Activate your premium subscription today
ഒരു സുപ്രഭാതത്തിൽ എഴുന്നേറ്റു നോക്കുമ്പോൾ, കണക്കെല്ലാം ശരിയാക്കി കൃത്യം വടക്കോട്ട് ദർശനമായി നിർമിച്ച വീട് കുറച്ചു കിഴക്കോട്ടു തിരിഞ്ഞുപോയാൽ നിർമിച്ചവരെ കുറ്റം പറയരുതേ... ഭൂമി ആകെ മാറിക്കൊണ്ടിരിക്കുകയാണ്. കോംപസ് വച്ച് വടക്കോട്ട് നോക്കിയാൽ 10 വർഷം മുൻപുള്ള വടക്ക് കിട്ടണമെന്നില്ല. ഭൂമിയുടെ കാന്തിക വടക്ക് (മാഗ്നറ്റിക് നോർത്) കിഴക്കോട്ട് മാറിക്കൊണ്ടിരിക്കുന്നതാണ് പ്രശ്നം. ചെറിയ മാറ്റമൊന്നുമല്ല ഇത്, ചെറിയ പ്രശ്നവുമല്ല. കാനഡയുടെ വടക്കു നിന്ന് ‘വടക്ക്’ റഷ്യയുടെ വടക്കോട്ട് ഇതിനോടകം 2250 കിലോമീറ്റർ പിന്നിട്ടുകഴിഞ്ഞെന്നാണ് ഇതു സംബന്ധിച്ച പഠനം നടത്തുന്ന ശാസ്ത്രജ്ഞർ പറയുന്നത്. 1990 വരെ വർഷം 15 കിലോമീറ്റർ വേഗത്തിലായിരുന്നത്രേ ഈ മാറ്റം. എന്നാൽ അതിനു ശേഷം ‘വടക്ക്’ യാത്രയുടെ സ്പീഡ് നന്നായങ്ങു കൂട്ടി; 2020 വരെ വർഷം 50–60 കിലോമീറ്റർ എന്ന കണക്കിലായിരുന്നു കാന്തിക വടക്കിന്റെ കിഴക്കോട്ടുള്ള മാറ്റം.
ഭൗതിക ശാസ്ത്രത്തിനുള്ള ഈ വർഷത്തെ നൊബേൽ സമ്മാനം പുതിയൊരു വിവാദത്തിനു കൂടിയാണ് ഊർജം പകരുന്നത്. എന്നാൽ ഇത് സൃഷ്ടിപരമായ വിവാദമാണ്. മാനവരാശിയുടെ നന്മയ്ക്കായി പുതിയൊരു സാങ്കേതിക വിദ്യയെ എങ്ങനെ പ്രയോജനപ്പെടുത്താമെന്ന തിരിച്ചറിവിലിലേക്കു ലോകത്തെ നയിക്കുന്ന സംവാദത്തിനാണ് ഇതു വഴി തുറക്കുക. എഐ ശരിക്കും ഫിസിക്സ് ആണോ എന്നതാണ് ആ വിവാദത്തിന്റെ മറ്റൊരു താത്വിക തലം. ഗണിതവും ഭൗതികവും തത്വചിന്തയുമെല്ലാം കലരുന്ന മാനവികതയുടെ പുതിയൊരു ഭാഷ്യമാണ് എഐ എന്നു പറയേണ്ടി വരും. ഭൗതികശാസ്ത്രം ഒരു ഊർജക്കലവറയാണെങ്കിൽ അതിലെ പ്രധാന വിഭവമായി നിർമിത ബുദ്ധി മാറുകയാണോ? മനുഷ്യചിന്തകളെയും ബുദ്ധിയെയും യന്ത്രവേഗത്തിലേക്കു കൂട്ടിയിണക്കുന്ന തന്ത്രപ്രധാന കണ്ണിയായി ഈ വർഷത്തെ നൊബേൽ സമ്മാനം കാര്യങ്ങളെ മാറ്റിമറിക്കുമോ? രണ്ടു ശാസ്ത്ര മേഖലകളെക്കുറിച്ചുള്ള പുതിയ കാഴ്ചപ്പാടുകൾ ഉരുത്തിരിയാൻ സഹായിക്കുമെന്നതിനാൽ ഈ വിവാദത്തെ സൃഷ്ടിപരമായ രീതിയിൽ പ്രയോജനപ്പെടുത്താനുള്ള ശ്രമത്തിലാണ് ലോകമെങ്ങുമുള്ള ശാസ്ത്ര ഗവേഷകർ. തിരുവല്ല തെള്ളിയൂർ ഗ്രാമത്തിൽ ഏതാനും വർഷങ്ങളായി പ്രവർത്തിക്കുന്ന ആർട്ടിഫിഷ്യൽ ഇന്റലിജൻസ് റിസർച് ആൻഡ് ഇന്റലിജന്റ് സിസ്റ്റംസ് (എയിറിസ് 4ഡി) എന്ന സ്ഥാപനത്തിന്റെ അധ്യക്ഷനും നിർമിത ബുദ്ധിയിൽ രാജ്യത്തുതന്നെ ആദ്യ പിഎച്ച്ഡി ബിരുദധാരികളിൽ ഒരാളും കൊച്ചി സർവകലാശാല മുൻ വിസിയും പ്രശസ്ത ഭൗതിക ശാസ്ത്രജനുമായ ഡോ. ബാബു ജോസഫിന്റെ ശിഷ്യനുമായ ഡോ. നൈനാൻ സജിത് ഫിലിപ്പും ഈ ആശയത്തെ പിന്തുണയ്ക്കുന്നു. ‘എഐ: ന്യൂറൽ നെറ്റ് വർക്കിങ് മോഡൽ’ എന്ന ഡോ. നൈനാൻ സജിത്തിന്റെ പിഎച്ച്ഡി പ്രബന്ധം നിർമിത ബുദ്ധിയുടെ ഇന്ത്യയിലേക്കുള്ള വരവ് അറിയിച്ച പഠനമായിരുന്നു. എന്നാൽ നിർമിത ബുദ്ധി ഗവേഷണത്തിൽ മാത്രമല്ല, ഡോ. ഇ.സി.ജി സുദർശൻ ഉൾപ്പെടെ ഇന്ത്യപോലെയുള്ള രാജ്യങ്ങളിൽ മുൻപേ നടന്ന പലരെയും നൊബേൽ പുരസ്കാര സമിതി കാണാതെ പോകുന്നതിനെപ്പറ്റിയും ഡോ. നൈനാൻ സജിത്ത് തന്റേതായ കാഴ്ചപ്പാട് പങ്കുവയ്ക്കുന്നു.
‘‘അടുത്ത തലമുറ ഐഫോൺ ഡിസൈൻ ചെയ്തിരിക്കുന്നത് ആപ്പിൾ ഇന്റലിജൻസിന് വേണ്ടിയാണ്. ഇത് ആവേശകരമായ ഒരു പുതിയ യുഗത്തിന്റെ പിറവിയാണ്’’. എന്നു പറഞ്ഞുകൊണ്ടാണ് ആപ്പിൾ ചീഫ് എക്സിക്യൂട്ടിവ് ടിം കുക്ക് ‘സെപ്റ്റംബര്‍ ഇവന്റി’ൽ പുതിയ ഉൽപന്നം പരിചയപ്പെടുത്താൻ തുടങ്ങിയത്. നിർമിത ബുദ്ധിയിൽ പ്രവർത്തിക്കുന്ന ഒരു ഉൽപന്നം, അതാണ് ഐഫോൺ 16. ആപ്പിളിന്റെ സ്വന്തം ആർട്ടിഫിഷ്യൽ ഇന്റലിജൻസ് ബൂസ്‌റ്റ് ചെയ്‌ത ഐഫോൺ 16 സീരീസ് ആണ് കലിഫോർണിയയിലെ സ്റ്റീവ്ജോബ്സ് തിയറ്ററിൽ സിഇഒ ടിം കുക്ക് അവതരിപ്പിച്ചത്. ഒക്ടോബറിൽ ടെസ്റ്റ് മോഡിൽ ആരംഭിക്കുന്ന പുതിയ എഐ സോഫ്റ്റ്വെയർ പുറത്തിറക്കുമ്പോൾ ആപ്പിൾ ഡിവൈസുകളിൽ ഇനി സിരി പഴ്‌സനൽ അസിസ്റ്റന്റിന്റെ പുതിയ രൂപവും ശക്തിയും പ്രതീക്ഷിക്കാം. എന്നാൽ അതിനെ എഐ എന്ന് വിളിക്കാൻ ആപ്പിൾ ഇഷ്ടപ്പെടുന്നില്ല, ആപ്പിൾ ഇന്റലിജൻസ് എന്നാണ് എല്ലായിടത്തും പറയുന്നത്. എന്താണ് ഐഫോൺ 16 സീരീസിൽ ആപ്പിൾ ഇന്റലിജൻസിനുള്ള സ്ഥാനം? ടെക്‌ ലോകത്തെത്തന്നെ മാറ്റിമറിച്ച സ്മാർട് ഫോൺ സീരീസിലേക്ക് ഈ പുതിയ തരം എഐ വരുന്നതോടെ എന്തൊക്കെ നേട്ടങ്ങളാണ് ഉപഭോക്താക്കൾക്ക് ലഭിക്കുക? എഐ കൊണ്ടുവരാൻ പുതിയ ഐഫോണിൽ എന്തൊക്കെ ഹാർഡ്‌വെയർ, സോഫ്റ്റ്വെയർ മാറ്റങ്ങളാണ് കൊണ്ടുവന്നിരിക്കുന്നത്? എഐയിലൂടെ ഒട്ടേറെ പേരെ പുതിയ ഐഫോണിലേക്ക് ആകർഷിക്കാനാകുമെന്നാണ് ആപ്പിൾ കരുതുന്നത്. അതേസമയം അപ്രതീക്ഷിതമായ ഒരു തിരിച്ചടി അവരെ ചൈനയില്‍ കാത്തിരിക്കുന്നുണ്ട്. അതിനു കാരണമായതും എഐ തന്നെ....
ആപ്പിൾ ബ്രാൻഡിന് കീഴിൽ ഒരു ഫോൺ നിർമിക്കുന്നതു സംബന്ധിച്ച് സ്ഥാപകൻ സ്റ്റീവ് ജോബ്സിന് ആരംഭത്തിൽ വലിയ താൽപര്യമില്ലായിരുന്നു. എൻജിനീയറായ ജീൻ ഹല്ലറ്റിന്റെ നിർബന്ധത്തിനു വഴങ്ങിയാണ് ആദ്യ ഘട്ടത്തിൽ സ്മാർട് ഫോൺ നിർമാണത്തിനായി ഒരു ടീം തന്നെ സൃഷ്ടിക്കുന്നത്. അതിനിടെ ഐപോഡ് കച്ചവടം പൊടിപൊടിച്ചു. അങ്ങനെ നാളുകൾ മുന്നോട്ടു പോയി. അപ്പോഴാണ് ഒരു കാര്യം ആപ്പിളിന്റെ ശ്രദ്ധയിൽപ്പെടുന്നത്. ലക്ഷക്കണക്കിന് അമേരിക്കക്കാർ ഐപോഡുകളും ബ്ലാക്ബെറി ഫോണുകളും ഒരുമിച്ചു കൊണ്ടുനടക്കുകയാണ്. ഇങ്ങനെ രണ്ടും രണ്ടായി കൊണ്ടു നടക്കാതെ ഒരുമിച്ചാക്കിയാൽ എങ്ങനെയുണ്ടാകും? ആ ചിന്തയിൽനിന്നാണ് ഐപോഡിലെ സംഗീതവും ഫോണിലെ ആശയവിനിമയവും സംയോജിപ്പിക്കുന്ന ഒരുപകരണത്തിന്റെ പ്രാധാന്യം ആപ്പിൾ തിരിച്ചറിഞ്ഞത്. അതോടൊപ്പം ഇന്റർനെറ്റിന്റെ സാധ്യതകൂടി ജോബ്സ് തിരിച്ചറിഞ്ഞു. ആശയവിനിമയം, മ്യൂസിക് പ്ലേയർ, ഇന്റർനെറ്റ് എന്നിവ സംയോജിപ്പിച്ച ഒരു 3 ഇൻ 1 ഉപകരണത്തിലൂടെ ഫോണ്‍ എന്ന സങ്കല്‍പത്തെത്തന്നെ മാറ്റിമറിക്കുകയായിരുന്നു ജോബ്സ്. അങ്ങനെ ലോകത്തെ അമ്പരപ്പിച്ച് 2007ൽ ഐഫോൺ യുഗത്തിന് തുടക്കമായി. ആദ്യ ഐഫോൺ ലോഞ്ച് ഒരു ‘സെപ്റ്റംബർ ഇവന്റാ’യിരുന്നില്ല, ജനുവരിയിലായിരുന്നു അവതരണം. ജൂണില്‍ ഇത് യുഎസിലെ സ്റ്റോറുകളിലെത്തി. ഐഫോൺ വാങ്ങാനായി
