Activate your premium subscription today
തിരുവനന്തപുരം∙ ശബരിമലയില്‍ വെര്‍ച്വല്‍ ബുക്കിങ് നടത്തുന്ന ഭക്തര്‍ക്ക് ഏതെങ്കിലും കാരണവശാല്‍ എത്താന്‍ കഴിഞ്ഞില്ലെങ്കിൽ ബുക്കിങ് റദ്ദാക്കി മറ്റു ഭക്തര്‍ക്ക് അവസരം ഒരുക്കണമെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് പി.എസ്.പ്രശാന്ത്. ശബരിമല മണ്ഡല, മകരവിളക്ക് മഹോത്സവത്തിന് നാളെ തുടക്കം കുറിക്കാനിരിക്കെ മുന്നൊരുക്കങ്ങള്‍ സംബന്ധിച്ച് സന്നിധാനത്തുനിന്ന് മനോരമ ഓണ്‍ലൈനിനോടു സംസാരിക്കുകയായിരുന്നു പ്രശാന്ത്.
തിരുവനന്തപുരം ∙ മണ്ഡല മകരവിളക്കു കാലത്ത് ശബരിമലയിൽ 16,000 പേർക്ക് ഒരേസമയം വിരിവയ്ക്കാനുള്ള സൗകര്യം ഒരുക്കുമെന്നു തിരുവിതാംകൂർ ദേവസ്വം ബോർഡ്. നിലയ്ക്കലിൽ ടാറ്റയുടെ 5 വിരി ഷെഡുകളിൽ 5,000 പേർക്കും മഹാദേവക്ഷേത്രത്തിന്റെ നടപ്പന്തലിൽ 1000 പേർക്കും വിരിവയ്ക്കാനുള്ള സൗകര്യം ഇതിനുപുറമെയുണ്ട്. നിലയ്ക്കലിൽ കെഎസ്ആർടിസി ബസ് സ്റ്റാൻഡിനു സമീപം 3000 പേർക്ക് കൂടി വിരിവയ്ക്കാൻ പന്തലും സജ്ജീകരിച്ചു.
കോട്ടയം ∙ ശബരിമല റോപ്‌വേ നിർമാണത്തിനായി ഉപയോഗിക്കുന്ന വനഭൂമിക്കു പകരം നൽകുന്ന റവന്യു ഭൂമി 14നു കൈമാറ്റം ചെയ്യും. കൊല്ലം ശെന്തുരുണി വൈൽഡ് ലൈഫ് സെക്‌ഷനിലുള്ള 4.5 ഹെക്ടർ (11.12 ഏക്കർ) റവന്യു ഭൂമിയാണു വനംവകുപ്പിനു കൈമാറുന്നത്. വനംവകുപ്പിനു പകരം സ്ഥലം നൽകുന്നതു സംബന്ധിച്ച കുരുക്കാണു പദ്ധതി വൈകിപ്പിച്ചതെന്നു മന്ത്രി വി.എൻ.വാസവൻ പറഞ്ഞു.
തിരുവനന്തപുരം∙ ശബരിമല ദർശനത്തിന് ഓൺലൈൻ വഴി നേരത്തേ മുറി ബുക്ക് ചെയ്ത ശേഷം യാത്രാ തടസ്സങ്ങൾ മൂലം വൈകി എത്തുന്നവർക്ക് ഇനി താമസ സൗകര്യം നഷ്ടമാകില്ല. വൈകിയെത്തുന്നവർക്കായി പമ്പയിൽ പുതിയ ചെക്ക് ഇൻ കൗണ്ടർ തുറക്കാനാണു തീരുമാനം. പരിഷ്കാരം ഇത്തവണ മുതൽ നടപ്പാക്കും.
