തിൽ വീണ്ടും അടിപതറിയ രാജ്യാന്തര സ്വർണ വില 1831 ഡോളറിലേക്കു വീണു. അമേരിക്കൻ ബോണ്ട് യീൽഡ് ക്രമപ്പെട്ടേക്കാമെന്നത് ഇന്ന് സ്വർണത്തിന് അനുകൂലമായേക്കും.

English Summary : Gold Price Today in Kerala