അടുത്തിടെ, ബിഹാറിലെ ഗോപാൽഗഞ്ച് പൊലീസ് ഉത്തർപ്രദേശ് അതിർത്തിയോട് ചേർന്നുള്ള കുച്ചൈക്കോട്ട് ബെൽത്താരി ചെക്ക് പോയിന്റിനു സമീപം വാഹനത്തിൽ നിന്ന് ഏകദേശം 50 ഗ്രാം വരുന്ന ഒരു വസ്തു പിടിച്ചെടുത്തു. കൈപ്പിടിയിൽ ഒതുങ്ങുന്നത്ര വലുപ്പം മാത്രമേ ഉണ്ടായിരുന്നുള്ളൂ അതിന്. പക്ഷേ രാജ്യാന്തര വിപണിയിൽ ആ വസ്തുവിന്റെ വില കേട്ടാൽ ഞെട്ടും. ഏകദേശം 850 കോടി രൂപ! അത്യുഗ്ര റേഡിയോ ആക്ടീവ് മൂലകമായ കലിഫോർണിയമായിരുന്നു അത്. ഇത്രയേറെ വിലപ്പെട്ട മൂലകമായതിനാൽത്തന്നെ സംഗതി വലിയ വാർത്തയായി. അന്നേരമാണ് പലരും അറിയുന്നതുതന്നെ, സ്വർണത്തേക്കാളും പ്ലാറ്റിനത്തേക്കാളും വജ്രത്തേക്കാളും വിലയുള്ള ഇത്തരം വസ്തുക്കളും കള്ളക്കടത്തുകാര്‍ക്ക് പ്രിയപ്പെട്ടതാണെന്ന്. സ്‌പെഷൽ ടാസ്‌ക് ഫോഴ്‌സ് (എസ്‌ടിഎഫ്), സ്‌പെഷൽ ഓപറേഷൻസ് ഗ്രൂപ്പ്, കുച്ചൈക്കോട്ട് പൊലീസ് എന്നിവർ സംയുക്തമായി നടത്തിയ നീക്കത്തിലൂടെയാണ് കലിഫോർണിയം പിടിച്ചെടുത്തതും മൂന്ന് കള്ളക്കടത്തുകാരെ പിടികൂടിയതും. ഈ റേഡിയോ ആക്ടീവ് മൂലകത്തെക്കുറിച്ച് അന്വേഷിക്കാനായി ഫൊറൻസിക് സയൻസ് ലബോറട്ടറിയിൽ
1965 സെപ്റ്റംബർ 19ന് യുഎസിലെ ഒഹായോ സ്റ്റേറ്റിൽ ഉൾപ്പെടുന്ന യൂക്ലിഡിൽ ജനിച്ച ഒരു പെണ്‍കുട്ടി. പിതാവ് ഇന്ത്യൻ വംശജനായ ദീപക് പാണ്ഡ്യ. അമ്മ സ്‌ലൊവേനിയൻ- അമേരിക്കൻ വംശജയായ ബോണി പാണ്ഡ്യ. വർഷങ്ങൾക്കിപ്പുറം ഇന്ന് ശാസ്ത്രലോകം ചർച്ച ചെയ്യുന്ന പേരുകളിലൊന്നാണ് സുനിത വില്യംസിന്റേത്. ബഹിരാകാശ യാത്രയ്ക്ക് അമേരിക്കയുടെ സ്പേസ് ഏജൻസിയായ നാസ തിരഞ്ഞെടുത്ത രണ്ടാമത്തെ ഇന്ത്യൻ വംശജ. ‘മറ്റുള്ളവരുടെ അഭിപ്രായത്തിന് കാത്തുനിൽക്കരുത്. നിങ്ങളുടെ സ്വപ്നങ്ങളെ പിന്തുടരുക. അതിനോട് ആത്മാർഥമായി ചേർന്നു നിൽക്കുക’ ഒരിക്കൽ സുനിത പറഞ്ഞ വാക്കുകൾ. ആകാശത്തും കടലിലും യുദ്ധഭൂമിയിലും വരെ തന്റെ സ്വപ്നങ്ങളെ പിന്തുടർന്നു സഞ്ചരിച്ചു ആ പെൺകുട്ടി.
