Activate your premium subscription today
തിരുവനന്തപുരം ∙ പാർട്ടി കോൺഗ്രസ് വരെ കേരളത്തിലെ സിപിഐ ഉയർത്തിപ്പിടിച്ച ദേശീയ കൗൺസിലിന്റെ മാർഗരേഖ അതിനു തൊട്ടുപിന്നാലെ ചേർന്ന കൗൺസിൽ യോഗം ഒടിച്ചു മടക്കി. അസി.സെക്രട്ടറിമാർ സംസ്ഥാന സെക്രട്ടറിയെക്കാൾ പ്രായം കുറഞ്ഞവർ ആയിരിക്കണമെന്ന മാർഗരേഖയാണു ലംഘിക്കപ്പെട്ടത്.
സംസ്ഥാന സമ്മേളനവും പാർട്ടി കോൺഗ്രസും കഴിഞ്ഞതോടെ സിപിഐയുടെ പൂർണ നിയന്ത്രണം സംസ്ഥാന സെക്രട്ടറി കാനം രാജേന്ദ്രനിൽ നിക്ഷിപ്തമാണ്. പാർട്ടിക്ക് അകത്തെ അദ്ദേഹത്തിന്റെ പ്രധാന എതിരാളികൾ ഘടകങ്ങളിൽനിന്നു തന്നെ ഒഴിവായിരിക്കുന്നു. സിപിഐയുടെ നേതൃസമിതികളിൽ ഇടംപിടിച്ചവർ എല്ലാം കാനത്തോട് കൂറു പുലർത്തുന്നവരാണ്. ഇനി ‘കാനാധിപത്യ’ മാണ് പാർട്ടിയിൽ എന്നു വരെയുള്ള ചർച്ചയാണ് സിപിഐയിൽ മുറുകുന്നത്. ആ സമ്പൂർണ വിജയത്തിന്റെ ആവേശം കാനം രാജേന്ദ്രന്റെ സമീപകാല പ്രതികരണങ്ങളിലും പ്രകടമാണ്. സർക്കാരുമായി സംഘർഷത്തിൽ ഏർപ്പെട്ടിരിക്കുന്ന ഗവർണർ ആരിഫ് മുഹമ്മദ് ഖാനെതിരെ രൂക്ഷമായ വിമർശനങ്ങളാണ് അദ്ദേഹം നടത്തുന്നത്. പാർട്ടി സമ്മേളനങ്ങളിൽ നടന്ന വിവാദ അധ്യായങ്ങളെയും ഗവർണർ തുറന്നിരിക്കുന്ന പുതിയ അധ്യായങ്ങളെയും കുറിച്ച് മലയാള മനോരമ സീനിയർ സ്പെഷൽ കറസ്പോണ്ടന്റ് സുജിത് നായരോട് ‘ക്രോസ് ഫയറിൽ’ കാനം രാജേന്ദ്രൻ സംസാരിക്കുന്നു... കാനം രാജേന്ദ്രൻ തന്റെ പതിവ് സംയമനം വിട്ടുള്ള നീക്കത്തിലാണോ?, ഗവർണറോട് ഇപ്പോൾ പ്രതിഷേധമാണോ രോഷമാണോ അതോ പുച്ഛമാണോ?, കോടിയേരി–കാനം ബന്ധം വളരെ ഊഷ്മളമായിരുന്നു, എം.വി.ഗോവിന്ദനുമായോ? വിഴിഞ്ഞം പ്രശ്നത്തിൽ സിപിഐ ഇടപെട്ടിട്ടും സമരം തീരുന്നില്ലല്ലോ?...
വിജയവാഡ ∙ പ്രായപരിധിയായ 75ന്റെ പേരിൽ ഒഴിവാക്കപ്പെട്ടവർക്കു സിപിഐയിൽ ഇനി എന്താണു സ്ഥാനം? യഥാർഥത്തിൽ അങ്ങനെയൊരു ‘പുനരധിവാസപദ്ധതി’യെക്കുറിച്ച് പാർട്ടി കോൺഗ്രസിലും തീരുമാനമൊന്നുമില്ല. അടുത്ത ദേശീയ നിർവാഹകസമിതി, കൗൺസിൽ യോഗങ്ങളിൽ അക്കാര്യം ആലോചിക്കുമെന്നാണു നേതാക്കൾ പറയുന്നത്.
വിജയവാഡ ∙ ഒടുവിൽ പാർട്ടി കോൺഗ്രസ് തിരഞ്ഞെടുത്ത ജനറൽ സെക്രട്ടറി എന്ന അംഗീകാരംകൂടി ഡി.രാജ നേ‌ടിയെടുത്തു. കഴിഞ്ഞ പാർട്ടി കോൺഗ്രസിൽ ജനറൽ സെക്രട്ടറി ആയി തിരഞ്ഞെടുക്കപ്പെട്ട എസ്.സുധാകർ റെഡ്ഡി അനാരോഗ്യം മൂലം ഒഴിവായപ്പോൾ 2019 ജൂലൈയിൽ ചേർന്ന ദേശീയ കൗൺസിൽ യോഗമാണ് രാജയെ ജനറൽ സെക്രട്ടറി ആക്കിയത്.
