Activate your premium subscription today
കോട്ടയം ∙ കോട്ടയത്തിന്റെ അഭിമാനമാകേണ്ട ആകാശപ്പാത ഇല്ലാതാക്കരുതെന്നു തിരുവഞ്ചൂർ രാധാകൃഷ്ണൻ എംഎൽഎ. ഊരാളുങ്കൽ സൊസൈറ്റിക്കു കരാർ ലഭിച്ചില്ലെന്ന പേരിൽ പദ്ധതിയെ നശിപ്പിക്കരുതെന്നും അദ്ദേഹം പറഞ്ഞു. മുൻ സർക്കാർ കൊണ്ടുവന്ന വിഴിഞ്ഞം പദ്ധതിയും കൊച്ചി വാട്ടർ മെട്രോയും തുടർന്നുകൊണ്ടു പോകാൻ പിണറായി സർക്കാർ തയാറായി. എന്നാൽ രണ്ടു തവണ മുഖ്യമന്ത്രിയായിരുന്ന ഉമ്മൻ ചാണ്ടി സ്വന്തം ജില്ലയിൽ തറക്കല്ലിട്ട ആകാശപ്പാതയ്ക്കു തടസ്സം നിന്നു. മാറിവരുന്ന സർക്കാരുകൾ ഇങ്ങനെ പെരുമാറുന്നതു ശരിയല്ലെന്നും തിരുവഞ്ചൂർ പറഞ്ഞു.
ആകാശപ്പാതയ്ക്ക് ബലമില്ലെന്നും മേൽക്കൂര പൊളിച്ചുനീക്കണമെന്നുമുള്ള റിപ്പോർട്ടിനു പിന്നിൽ ഗൂഢാലോചനയുണ്ടെന്ന് കോട്ടയം എംഎൽഎ തിരുവഞ്ചൂർ രാധാകൃഷ്ണൻ പറഞ്ഞു. കോട്ടയം മണ്ഡലത്തിലെ വികസന പ്രവർത്തനങ്ങളെല്ലാം സർക്കാർ തടഞ്ഞുവയ്ക്കുകയാണ്. ‘ഇലക്ഷൻ മാനിയ’ പിടിപ്പെട്ട സർക്കാരിനു വെപ്രാളമാണെന്നും തിരുവഞ്ചൂർ കുറ്റപ്പെടുത്തി. തിരുവഞ്ചൂർ രാധാകൃഷ്ണൻ മനോരമ ഓൺലൈനോട് സംസാരിക്കുന്നു.
കോട്ടയം ∙ നഗരത്തിലെ ആകാശപ്പാതയുടെ (സ്കൈവോക്) മേൽക്കൂര പൊളിച്ചുനീക്കണമെന്നു വിദഗ്ധ സമിതി റിപ്പോർട്ട്. തുരുമ്പെടുത്ത പൈപ്പുകൾ വേഗം നീക്കം ചെയ്യണമെന്നും കേരള റോഡ് സുരക്ഷാ അതോറിറ്റിയുടെ നിർദേശപ്രകാരം പാലക്കാട് ഐഐടി, ചെന്നൈയിലെ സ്ട്രക്ചറൽ എൻജിനീയറിങ് റിസർച് സെന്റർ എന്നിവർ നടത്തിയ ബലപരിശോധനാ റിപ്പോർട്ട് നിർദേശിക്കുന്നു. അടിസ്ഥാന തൂണുകൾ ഒഴികെ മേൽക്കൂര മുഴുവൻ നീക്കണമെന്നാണു റിപ്പോർട്ടിൽ പറയുന്നത്.
തിരുവനന്തപുരം ∙ ദേശീയ ദിനപത്രത്തിന് അഭിമുഖം നൽകുന്ന സമയത്തു പിആർ ഏജൻസി പ്രതിനിധിയുടെ സാന്നിധ്യമുണ്ടായിരുന്നെന്നു നേരത്തേ വാർത്താ സമ്മേളനത്തിൽ സമ്മതിച്ച മുഖ്യമന്ത്രി പിണറായി വിജയൻ നിയമസഭയിൽ ഇതു സംബന്ധിച്ച ചോദ്യത്തിനു മറുപടി പറയാതെ ഒഴിഞ്ഞു. തിരുവഞ്ചൂർ രാധാകൃഷ്ണന്റേതായിരുന്നു ചോദ്യം.
തിരുവനന്തപുരം ∙ തദ്ദേശ തിരഞ്ഞെടുപ്പ് ഒരുക്കത്തിനുള്ള മിഷൻ 2025 പ്രവർത്തനങ്ങളുടെ പേരിൽ കോൺഗ്രസിലുണ്ടായ ഭിന്നതയെക്കുറിച്ച് അന്വേഷിച്ച അച്ചടക്കസമിതി ചെയർമാൻ തിരുവഞ്ചൂർ രാധാകൃഷ്ണൻ എഐസിസിക്കു റിപ്പോർട്ട് നൽകി. ചില വിഷയങ്ങളിൽ പ്രതിപക്ഷ നേതാവും കെപിസിസി പ്രസിഡന്റും തമ്മിലുള്ള അഭിപ്രായ ഭിന്നതയെത്തുടർന്ന്, ഒപ്പം നിൽക്കുന്നവർ പാർട്ടി വിരുദ്ധ വാർത്തകൾ ചോർത്തുന്ന സംഭവങ്ങളാണു പ്രധാനമായും അന്വേഷിച്ചത്. എഐസിസി ജനറൽ സെക്രട്ടറി ദീപാ ദാസ്മുൻഷിക്കാണു റിപ്പോർട്ട് കൈമാറിയത്.