കാലാവസ്ഥയും സാങ്കേതികതയും മറ്റെല്ലാ കാര്യങ്ങളും തുണച്ചാൽ ഓഗസ്റ്റ് 27 ചൊവ്വാഴ്ച ഉച്ചയ്ക്ക് ഒന്നോടെ അത് സംഭവിക്കും. ഒരു സ്വകാര്യ കമ്പനി നടത്തുന്ന ആദ്യ ബഹിരാകാശ നടത്തത്തിനു (സ്പേസ് വോക്ക്) വേണ്ടിയുള്ള സംഘം ഭൂമിയില്‍നിന്ന് യാത്രതിരിക്കും. ഇക്കഴിഞ്ഞ 50 വർഷത്തിനിടെ ഭൂമിയിൽനിന്ന് ഇത്രയേറെ അകലെ ഒരു സംഘം ബഹിരാകാശഭ്രമണം നടത്തുന്നത് ഇതാദ്യമായാണ്. ശതകോടീശ്വരൻ ഇലോൺ മസ്കിന്റെ ബഹിരാകാശ കമ്പനിയായ സ്പേസ്എക്സിന്റെ പിന്തുണയോടെയാണ് ‘പൊലാരിസ് ഡോൺ’ ദൗത്യം നടപ്പാക്കുന്നത്. എന്നാൽ പണം മുടക്കുന്നത് അദ്ദേഹമല്ല. നാലു പേർ അടങ്ങുന്ന ഈ സംഘത്തിൽ മറ്റൊരു കൗതുകം കൂടിയുണ്ട്– കൂട്ടത്തിലൊരാൾ മലയാളത്തിന്റെ മരുമകളാണ്. ചൊവ്വയിലേക്കും ചന്ദ്രനിലേക്കും മനുഷ്യരെ എത്തിക്കാൻ ലക്ഷ്യമിട്ടുള്ള പദ്ധതികൾക്ക് ഏറെ ഉപകാരപ്പെടുന്നതാകും ഈ ദൗത്യം. അതേസമയംതന്നെ ഏറെ അപകടകരവും. രണ്ട് വർഷം മുൻപ് സ്പേസ് എക്സ് പ്രഖ്യാപിച്ച ദൗത്യമാണ് ഇപ്പോൾ നടക്കാൻ പോകുന്നത്. ഭൂമിയിൽ നിന്ന് 1400 കിലോമീറ്റർ ഉയരത്തിലുള്ള ഭ്രമണപഥത്തിലേക്കാണ് ഇവരുടെ യാത്ര. ഒരേസമയം ഏറെ കൗതുകകരവും ഒപ്പം അപകടകരവുമായ യാത്രയാണിതെന്ന് നിസ്സംശയം പറയാം. എന്താണ് ഈ ദൗത്യത്തിന്റെ ലക്ഷ്യങ്ങൾ? എന്തുകൊണ്ടാണിത് അപകടം നിറഞ്ഞതാണെന്നു പറയുന്നത്?
