തെറ്റിദ്ധരിപ്പിക്കാനാകില്ല, വജ്ര വ്യവസായ മേഖലയിൽ കേന്ദ്ര മാർഗരേഖ ഉടൻ

ന്യൂഡൽഹി ∙ വജ്ര വ്യവസായ മേഖലയ്ക്കായി കേന്ദ്ര ഉപഭോക്തൃത സംരക്ഷണ അതോറിറ്റി ഉടൻ മാർഗരേഖ പുറത്തിറക്കും. ഉപഭോക്താക്കളെ തെറ്റിദ്ധരിപ്പിച്ചുള്ള വജ്ര വിൽപന തടയുകയാണ് ലക്ഷ്യം. ലേബലിങ്, സർട്ടിഫിക്കേഷൻ വ്യവസ്ഥകളും നിർദേശിക്കും. മാർഗരേഖ തയാറാക്കുന്നതിനായി ഈ മേഖലയിലെ പ്രമുഖരുമായി കേന്ദ്ര സർക്കാർ കഴിഞ്ഞ ദിവസം ചർച്ച നടത്തി.

കൃത്യമായ വിവരങ്ങൾ വ്യാപാരികൾ നൽകാത്തതുമൂലം ഉപഭോക്താക്കൾക്കിടയിൽ ആശയക്കുഴപ്പമുണ്ടാകുന്നതായി കേന്ദ്രം വിലയിരുത്തി.  ലാബ് ഗ്രോൺ ഡയമണ്ടുകൾ പ്രകൃതിദത്തമെന്ന മട്ടിൽ വിൽക്കുന്നതും തടയും.