വിമാനത്താവളത്തിൽ ലഗേജ് ട്രോളി എടുക്കുന്നതിനിടെ യാത്രക്കാരനെ തെരുവുനായ കടിച്ചു; വിദേശയാത്ര മുടങ്ങി

തിരുവനന്തപുരം ∙ വിമാനത്താവളത്തിലെ രാജ്യാന്തര ടെർമിനലിൽ തെരുവുനായയുടെ കടിയേറ്റ യാത്രക്കാരന്റെ ഷാർജ യാത്ര മുടങ്ങി. ഇന്നലെ വൈകിട്ട് 6.10നുള്ള എയർ അറേബ്യ വിമാനത്തിൽ യാത്രയ്ക്കെത്തിയ പത്തനംതിട്ട മാരാമൺ സ്വദേശി എബി ജേക്കബിനാണ് (56) ‌ലഗേജ് ട്രോളി എടുക്കുന്നതിനിടെ കാലിൽ കടിയേറ്റത്.

ജനറൽ ആശുപത്രിയിൽ ചികിത്സ നൽകി. രാജ്യാന്തര ടെർമിനലിന്റെ വെയ്റ്റിങ് ഏരിയയിലെ തെരുവുനായ ശല്യം സംബന്ധിച്ചു ഏറെനാളായി പരാതി ഉണ്ടെങ്കിലും പരിഹാര നടപടിയുണ്ടായിട്ടില്ല. യാത്രക്കാരനു ചികിത്സ ലഭ്യമാക്കിയെന്നും അ‌ട‌ുത്ത ദിവസത്തെ യാത്രയ്ക്കു സൗകര്യം ചെയ്തെന്നും വിമാനത്താവള അധികൃതർ അറിയിച്ചു.