യുക്രെയ്ൻ–റഷ്യ സംഘർഷം വലിയൊരു യുദ്ധമായി മാറിക്കൊണ്ടിരിക്കുകയാണോയെന്ന ആശങ്കയിലാണ് ലോകം. യുക്രെയ്നും റഷ്യയും ഒരു മേശയ്ക്ക് ഇരുവശവും ഇരുന്ന് യുദ്ധത്തിനു പരിഹാരം കാണണമെന്ന് ഇന്ത്യയുടെ പ്രധാനമന്ത്രി നരേന്ദ്ര മോദി പറഞ്ഞിടത്തു വരെയെത്തി നില്‍ക്കുന്നു കാര്യങ്ങൾ. യുക്രെയ്ൻ പ്രസിഡന്റ് വൊളോഡിമിർ സെലെൻസ്കിയുമായുള്ള കൂടിക്കാഴ്ചയിലാണ് മോദി ഇക്കാര്യം നിർദേശിച്ചത്. അതേസമയം യുക്രെയ്ന് 12.5 കോടി ഡോളർ (ഏകദേശം 1048 കോടി രൂപ) മൂല്യമുള്ള പുതിയ സൈനിക പാക്കേജ് പ്രഖ്യാപിച്ച് എരിതീയിൽ എണ്ണപകരുന്ന നയമാണ് യുഎസ് സ്വീകരിച്ചത്. യുക്രെയ്ൻ ജനതയ്‌ക്കുള്ള യുഎസിന്റെ സുസ്ഥിരമായ പിന്തുണയാണിതെന്നാണ് വൈറ്റ് ഹൗസിന്റെ ഭാഷ്യം. സംഘർഷം തുടങ്ങി മാസങ്ങൾ പിന്നിട്ടിട്ടും ഇതുവരെ ഇരുപക്ഷത്തിനും വ്യക്തമായ വിജയം നേടാൻ കഴിഞ്ഞിട്ടില്ല. സമാധാന ശ്രമങ്ങൾ ഏറെ നടന്നിട്ടും, കൂടുതൽ അത്യാധുനിക പോർവിമാനങ്ങളും ആയുധങ്ങളും പ്രയോഗിക്കാൻ ഒരുങ്ങുകയാണ് ഇരു രാജ്യങ്ങളും. വ്യോമശക്തിയുടെ കാര്യത്തിൽ യുക്രെയ്ൻ ഏറെ പിന്നിലാണെങ്കിലും യുഎസ് ഉൾപ്പെടുന്ന നാറ്റോ രാജ്യങ്ങളിൽ നിന്ന് കൂടുതൽ പോർവിമാനങ്ങളും എഐ ഡ്രോണുകളും മറ്റു ആയുധങ്ങളും എത്തുന്നതോടെ സംഘർഷത്തിന്റെ രൂപത്തിലും ഭാവത്തിലും മാറ്റംവരും. അത്യാധുനിക പാശ്ചാത്യ പോർവിമാനങ്ങൾ, പ്രത്യേകിച്ച് യുഎസ് നിർമിത എഫ്-16 ഫൈറ്റിങ് ഫാൽക്കൺ ഏറെകാലമായി യുക്രെയ്ൻ ആവശ്യപ്പെടുന്നുണ്ട്. രണ്ട് വർഷത്തോളം നീണ്ട ചർച്ചകൾക്ക് ശേഷമാണ് യുഎസും സഖ്യകക്ഷികളും യുക്രെയ്‌നിന് എഫ്–16 വിമാനങ്ങൾ നൽകാൻ സമ്മതിച്ചത്, തുടർന്ന് ചില പോർവിമാനങ്ങൾ എത്തിക്കുകയും ചെയ്തു. ഇതിനിടെ എഫ്-16 വെടിവച്ച് വീഴ്ത്തുന്ന ആദ്യത്തെ റഷ്യൻ പൈലറ്റിന് 1.5 കോടി റൂബിൾ (ഏകദേശം 13.76 കോടി രൂപ) നൽകുമെന്ന് റഷ്യൻ കമ്പനിയായ ഫോറസ് പ്രഖ്യാപിക്കു വരെ ചെയ്തു. എന്നാൽ എഫ്-16 വിമാനങ്ങളുടെ വരവ് യുക്രെയ്‌നിന് അനുകൂലമായി മാറുമോ? യുദ്ധത്തിന്റെ ഗതിയിൽ മാറ്റം വരുത്തുന്ന ഒരു ‘ഗെയിം ചെയ്ഞ്ചർ’ ആയിരിക്കുമോ എഫ്–16? പരിശോധിക്കാം.