ശബരിമല ∙ ദർശനത്തിനുള്ള വെർച്വൽ ക്യു ബുക്കിങ് 70,000 ആയി കുറച്ചെങ്കിലും ബാക്കിവരുന്ന 10,000 എങ്ങനെ കൈകാര്യം ചെയ്യണമെന്ന കാര്യത്തിൽ അവ്യക്തത. സ്പോട് ബുക്കിങ് വേണമെന്ന് സിപിഎം ഉൾപ്പെടെ എല്ലാ രാഷ്ട്രീയ പാർട്ടികളും ആവശ്യപ്പെടുന്നുണ്ടെങ്കിലും അതേ പേരിൽ അനുവദിക്കണോ, വേണ്ടയോ എന്നാണ് ഇപ്പോഴത്തെ ആലോചന. സ്പോട് ബുക്കിങ് വിഷയത്തിൽ കൂടുതൽ കാര്യങ്ങൾ മുഖ്യമന്ത്രിയുമായി ആലോചിച്ച് തീരുമാനിക്കുമെന്നും ദർശനത്തിനു വരുന്ന ആരെയും തിരിച്ചു വിടില്ലെന്നും ദേവസ്വം ബോർഡ് പ്രസിഡന്റ് പി.എസ്.പ്രശാന്ത് പറഞ്ഞു. സ്പോട് ബുക്കിങ് എവിടെ എല്ലാം വേണമെന്ന കാര്യത്തിലും ദേവസ്വം ബോർഡ് തീരുമാനം ഉണ്ടായില്ല.
തിരുവനന്തപുരം ∙ മണ്ഡല–മകരവിളക്കു കാലത്ത് ശബരിമലയിൽ ദർശനത്തിനു സ്പോട് ബുക്കിങ് വേണ്ടെന്നും ഓൺലൈൻ ബുക്കിങ് മതിയെന്നും തിരുവിതാംകൂർ ദേവസ്വം ബോർഡ് തീരുമാനിച്ചു. ദിവസം പരമാവധി 80,000 പേർക്കാകും വെർച്വൽ ക്യൂ വഴിയുള്ള ദർശനം. ഇവരെ മാത്രമേ പമ്പയിൽനിന്നു സന്നിധാനത്തേക്കു കടത്തിവിടൂ. 3 മാസം മുൻപേ ബുക്കിങ് തുടങ്ങും. അതേസമയം, മാസപൂജയ്ക്കു നട തുറക്കുമ്പോൾ വെർച്വൽ ക്യൂവിനൊപ്പം സ്പോട് ബുക്കിങ്ങും തുടരും.
തിരുവനന്തപുരം ∙ ക്ഷേത്രങ്ങളിൽ പൂജ, നിവേദ്യം എന്നിവയ്ക്ക് അരളിപ്പൂ ഉപയോഗിക്കേണ്ടെന്ന പൊതു നിർദേശം ഉയർന്നതോടെ ഇന്നു ചേരുന്ന തിരുവിതാംകൂർ ദേവസ്വം ബോർഡ് യോഗം ഇക്കാര്യത്തിൽ തീരുമാനമെടുക്കും. ഇന്നലെ ബോർഡ് പ്രാഥമിക ചർച്ച നടത്തി. അരളിച്ചെടിയുടെ പൂവിലും ഇലയിലുമെല്ലാം വിഷാംശമുണ്ടെന്നും മരണത്തിനു വരെ കാരണമാകാമെന്നും കണ്ടെത്തിയിരുന്നു.
