ലൈസൻസ് ഇല്ലാതെ വാഹനം ഓടിക്കുന്നവർക്കെതിരെ ശക്തമായ നടപടി സ്വീകരിക്കുമെന്ന് ഖത്തർ

ദോ​ഹ ∙ ലൈസൻസ് ഇല്ലാതെ വാഹനം ഓടിക്കുന്നവർക്കെതിരെ ശക്തമായ നിയമനടപടി സ്വീകരിക്കുമെന്ന് ഖത്തർ ആഭ്യന്തരമന്ത്രാലയം. ഈ നിയമലംഘനം നടത്തുന്നവർക്ക് മൂന്നുവർഷത്തിൽ കൂടാത്ത തടവും 50000 റിയാൽ വരെ പിഴയും ശിക്ഷയായി നൽകുമെന്നും ആഭ്യന്തര മന്ത്രാലയ അധികൃതർ സമൂഹ മാധ്യമത്തിലൂടെ അറിയിച്ചു.

ലൈസൻസ് ഇല്ലാതെയുള്ള ഡ്രൈ​വി​ങ് ക​ടു​ത്ത നിയമലംഘനമാണെ​ന്ന് വ്യ​ക്ത​മാ​ക്കി​യ അധികൃത​ർ, കു​റ്റ​ക്കാ​ർ​ക്കെ​തി​രെ വി​ട്ടു​വീ​ഴ്ച​യില്ലാത്ത ന​ട​പ​ടി​ സ്വീകരിക്കുമെന്നും വ്യക്ത​മാ​ക്കി. ഗ​താ​ഗ​ത നി​യ​മ​ങ്ങ​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ന്ന​ത് എല്ലാ​വ​രു​ടെ​യും സുരക്ഷ​യു​ടെ ഭാഗമാ​ണ്. ഗ​താ​ഗ​ത നി​യ​മ​ത്തി​ലെ ആ​ർ​ട്ടി​ക്കൾ 29 അ​നു​സ​രി​ച്ച്, ജനറ​ൽ ട്രാ​ഫി​ക് ഡി​പ്പാ​ർ​ട്മെ​ന്റി​നു കീ​ഴി​ലെ ലൈ​സ​ൻ​സി​ങ് അതോറിറ്റി​യി​ൽ ​നി​ന്ന് ഡ്രൈ​വി​ങ് ലൈ​സ​ൻ​സ് നേടി​യ​തി​ന് ശേഷം മാ​ത്ര​മെ റോ​ഡി​ൽ വാ​ഹ​ന​മോ​ടി​ക്കാ​ൻ പാ​ടു​ള്ളൂ.

രാജ്യത്തെത്തുന്ന വി​നോ​ദ​സ​ഞ്ചാ​രി​ക​ൾക്കും സ​ന്ദ​ർ​ശ​ക​ർക്കും ഖത്തർ ഗവൺമെന്റ് അംഗീകരിച്ച ലൈസൻസ് ഉണ്ടെങ്കിൽ വാഹനങ്ങളോടിക്കാം. എന്നാൽ അ​വ​ർ രാ​ജ്യ​ത്ത് പ്ര​വേ​ശി​ച്ച് 15 ദിവസ​ങ്ങ​ൾ​ക്കു​ള്ളി​ൽ അ​ത് ലൈ​സ​ൻ​സി​ങ് അ​തോ​റി​റ്റി​ക്ക് മുമ്പാകെ സ​മ​ർ​പ്പി​ച്ച്, രാ​ജ്യ​ത്ത് താ​മ​സി​ക്കു​ന്ന ദിവസങ്ങ​ളി​ലേ​ക്കോ അ​ല്ലെ​ങ്കി​ൽ അ​തോ​റി​റ്റി നി​ർ​ണ​യി​ക്കു​ന്ന പ്ര​ത്യേ​ക കാലയളവിലേക്കോ അം​ഗീ​കാ​രം നേ​ടി​യി​രി​ക്ക​ണം.

ജി.​സി.​സി പൗ​ര​ന്മാ​ർ​ക്ക് അ​വ​രു​ടെ രാ​ജ്യ​ങ്ങ​ളി​ൽ​നിന്നുള്ള സാധുവായ ലൈ​സ​ൻ​സു​മാ​യി വാഹനമോടിക്കാവുന്നതാണ്. അ​തേ​സ​മ​യം, ഇ​തി​ന്റെ കാ​ലാ​വ​ധി ക​ഴി​ഞ്ഞാ​ൽ ഖ​ത്ത​രി ലൈ​സ​ൻ​സി​ലേ​ക്ക്  മാ​റി​യി​രി​ക്ക​ണം.