ജൂലൈ 19ന് രാവിലെ (IST) മൈക്രോസോഫ്റ്റിന്റെ ക്ലൗഡ് സേവനം ഒരു തടസ്സം നേരിടുന്നതായി റിപ്പോർട്ടുകൾ പുറത്തുവന്നു, ആദ്യം ഇത് സെൻട്രൽ യുഎസിലെ ഉപയോക്താക്കളെ ബാധിച്ചു. അടുത്ത ഏതാനും മണിക്കൂറുകൾക്കുള്ളിൽ, സർവീസ് തകരാർ കാട്ടുതീ പോലെ ഇന്ത്യയുൾപ്പെടെ നിരവധി രാജ്യങ്ങളിലേക്ക് പടർന്നു. ഫ്ലൈറ്റ് പ്രവർത്തനങ്ങളും എയർ ട്രാഫിക്കും ബ്രോക്കറേജുകളും സ്റ്റോക്ക് എക്സ്ചേഞ്ചുകളും തടസ്സപ്പെടുത്തി. കൂടാതെ പലരുടെയും ഡിജിറ്റൽ ജീവിതം താറുമാറായി . ക്രൗഡ്‌സ്ട്രൈക്കിന്റെ എൻഡ് പോയിന്റ് പ്രൊട്ടക്‌ഷൻ പ്രോഗ്രാമായ ഫാൽക്കൺ സെൻസറിന്റെ സോഫ്റ്റ്വെയർ അപ്‌ഡേറ്റിലെ ഒരു തകരാർ അഥവാ ഗ്ലിച്. ഇത്ര ഭീകരമാകുമോ ചെറിയൊരു പ്രശ്നം?
സോഫ്റ്റ്വെയർ അപ്ഡേറ്റ് വഴി കംപ്യൂട്ടറുകൾ നിശ്ചലമാകുന്നത് ഇതാദ്യമല്ല. ചൈനയിൽ 2007 മേയ് 18ന് നോർട്ടൺ ആന്റിവൈറസിന്റെ പുതിയ അപ്ഡേറ്റാണ് പ്രശ്നമായത്. അപ്ഡേറ്റിനു ശേഷം മൈക്രോസോഫ്റ്റ് എക്സ്‍പി (XP) ഓപ്പറേറ്റിങ് സിസ്റ്റത്തിന്റെ രണ്ട് ഫയലുകൾ വൈറസ് ആണെന്ന് നോർട്ടൺ തെറ്റിദ്ധരിച്ച് ബ്ലോക്ക് ചെയ്തു. ഇതോടെ ബൂട്ട് ചെയ്യാനാവാതെ ആയിരത്തോളം കംപ്യൂട്ടറുകൾ കൂട്ടമായി ക്രാഷ് ആയി. കഴിഞ്ഞ ദിവസം നമ്മൾ കണ്ടതുപോലെ തന്നെ ‘ബ്ലൂ സ്ക്രീൻ’ ദൃശ്യമായി. നാലരമണിക്കൂർ കൊണ്ടാണ് പ്രശ്നം പരിഹരിച്ചത്. നഷ്ടപരിഹാരമായി പ്രശ്നം നേരിട്ട എല്ലാവർക്കും നോർട്ടൺ ആന്റിവൈറസിന്റെ 12 മാസത്തെ സൗജന്യ ലൈസൻസ് നൽകിയാണ് നോർട്ടണിന്റെ നിർമാതാക്കളായ സിമാൻടെക് മുഖം രക്ഷിച്ചത്.
Results 1-10 of 81
