ADVERTISEMENT

കൊച്ചി∙ വിൽപനയ്ക്കായി കൊണ്ടുവന്ന 50 ഗ്രാം എംഡിഎംഎയുമായി 4 പേർ അറസ്റ്റിൽ. കൊച്ചി സ്വദേശികളായ അഫ്രീദ് (27), ഹിജാസ് (27), അമൽ ആമോസ് (27), ഫിർദോസ് (26) എന്നിവരാണ് അറസ്റ്റിലായത്. എക്സൈസ് ഇൻസ്പെക്ടർ കെ.പി.പ്രമോദും സംഘവും കലൂർ ശാസ്ത ടെമ്പിൾ റോഡിനു സമീപമുള്ള ലോഡ്ജിൽ പുലർച്ചെ നടത്തിയ പരിശോധനയിലാണ് പ്രതികൾ പിടിയിലായത്.

ബെംഗളൂരുവിൽ നിന്നും അഞ്ചു ലക്ഷം രൂപയ്ക്ക് എംഡിഎംഎ വാങ്ങികൊണ്ടുവന്ന് ചെറു പൊതികളിലാക്കിയാണ് വിൽപന നടത്തിയിരുന്നത്. എറണാകുളം, കാക്കനാട്, കൊച്ചി എന്നിവിടങ്ങളിലെ റിസോട്ടുകളിലും അപ്പാർട്ടുമെന്റുകളിലും താമസിച്ച് യുവാക്കൾ, വിദ്യാർഥികൾ, സിനിമ മേഖലയിൽ പ്രവർത്തിക്കുന്നവർ എന്നിവരെ കേന്ദ്രീകരിച്ചായിരുന്നു വിൽപന. ലഹരിമരുന്ന് വിറ്റുകിട്ടുന്ന പണം കൊണ്ട് ആഡംബര ജീവിതമാണ് നയിച്ചിരുന്നത്.

പ്രതികൾക്ക് എംഡിഎംഎ നൽകിയവരെ കുറിച്ച് സൂചനകൾ ലഭിച്ചതായും അന്വേഷണം നടന്നുവരികയാണെന്ന് പൊലീസ് അറിയിച്ചു. അസി. എക്സൈസ് ഇൻസ്പെക്ടർ (ഗ്രേഡ്) ഒ.എൻ.അജയകുമാർ, പ്രിവന്റീവ് ഓഫിസർ (ഗ്രേഡ്) ബസന്ത് കുമാർ, ബൈനു, സിവിൽ എക്സൈസ് ഓഫിസർമാരായ ശ്രീജിത്ത്, അഫ്സൽ, വനിതാ സിവിൽ എക്സൈസ് ഓഫിസർമാരായ സരിതാറാണി, അമ്പിളി എന്നിവരാണ് അന്വേഷണ സംഘത്തിലുണ്ടായിരുന്നത്.

English Summary:

Kochi drug bust nets four arrests and 50 grams of MDMA. The suspects, who purchased the drugs from Bengaluru, were targeting young people and film industry professionals in the Kochi area.

മനോരമ ഓൺലൈൻ പ്രീമിയം സ്വന്തമാക്കാം
68% കിഴിവിൽ

കൂപ്പൺ കോഡ്:

PREMIUM68
subscribe now
പരിമിതമായ ഓഫർ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com