Activate your premium subscription today
കണ്ണൂർ∙ പി.വി.അൻവർ എംഎൽഎയ്‌ക്കെതിരെ ക്രിമിനൽ അപകീർത്തി കേസ് നൽകി മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശി. കണ്ണൂർ, തലശേരി കോടതികളിലാണ് കേസ് ഫയൽ ചെയ്തത്. ശശിക്കെതിരെ ഗുരുതര ആരോപണങ്ങളാണ് അൻവർ ഉന്നയിച്ചിരുന്നത്. പി.വി.അൻവറിന് പിന്നിൽ അധോലോകമാണെന്നും തനിക്കെതിരായ ആരോപണങ്ങൾ മുഖ്യമന്ത്രിയെ ലക്ഷ്യമിട്ടാണെന്നുമാണ് ശശി പറയുന്നത്.
തിരുവനന്തപുരം ∙ രാപകൽ നീണ്ട ചർച്ചകൾക്കൊടുവിലാണ് അജിത്കുമാറിനെ നീക്കാനുള്ള തീരുമാനം മുഖ്യമന്ത്രി സ്വീകരിച്ചത്. തീരുമാനത്തിനു മുന്നോടിയായി പൊളിറ്റിക്കൽ സെക്രട്ടറി പി.ശശി അടക്കമുള്ള പഴ്സനൽ സ്റ്റാഫ് അംഗങ്ങളുമായി അദ്ദേഹം ഇന്നലെ രാവിലെ കൂടിക്കാഴ്ച നടത്തിയിരുന്നു.
തിരുവനന്തപുരം∙ പൊളിറ്റിക്കൽ സെക്രട്ടറി പി.ശശിക്കെതിരെ പി.വി.അൻവർ എംഎൽഎ നടത്തിയ ആക്ഷേപം അൻവറിന്റെ ശീലത്തിൽപെട്ട കാര്യങ്ങളാണെന്നു മുഖ്യമന്ത്രി. ശശി സാമ്പത്തിക ഇടപാടുകളിൽ മധ്യസ്ഥത വഹിക്കുന്നുവെന്നും ഓഫിസിലെത്തുന്ന സ്ത്രീകളോടു പരിധിവിട്ടു പെരുമാറുന്നുവെന്നും അൻവർ സിപിഎം സെക്രട്ടറിക്കു നൽകിയ പരാതിയിലുണ്ടല്ലോ എന്നു വാർത്താ സമ്മേളനത്തിൽ ചൂണ്ടിക്കാട്ടിയപ്പോഴായിരുന്നു മുഖ്യമന്ത്രിയുടെ പ്രതികരണം.
തിരുവനന്തപുരം∙ നിലമ്പൂർ എംഎൽഎ പി.വി.അൻവറിന് വക്കീൽ നോട്ടിസ് അയച്ച് മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശി. സിപിഎം സംസ്ഥാന സെക്രട്ടറി എം.വി.ഗോവിന്ദന് നൽകിയ പരാതിക്കത്തിലെ ആരോപണങ്ങളിലാണ് വക്കീൽ നോട്ടിസ്. ശശിക്കെതിരായ ആരോപണങ്ങൾ പിൻവലിച്ച് ഖേദം പ്രകടിപ്പിക്കണമെന്നാണ് വക്കീൽ നോട്ടിസിൽ ആവശ്യപ്പെടുന്നത്.
കോട്ടയം ∙ മുഖ്യമന്ത്രി പിണറായി വിജയന്റെ പൊളിറ്റിക്കൽ സെക്രട്ടറി പി.ശശിയെ പുകഴ്ത്തി മന്ത്രി സജി ചെറിയാൻ. മുഖ്യമന്ത്രിയെ ചതിക്കാനല്ല, സംരക്ഷിക്കാനാണ് പി.ശശി അവിടെ ഇരിക്കുന്നതെന്നു സജി ചെറിയാർ പറഞ്ഞു.
തിരുവനന്തപുരം∙ പി.വി.അന്‍വര്‍ എംഎൽഎ ഉന്നയിച്ച ആരോപണങ്ങള്‍ പാര്‍ട്ടിയും മുഖ്യമന്ത്രിയും തള്ളിക്കളഞ്ഞതാണെന്നും അതിനപ്പുറം ഒന്നും പറയാനില്ലെന്നും മുഖ്യമന്ത്രി പിണറായി വിജയന്റെ പൊളിറ്റിക്കല്‍ സെക്രട്ടറി പി.ശശി.
