ചിക്കൻ കീമ റൈസ് പെട്ടെന്ന് തയാറാക്കാം

പെട്ടെന്നു തയാറാക്കാവുന്ന ചിക്കൻ കീമ റൈസ് ചൂടോടെ കഴിച്ചാൽ രുചി കൂടും.

1. എണ്ണ – പാകത്തിന്
2. സവാള (പൊടിയായി അരിഞ്ഞത്) – 1 എണ്ണം
3. ഏലയ്ക്ക – 2 എണ്ണം
ഗ്രാമ്പൂ – 2 എണ്ണം
കറുവാപ്പട്ട – ഒരിഞ്ചു കഷണം

4. മുളകുപൊടി– 1 ചെറിയ സ്പൂൺ
മഞ്ഞൾപ്പൊടി – ½ ചെറിയ സ്പൂൺ
 ഉപ്പ് – പാകത്തിന്

5. മിൻസ്ഡ് ചിക്കൻ – 1 കപ്പ്

6. ബസ്മതി അരി വേവിച്ചത് – 1 കപ്പ്

പാകം ചെയ്യുന്ന വിധം

  ∙എണ്ണ ചൂടാക്കി സവാള വഴറ്റുക. ഇതിലേക്കു മൂന്നാമത്തെ ചേരുവ ചേർത്തു നന്നായി മൂപ്പിച്ച ശേഷം നാലാമത്തെ ചേരുവ ചേർത്തു വഴറ്റണം. 

∙മസാല മണം വരുമ്പോൾ മിൻസ്ഡ് ചിക്കൻ ചേർത്തു നന്നായി ഇളക്കുക.

∙ചിക്കൻ മിൻസ് വെന്ത ശേഷം വേവിച്ചു വച്ചിരിക്കുന്ന ചോറും ചേർത്തിളക്കി വാങ്ങുക.

∙ചൂടോടെ വിളമ്പാം.