സൂപ്പർ രുചിയിൽ, ഫ്രൈയിങ് പാനിൽ പിത്​സ ഓംലെറ്റ്

കുട്ടികൾക്ക് ഏറെ ഇഷ്ടമുള്ള ഒരു പലഹാരമാണ് പിത്​സ. വളരെ കുറച്ച് ചേരുവകൾ കൊണ്ട് സൂപ്പർ രുചിയിൽ ഫ്രൈയിങ് പാനിൽ പിത്​സ ഓംലെറ്റ് തയാറാക്കാം.

ചേരുവകൾ

• മുട്ട - 5
• തക്കാളി - 2
• ചീസ് - അരക്കപ്പ്
• കുരുമുളകുപൊടി - അര ടീസ്പൂൺ
• ഒറിഗാനോ - കാൽ ടീസ്പൂൺ
• ഉപ്പ് - ആവശ്യത്തിന്
• ബട്ടർ - രണ്ട് ടേബിൾസ്പൂൺ

തയാറാക്കുന്ന വിധം

• തക്കാളി കനം കുറച്ച് വട്ടത്തിൽ അരിഞ്ഞ് വയ്ക്കുക.
• മുട്ടയിലേക്ക് കുരുമുളകുപൊടി, ഒറിഗാനോ, ഉപ്പ് ഇവ ചേർത്ത് നന്നായി അടിച്ചു പതപ്പിക്കുക.
• ഒരു ഫ്രൈയിങ് പാനിൽ 2 ടേബിൾ സ്പൂൺ ബട്ടർ ചൂടാക്കി തക്കാളി കഷ്ണങ്ങൾ നിരത്തുക.
• ഇതിനു മുകളിലായി മുട്ട ഒഴിച്ചു കൊടുക്കുക.
• ഏറ്റവും മുകളിൽ ഗ്രേറ്റ് ചെയ്ത ചീസ് വിതറി അതിനുശേഷം അടച്ചു വച്ച് ചെറിയ തീയിൽ  5 മിനിറ്റ് വേവിക്കുക
• രുചികരമായ പിത്​സ ഓംലെറ്റ് തയാർ.

English Summary : Delicious Pizza Omelette, Super Breakfast Recipe.