തിരുവനന്തപുരം∙ മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശിക്കെതിരെ പാർട്ടി സംസ്ഥാന സെക്രട്ടറിക്ക് നൽകിയ പരാതിയുടെ പകർപ്പ് പുറത്തുവിട്ട് പി.വി.അൻവർ എംഎൽഎ. ഗുരുതരമായ ആരോപണങ്ങളാണ് പരാതിയിലുള്ളത്. സംസ്ഥാനത്തിന്റെ വിവിധ ഭാഗങ്ങളിൽ വലിയ കച്ചവടക്കാർ തമ്മിലുള്ള സാമ്പത്തിക തർക്കത്തിൽ ഒരു കക്ഷിക്കൊപ്പം നിന്ന് പി.ശശി ലക്ഷങ്ങൾ പാരിതോഷികം വാങ്ങുന്നതായി പരാതിയിൽ ആരോപിക്കുന്നു.
കാൽനൂറ്റാണ്ടായി സിപിഎമ്മിനെ പ്രതിസന്ധികളിലും വിമർശനങ്ങളിലും കൊണ്ടെത്തിക്കുന്ന ഏക വ്യക്തിയെ കണ്ടെത്താൻ പറഞ്ഞാൽ അത് ആരായിരിക്കും? എന്നിട്ടും ആ വ്യക്തിയെ സിപിഎമ്മിലെ മുതിർന്ന നേതാക്കൾ സംരക്ഷിക്കുന്നത് എന്തുകൊണ്ടായിരിക്കും? ആ വ്യക്തി ഇല്ലെങ്കിൽ സിപിഎം തകർന്നുപോകുമോ? 2000ലെ കല്ലുവാതുക്കൽ മദ്യ ദുരന്തത്തിലെ മുഖ്യപ്രതി കെ.എസ്.മണിച്ചൻ മുതൽ 2024ൽ നിലമ്പൂർ മണ്ഡലത്തിലെ സിപിഎം സ്വതന്ത്ര അംഗം പി.വി.അൻവർ വരെ ആരോപണങ്ങൾ കൊണ്ട് ആക്രമിക്കുന്ന പി.ശശിയാണ് ഈ ചോദ്യങ്ങളുടെയെല്ലാം ഉത്ഭവകേന്ദ്രം. നേതാക്കൾക്ക് ഉത്തരങ്ങളില്ലാത്ത ഈ ചോദ്യം ലോക്കൽ കമ്മിറ്റി മുതൽ മുകളിലേക്ക് ആവർത്തിച്ചേക്കാം. ബിജെപി നേതാവ് പ്രകാശ് ജാവഡേക്കർ തന്റെ വീട്ടിൽ എത്തിയെന്ന അന്നത്തെ ഇടതു മുന്നണി കൺവീനർ ഇ.പി.ജയരാജന്റെ വെളിപ്പെടുത്തൽ ലോക്സഭാ തിരഞ്ഞെടുപ്പ് ദിവസമായ ഏപ്രിൽ 26ന് ആയിരുന്നു. ജാവഡേക്കറെ താനും കണ്ടിട്ടുണ്ടെന്നു പറഞ്ഞു പിണറായി ഉൾപ്പെടെയുള്ള നേതാക്കൾ അന്ന് ഇപിയെ ന്യായീകരിച്ചു. എന്നാൽ ഓഗസ്റ്റ് 31ന് ഇപിയെ കൺവീനർ സ്ഥാനത്തു നിന്നു
തിരുവനന്തപുരം ∙ മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശിക്കും ക്രമസമാധാനച്ചുമതലയുള്ള എഡിജിപി എം.ആർ.അജിത്കുമാറിനുമെതിരെ വിജിലൻസ് കേസെടുക്കണമെന്ന് ഹർജി. വിജിലൻസ് ഡയറക്ടർ യോഗേഷ് ഗുപ്തയ്ക്കു നൽകിയ പരാതിയിൽ തുടർനടപടി സ്വീകരിക്കാത്തതിനാലാണു ഹർജിക്കാരനായ അഡ്വ.പി.നാഗരാജ് കോടതിയെ സമീപിച്ചത്. പരാതിയിൽ എന്തു നടപടി സ്വീകരിച്ചെന്നു വിജിലൻസ് ഡയറക്ടർ ഒക്ടോബർ ഒന്നിന് അറിയിക്കണം. സർക്കാർ നിലപാടും അന്നറിയിക്കാൻ കോടതി നിർദേശിച്ചതായി ഹർജിക്കാരൻ അറിയിച്ചു.
തിരുവനന്തപുരം ∙ പാർലമെന്ററി പാർട്ടി അംഗത്തിനു വേണ്ട അച്ചടക്കം പാലിച്ചില്ലെങ്കിൽ പി.വി.അൻവറിനെതിരെ നടപടി വരുമെന്നു സിപിഎം മുന്നറിയിപ്പ് നൽകി. മുഖ്യമന്ത്രിയുടെ പൊളിറ്റിക്കൽ സെക്രട്ടറി പി.ശശിക്കെതിരെ അൻവർ ഉന്നയിച്ച ആരോപണങ്ങൾ മുഖ്യമന്ത്രിക്കു പിന്നാലെ പാർട്ടി സെക്രട്ടേറിയറ്റും തള്ളി.
Results 1-10 of 38
