പാളിപ്പോകാതെ പാലപ്പം പഞ്ഞിപോലെ ഉണ്ടാക്കണോ? ഈ ട്രിക്ക് സൂപ്പർ

പാലപ്പത്തിനും അപ്പത്തിനും എത്ര നന്നായി മാവ് അരച്ചെടുത്താലും മയത്തോടെ അപ്പം ഉണ്ടാക്കി എടുക്കാൻ പറ്റിയെന്നു വരില്ല. ചിലർക്ക് മിക്കപ്പോഴും പാളിപ്പോകാറുണ്ട്. അപ്പം അല്ലെങ്കിൽ പാലപ്പം ഉണ്ടാക്കുമ്പോൾ നല്ല പഞ്ഞിപോലെ ആകാനായി ഇനി ഈ രീതിയിൽ മാവ് അരച്ചെടുക്കാം.

ചേരുവകൾ

പച്ചിരി - 2 കപ്പ്

വെള്ള അവൽ - 1/2 കപ്പ്

തേങ്ങ ചിരകിയത് 1/2 കപ്പ്

യീസ്റ്റ് - 1/2 ടീസ്പൂൺ

ഉപ്പു  -ആവശ്യത്തിന്

പഞ്ചസാര - ആവശ്യത്തിന്

വെള്ളം

തയാറാക്കുന്നവിധം

മിക്സിയുടെ ജാറിലേക്ക് പച്ചരിയും തേങ്ങയും കുതിർത്ത അവലും പഞ്ചസാരയും ഉപ്പും യീസ്റ്റും ആവശ്യത്തിനുള്ള വെള്ളവും ചേർത്ത് നന്നായി അരച്ച് എടുക്കാം. മാവ് ചൂടുള്ള ഏതെങ്കിലും പാത്രത്തിനു മുകളിൽ വച്ചാൽ 1 മണിക്കൂറിനു ഉള്ളിൽ തന്നെ പുളിച്ചു പൊങ്ങും. നല്ല മയമുള്ള ക്രിസ്പിയായ പാലപ്പം ഉണ്ടാക്കാവുന്നതാണ്.