Activate your premium subscription today
റാഞ്ചി∙ അധികാരത്തിലെത്തിയാൽ ജാർഖണ്ഡിൽ ഏക സിവിൽ കോഡ് (യുസിസി) നടപ്പാക്കുമെന്നും ഗോത്ര വർഗക്കാരെ അതിൽനിന്ന് ഒഴിവാക്കുമെന്നും കേന്ദ്ര ആഭ്യന്തര മന്ത്രി അമിത് ഷാ. തിരഞ്ഞെടുപ്പ് പ്രകടന പത്രികയായ ‘സങ്കൽപ് പത്ര’ പുറത്തിറക്കി സംസാരിക്കുകയായിരുന്നു അദ്ദേഹം. വ്യവസായങ്ങളും ഖനികളും മൂലം വീടും സ്ഥലവും വിട്ട് ഒഴിഞ്ഞുപോകേണ്ടി വന്നവരുടെ പുനരധിവാസത്തിനായി ഡിസ്പ്ലേസ്മെന്റ് കമ്മിഷൻ രൂപീകരിക്കുമെന്നും അദ്ദേഹം കൂട്ടിച്ചേർത്തു.
അഹമ്മദാബാദ്∙ ഒരു രാജ്യം ഒരു തിരഞ്ഞെടുപ്പ്, ഏക സിവിൽ കോഡ് എന്നതിലേക്ക് രാജ്യം നീങ്ങുന്നുവെന്ന് പ്രധാനമന്ത്രി നരേന്ദ്ര മോദി. ഏക സിവിൽ കോഡ് രാജ്യത്ത് മുൻ വിധിയോടെയുള്ള സമീപനം ഇല്ലാതാക്കുമെന്നും അദ്ദേഹം പറഞ്ഞു. ഏകതാ ദിനത്തിൽ സർദാർ പട്ടേൽ പ്രതിമയിൽ ആദരമർപ്പിച്ചതിന് ശേഷമാണ് പ്രധാനമന്ത്രിയുടെ പരാമർശം.
രാജ്യത്തെ നിലവിലെ സിവിൽകോഡ് ഭിന്നിപ്പിക്കുന്നതാണെന്ന പ്രധാനമന്ത്രി നരേന്ദ്ര മോദിയുടെ പരാമർശത്തിനെതിരെ കോൺഗ്രസ് രംഗത്ത്. ഭരണഘടനാ ശിൽപി അംബേദ്കർ എഴുതിയ സിവിൽ കോഡുകൾ എങ്ങനെ മതപരമാകുമെന്ന് കോൺഗ്രസ് നേതാവ് പവൻഖേര ചോദിച്ചു. മതപരമായ സിവിൽ കോഡെന്നു പറയുന്നത് ഡോ. അംബേദ്കറെ അപമാനിക്കുകയാണെന്ന് കോണ്‍ഗ്രസ് ജനറൽ സെക്രട്ടറി ജയറാം രമേഷ് പറഞ്ഞു.
ന്യൂഡൽഹി ∙ ഉത്തരാഖണ്ഡിൽ ഏകവ്യക്തിനിയമം നടപ്പാക്കാൻ സംസ്ഥാന സർക്കാർ ഒരുങ്ങുന്നു. ലോക്സഭാ തിരഞ്ഞെടുപ്പിലെ തിരിച്ചടിക്കു ശേഷവും ഏകവ്യക്തിനിയമത്തിൽനിന്നു പിന്മാറില്ലെന്ന ബിജെപിയുടെ പ്രഖ്യാപനം കൂടിയാണ് ഉത്തരാഖണ്ഡിലെ നീക്കങ്ങൾ. രാജ്യത്ത് ഏകവ്യക്തിനിയമം പാസാക്കിയ ഏക സംസ്ഥാനമാണ് ഉത്തരാഖണ്ഡ്. മുസ്ലിം സംഘടനകളും ഇന്ത്യാസഖ്യത്തിലെ പ്രമുഖ പാർട്ടികളും നിയമത്തിനെതിരെ രംഗത്തുണ്ടെങ്കിലും ഒക്ടോബറിൽ നിയമം നടപ്പാക്കാനാണ് ബിജെപി സർക്കാരിന്റെ തീരുമാനം. സംസ്ഥാന സ്ഥാപക ദിനമായ നവംബർ 9ന് മുൻപു നിയമം നടപ്പാക്കുമെന്നു മുഖ്യമന്ത്രി പുഷ്കർ സിങ് ധാമി പ്രഖ്യാപിച്ചിട്ടുണ്ട്.
ന്യൂഡൽഹി∙ മോദിസർക്കാർ ഭരണത്തിൽ തിരിച്ചെത്തിയാൽ അഞ്ചുവർഷത്തിനുള്ളിൽ ഏക സിവിൽ കോഡ് (യുസിസി) നടപ്പാക്കുമെന്ന് കേന്ദ്ര ആഭ്യന്തരവകുപ്പ് മന്ത്രി അമിത് ഷാ പറഞ്ഞു. 'ഒരു രാജ്യം ഒരു തിരഞ്ഞെടുപ്പ്' എന്ന ആശയത്തിൽ നിയമസഭാ, ലോക്സഭാ തിരഞ്ഞെടുപ്പുകൾ നടപ്പാക്കുമെന്നും ഒരു ദേശീയ മാധ്യമത്തിന് നൽകിയ അഭിമുഖത്തിൽ അദ്ദേഹം വ്യക്തമാക്കി.