വിജയവാഡ ∙ കേരളത്തിലെ സിപിഐ രാഷ്ട്രീയത്തിൽ ഇസ്മായിൽ പക്ഷം ഇല്ലാതായി. കെ.ഇ.ഇസ്മായിൽ ദേശീയ സമിതികളിൽനിന്നു വിടവാങ്ങിയ സമ്മേളനത്തിൽ ആ സമിതികളിലേക്കു കടന്നുവന്ന എല്ലാവരും തന്നെ ഉറച്ച കാനം പക്ഷക്കാരാണ്. ദേശീയ കൗൺസിലിലെ ഏക ഇസ്മായിൽ പക്ഷക്കാരനായ ടി.വി.ബാലനും (കോഴിക്കോട്) പുറത്തായി.
സിപിഐ ജനറൽ സെക്രട്ടറിയായി ഡി.രാജയെ പാർട്ടി കോൺഗ്രസ് വീണ്ടും തിരഞ്ഞെടുത്തു. കേരളത്തിൽനിന്ന് കെ.പ്രകാശ് ബാബുവും പി.സന്തോഷ് കുമാർ എംപിയും 30 അംഗം ദേശീയ നിർവാഹക സമിതിയിലേക്കു പുതുതായി കടന്നു വന്നു. സംസ്ഥാന സെക്രട്ടറി കാനം രാജേന്ദ്രനും ബിനോയ് വിശ്വം എംപിയും 11 അംഗ കേന്ദ്ര സെക്രട്ടേറിയറ്റിൽ തുടരും. ദേശീയ നിർവാഹകസമിതി അംഗം കെ.ഇ.ഇസ്മായിലിന്റെയും
വിജയവാഡ∙ ഡി.രാജ (72) സിപിഐ ജനറൽ സെക്രട്ടറിയായി തുടരും. വിജയവാഡയിൽ നടക്കുന്ന 24–ാം പാർട്ടി കോൺഗ്രസ് രാജയുടെ പേര് ഒറ്റക്കെട്ടായി അംഗീകരിച്ചു. കെ.പ്രകാശ് ബാബുവിനെ സിപിഐ ദേശീയ എക്സിക്യൂട്ടീവിലേക്ക് തിരഞ്ഞെടുത്തു.
വിജയവാഡ∙ മന്ത്രിമാർ ഉൾപ്പെടെ സിപിഐ ദേശീയ കൗൺസിലിലേക്ക് കേരളത്തില്‍നിന്ന് ഏഴു പുതുമുഖങ്ങൾ. മന്ത്രിമാരായ കെ.രാജന്‍, ജി.ആര്‍.അനില്‍, പി.പ്രസാദ്, ഡപ്യൂട്ടി സ്പീക്കര്‍ ചിറ്റയം ഗോപകുമാർ, രാജാജി മാത്യു തോമസ് എന്നിവരാണ് ദേശീയ കൗണ്‍സിലിലേക്ക് എത്തുന്നത്.
വിജയവാഡ ∙ സിപിഐയുടെ ദേശീയ, സംസ്ഥാന കൗൺസിലുകളിൽ അംഗമാകാനുള്ള പ്രായപരിധി 75 വയസ്സ് ആയി നിജപ്പെടുത്തി. ഇതു സംബന്ധിച്ച ഭരണഘടനാ ഭേദഗതി പാർട്ടി കമ്മിഷൻ വോട്ടിനിട്ട് അംഗീകരിച്ചു. കമ്മിഷന്റെ ശുപാർശ ഇന്നു ചേരുന്ന പാർട്ടി കോൺഗ്രസ് അന്തിമമാക്കും. കേരളത്തിൽ അടക്കം തർക്ക വിഷയമായിരുന്നു 75 വയസ്സ് പരിധി.
മുന്നാക്കക്കാരിൽ സാമ്പത്തികമായി പിന്നാക്കം നിൽക്കുന്നവർക്ക് സംവരണം വേണമെന്ന നിലപാട് സിപിഐ ഉപേക്ഷിക്കുന്നു. പാർട്ടി പരിപാടിയിലെ ഈ വ്യവസ്ഥ ഉപേക്ഷിക്കണമെന്ന ഭേദഗതി കേരളത്തിൽ നിന്നുളള വി.എസ്.സുനിൽകുമാർ അവതരിപ്പിച്ചപ്പോൾ ഭൂരിപക്ഷം പേരും പിന്തുണച്ചു. ഇതേ നിർദേശം രാഷ്ട്രീയ പ്രമേയത്തിന്മേലുള്ള ചർച്ചയിലും ഉയർന്നു.
Results 1-10 of 24
