ഗാല ഹോളി സ്പിരിറ്റ്‌ ദേവാലയത്തിൽ വിശുദ്ധ അൽഫോൻസാമ്മയുടെ തിരുനാൾ ആഘോഷിച്ചു

മസ്‌കത്ത് ∙ ഗാല ഹോളി സ്പിരിറ്റ്‌ ദേവാലയത്തിൽ വിശുദ്ധ അൽഫോൻസാമ്മയുടെ തിരുനാൾ  2024 ജൂലൈ 26നു ആഘോഷിച്ചു. രാത്രി 8 മണിക്ക് ഇടവക വികാരി റവ ഫാ ജോർജ് വടുക്കൂട്ടിന്റെ നേതൃത്വത്തിൽ മലയാളത്തിലുള്ള കുർബാനയും ലദീഞ്ഞിനും ശേഷം പള്ളി അങ്കണത്തിൽ പ്രദക്ഷിണവും തുടർന്ന് സ്നേഹവിരുന്നും ഉണ്ടായിരുന്നു.

ഇടവകയിലെ അമ്പതോളം വരുന്ന കുരുന്നുകൾ അൽഫോൻസാമ്മയുടെ സന്യാസ വസ്ത്രം ധരിച്ചാണ് പരിപാടികളിൽ പങ്കെടുത്തത്. തിരുന്നാൾ ദിനങ്ങളിൽ വിവിധ സംഘടനകളുടെ സഹകരണത്തോടെ പള്ളി അലങ്കരിക്കുകയും, നേർച്ച വിതരണം നടത്തുകയും, കാഴ്ച സമർപ്പണം നടത്തുകയും ചെയ്തതിനു വികാരിയച്ഛൻ നന്ദി അറിയിച്ചു.