കൊൽക്കത്ത ∙ ദേശീയ പൗരത്വ ഭേദഗതി നിയമവും ഏക സിവിൽ കോഡും അനുവദിക്കില്ലെന്നും ഇതിനെതിരെ രക്തം ചിന്താൻ മടിയില്ലെന്നും ബംഗാൾ മുഖ്യമന്ത്രി മമത ബാനർജി. കൊൽക്കത്തയിലെ ഈദ്ഗാഹിൽ പെരുന്നാൾ ദിനത്തിൽ സംസാരിക്കുകയായിരുന്നു അവർ. ജനങ്ങൾ തമ്മിലുള്ള സൗഹാർദത്തിനു തടസ്സമായ ഒന്നും അനുവദിക്കില്ലെന്ന് മമത പറഞ്ഞു. അസമിലെപോലെ പരൗത്വം നിഷേധിക്കപ്പെടുന്നവർക്കു തടങ്കൽ പാളയങ്ങൾ അംഗീകരിക്കില്ലെന്നും മമത പറഞ്ഞു.
ന്യൂഡൽഹി∙ രാഷ്ട്രപതി ദ്രൗപദി മുർമു അംഗീകാരം നൽകിയതോടെ ഉത്തരാഖണ്ഡ് നിയമസഭ പാസാക്കിയ ഏകവ്യക്തി നിയമത്തിന് അംഗീകാരമായി. ഇതോടെ സ്വതന്ത്ര ഇന്ത്യയിൽ ഏക വ്യക്തി നിയമം നടപ്പിലാക്കുന്ന ആദ്യ സംസ്ഥാമായി ഉത്തരാഖണ്ഡ് മാറി. പുതിയ നിയമം സംബന്ധിച്ച വിജ്ഞാപനം സർക്കാർ ഉടൻ തന്നെ പുറത്തിറക്കും. ഫെബ്രുവരി ആറിനാണ്
ഗുവാഹത്തി∙ ഉത്തരാഖണ്ഡിനു പിന്നാലെ ഏകവ്യക്തി നിയമം നടപ്പാക്കാൻ ഒരുങ്ങി അസം സർക്കാരും. ഇതിലേക്കുള്ള ആദ്യ ചുവടുവയ്‌‌പ്പായി മുസ്ലിം വിവാഹം, വിവാഹമോചന റജിസ്ട്രേഷൻ നിയമം എന്നിവ പിൻവലിക്കാൻ തീരുമാനിച്ചു. മന്ത്രിസഭായോഗമാണ് ഇതു സംബന്ധിച്ച് തീരുമാനമെടുത്തതെന്ന് അസം മന്ത്രി ജയന്ത മല്ല ബറുവ പറഞ്ഞു. അസം
മുഖ്യമന്ത്രി പുഷ്കർ സിങ് ധാമിയുടെ വാക്കുകളിൽ, ‘ഏകവ്യക്തി നിയമം (യുസിസി) പാസാക്കുന്ന ആദ്യ നിയമസഭയാകുകവഴി ഉത്തരാഖണ്ഡ് ചരിത്രം സൃഷ്ടിച്ചു. ഗംഗയുടെ നാടായ ഉത്തരാഖണ്ഡിൽനിന്ന് ഒഴുകുന്ന യുസിസി രാജ്യത്തെയാകെ അനുഗ്രഹിക്കും.’ അനുഗ്രഹത്തിന്റെ അടുത്ത ഗഡു വരിക ഗുജറാത്ത്, അസം നിയമസഭകളിൽനിന്നാണ്. ബിജെപിയുടെ േദശീയ പ്രകടനപത്രികയിലെ പതിവുവിഷയങ്ങളിലൊന്നാണ് യുസിസി. മറ്റു വിവാദവാഗ്ദാനങ്ങളൊക്കെയും നടപ്പാക്കിയിട്ടും യുസിസിയുടെ കാര്യത്തിൽ മോദി സർക്കാർ ഉത്സാഹം കാട്ടാതിരുന്നത് എന്തുകൊണ്ടെന്നു വ്യക്തമല്ല. വിഷയം നേരത്തേ പരിശോധിച്ച് നിലപാടു പറഞ്ഞ ലോ കമ്മിഷനോടു വീണ്ടും പഠിക്കാൻ കേന്ദ്രം പറഞ്ഞു; പഠനം തുടരുകയാണ്. പൊതുതിരഞ്ഞെടുപ്പിനു മുൻപ് ഇനി പാർലമെന്റ് കൂടില്ല. അപ്പോൾ ഇത്തവണയും ദേശീയമായി യുസിസിയില്ല.
ന്യൂഡൽഹി∙ ലോക്സഭാ തിരഞ്ഞെടുപ്പിനു മുൻപു പൗരത്വ ഭേദഗതി നിയമം (സിഎഎ) നടപ്പാക്കുമെന്നു കേന്ദ്ര ആഭ്യന്തരമന്ത്രി അമിത് ഷാ. സിഎഎയുടെ പേരിൽ നമ്മുടെ മുസ്ലിം സഹോദരങ്ങളെ തെറ്റിദ്ധരിപ്പിക്കുകയാണ് പലരും. പാക്കിസ്ഥാൻ, അഫ്ഗാനിസ്ഥാൻ, ബംഗ്ലാദേശ് എന്നിവിടങ്ങളിൽനിന്നു പീഡനത്തിനുശേഷം ഇന്ത്യയിലെത്തിയവർക്കു പൗരത്വം നൽകാൻ മാത്രമാണു സിഎഎ ഉദ്ദേശിക്കുന്നത്. ഇതു ആരുടെയും ഇന്ത്യൻ പൗരത്വം തട്ടിയെടുക്കാനുള്ളതല്ല.
Results 1-10 of 174