തീർഥാടനകാലത്ത് സന്നിധാനത്തേക്കുള്ള ഭക്തജന പ്രവാഹം കണ്ടാൽ, പമ്പയിൽ നിന്ന് സന്നിധാനത്തേക്ക് ഇടമുറിയാതെ ഒഴുകുന്ന കൈവഴിപോലെയാണ് തോന്നുക. നദിയിലെ ഒഴുക്കുപോലെ തന്നെ തീർഥാടക പ്രവാഹത്തിലും ഏറ്റക്കുറച്ചിലുകൾ സ്വാഭാവികമാണ്. ചിലപ്പോൾ ആ ഒഴുക്ക് വളരെ ശാന്തമായിരിക്കും, മറ്റു ചിലപ്പോൾ നിയന്ത്രണാതീതവും. ഏറെ ദുരിതങ്ങൾക്ക് ശേഷം കാലവും പ്രകൃതിയും ഒരുപോലെ ശാന്തമായതോടെ പൂർണമായും സുഗമമായ തീർഥാടന കാലത്തേക്കാണ് ഇത്തവണ അയ്യപ്പ ഭക്തർ ചുവടുവച്ചത്. എന്നാൽ, ശബരിമലയിൽ പലപ്പോഴും അനുഭവപ്പെട്ട അനിയന്ത്രിതമായ തിരക്ക് വൻ ചർച്ചകൾക്കും വഴിവെട്ടി. മണ്ഡലകാലം സമാപനത്തോട് അടുക്കുകയും ശബരിമലയിലേക്കുള്ള ഭക്തജനത്തിരക്ക് അതിന്റെ പാരമ്യത്തിൽ എത്തുന്ന മകരവിളക്ക് കാലത്തേക്ക് തയാറെടുപ്പുകൾ ആരംഭിക്കുകയുമാണ്. ഇക്കാലയളവിൽ സന്നിധാനത്തും തീർഥാടന പാതകളിലും സ്വീകരിക്കേണ്ട മുൻകരുതലുകൾ ഒട്ടേറെയാണ്. ഈ തയാറെടുപ്പുകൾക്ക് തിരുവിതാംകൂർ ദേവസ്വം ബോർഡിനെ ശക്തിപ്പെടുത്തുന്നത് പുതിയതായി ചുമതലയേറ്റ അധ്യക്ഷനാണ്. എന്തുകൊണ്ടാണ് ശബരിമലയിലെ തിരക്ക് ഇത്തവണ വിവാദമായത്? ഭക്തരുടെ വാഹനങ്ങൾ തടയുന്നതിനെപ്പറ്റി എന്താണ് ബോർഡിന്റെ വാദം? ശബരിമലയിൽ അടിസ്ഥാന സൗകര്യങ്ങൾ ഒരുക്കുന്നതുമായി ബന്ധപ്പെട്ട പരാതികൾ എങ്ങനെ പരിഹരിക്കും? ശബരിമലയിലെ ഇതുവരെയുള്ള അനുഭവങ്ങൾ ഭാവിയിലെ മുന്നൊരുക്കങ്ങൾക്കുള്ള പാഠമാകുമോ? ദേവസ്വം ബോർഡിന്റെ പുതിയ പ്രസിഡന്റ് പി.എസ്.പ്രശാന്ത് ‘മനോരമ ഓൺലൈൻ പ്രീമിയ’ത്തിൽ സംവദിക്കുന്നു.
തിരുവനന്തപുരം∙ ശബരിമല തീർഥാടനം സുഗമമാക്കുന്നതും ക്ഷേത്രങ്ങളുടെ നഷ്ടപ്പെട്ട ഭൂമി വീണ്ടെടുക്കുന്നതുമാണു പ്രധാന അജൻഡയെന്ന് തിരുവിതാംകൂർ ദേവസ്വംബോർഡ് പ്രസിഡന്റായി ചുമതലയേറ്റ പി.എസ്.പ്രശാന്ത്. സ്വച്ഛതയോടെ ദർശനത്തിന് അവസരമൊരുക്കാനാണ് ഹൈക്കോടതിയുടെ നിർദേശപ്രകാരം ക്ഷേത്രവളപ്പിൽ സംഘടന പ്രവർത്തനവും കായിക പരിശീലനവും ബോർഡ് വിലക്കിയത്. ഇതു കർശനമായി തുടരും.
തിരുവനന്തപുരം ∙ കോൺ‌ഗ്രസ് വിട്ട് സിപിഎമ്മിൽ ചേർന്ന പി.എസ്.പ്രശാന്തിനു പുതിയ ചുമതല. കർഷക സംഘം ജില്ലാ വൈസ് പ്രസിഡന്റായാണു നിയമനം. കെപിസിസി സെക്രട്ടറിയും നിയമസഭാ തിരഞ്ഞെടുപ്പിൽ നെടുമങ്ങാട് മണ്ഡലത്തിലെ സ്ഥാനാർഥിയുമായിരുന്നു പ്രശാന്ത്. ഡിസിസി പ്രസിഡന്റായ പാലോട് രവിക്കെതിരെ ആരോപണം | PS Prasanth | CPM | Karshaka Sangham | Manorama News
Results 1-10 of 14