തിരുവനന്തപുരം ∙ വയനാട് ക്യാംപിലെ തീരുമാനങ്ങൾ നടപ്പാക്കാൻ ശ്രമിച്ച തനിക്കെതിരെ ചില കെപിസിസി ഭാരവാഹികൾ വിമർശനമുന്നയിച്ചെങ്കിലും തദ്ദേശതിരഞ്ഞെടുപ്പിനുള്ള ‘മിഷൻ 2025’ പ്രവർത്തനങ്ങളിൽ പ്രതിപക്ഷ നേതാവ് വി.ഡി.സതീശൻ ഇന്നു മുതൽ സജീവമാകും. ഇന്നു മലപ്പുറത്തു ജില്ലാ ക്യാംപിൽ അദ്ദേഹം പങ്കെടുക്കുമെന്നാണു വിവരം. കെപിസിസി ഭാരവാഹിയോഗത്തിലെ വിമർശനങ്ങൾ മാധ്യമങ്ങൾക്കു നൽകിയതിൽ എഐസിസി നേതൃത്വം ഇടപെട്ട് അന്വേഷണം പ്രഖ്യാപിച്ചതു പ്രതിപക്ഷ നേതാവിനെ തണുപ്പിച്ചിട്ടുണ്ട്.
തിരുവനന്തപുരം∙ പ്രതിപക്ഷ നേതാവ് വി.ഡി.സതീശനെതിരെ പാർട്ടിയിൽ നിന്നു വാർത്ത ചോർത്തിയവരെ കണ്ടെത്താൻ അന്വേഷണത്തിനു നിർദേശിച്ച് കോൺഗ്രസ് ഹൈക്കമാൻഡ്. അച്ചടക്ക സമിതി അധ്യക്ഷൻ തിരുവഞ്ചൂർ രാധാകൃഷ്ണനാണ് അന്വേഷണച്ചുമതല. എത്രയും പെട്ടെന്ന് റിപ്പോർട്ട് നൽകാൻ ആവശ്യപ്പെട്ട് എഐസിസി ജനറൽ സെക്രട്ടറി ദീപാദാസ് മുൻഷി അയച്ച കത്തിൽ ഇത്തരം പ്രവണതകൾ അനുവദിക്കില്ലെന്ന ശക്തമായ മുന്നറിയിപ്പും നൽകി.
കോട്ടയം ∙ ‘ലഹരിക്കെതിരെ ഒരുമിച്ചു മുന്നേറാം’ എന്ന സന്ദേശവുമായി കോട്ടയം കളത്തിപ്പടിയിൽ പ്രവർത്തിക്കുന്ന സോളമൻസ് ജിം ഫിറ്റ്നസ് സെന്റർ ആൻഡ് സ്പോർട്സ് ക്ലബ്‌, ഇന്ത്യൻ മെഡിക്കൽ അസോസിയേഷൻ കോട്ടയം ബ്രാഞ്ച്, റോട്ടറി ക്ലബ്‌ ഓഫ് കോട്ടയം സെൻട്രൽ എന്നിവയുടെ സഹകരണത്തോടെ എംഡി സെമിനാരി ഹയർ സെക്കൻഡറി സ്കൂളിൽ നടത്തിയ ‘സേ നോ ടു ഡ്രഗ്സ്, സേ യെസ് ടു ഫിറ്റ്നസ്’
കോട്ടയം∙ ജോസഫ് എം. പുതുശ്ശേരിയുടെ 5–ാമത്തെ പുസ്തകം ‘വോക്സ് പോപ്പുലി’ പ്രകാശനം ചെയ്തു. തിരുവഞ്ചൂർ രാധാകൃഷ്ണൻ എംഎൽഎ, ഓർത്തഡോക്സ് സഭ മുംബൈ ഭദ്രാസന അധ്യക്ഷൻ ഗീവർഗീസ് മാർ കൂറിലോസ് മെത്രാപ്പൊലീത്തയ്ക്ക് നൽകിയാണ് പ്രകാശനം നിർവഹിച്ചത്. 30 ലേഖനങ്ങളും ഉമ്മൻ ചാണ്ടി അനുസ്മരണവും ചേർന്ന പുസ്തകം, ഉമ്മൻ ചാണ്ടിക്കാണ് സമർപ്പിച്ചിരിക്കുന്നത്.
കോട്ടയം∙ കോടിമത എന്‍എസ്എസ് കരയോഗത്തിന്റെ പ്രവർത്തനങ്ങൾ മാതൃകാപരമെന്ന് തിരുവഞ്ചൂർ രാധാകൃഷ്ണൻ എംഎൽഎ. കരയോഗത്തിന്റെ 90-ാം വാർഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കരയോഗം പ്രസിഡന്റ് കെ.എസ്.ഗോപാലകൃഷ്ണൻ അധ്യക്ഷത വഹിച്ചു.
Results 1-10 of 176
