ആയിരത്തിലേറെ കെഎസ്ഇബി ജീവനക്കാർ വിരമിക്കുന്നു; ഒഴിവുകൾ പക്ഷേ, പിഎസ്‌സിയിലെത്തില്ല; താൽക്കാലിക നിയമനം ‘ഹൈവോൾട്ടേജി’ൽ
Mail This Article
×
കെഎസ്ഇബിയിൽനിന്ന് മേയ് 31നു വിരമിക്കുന്നത് 1,099 പേർ. ഏറ്റവും കൂടുതൽ റിട്ടയർമെന്റ് ഓവർസിയർ തസ്തികയിൽനിന്നാണ്–388 പേർ. 8 ചീഫ് എൻജിനീയർമാരും 17 ഡപ്യൂട്ടി ചീഫ് എൻജിനീയർമാരും 33 എക്സിക്യൂട്ടീവ് എൻജിനീയർമാരും 23 അസിസ്റ്റന്റ് അക്കൗണ്ട്സ് ഓഫിസർമാരും 119 ലൈൻമാൻമാരും വിരമിക്കുന്നുണ്ട്.
സെക്‌ഷൻ ഓഫിസുകളിൽ ലൈൻമാൻ തസ്തികയിൽ ഉൾപ്പെടെ ജീവനക്കാരുടെ കുറവ് വന്നതോടെ പരിചയസമ്പന്നരായ മുൻ ജീവനക്കാരെ ദിവസവേതന അടിസ്ഥാനത്തിൽ നിയമിക്കാനാണ് ബോർഡിന്റെ തീരുമാനം. 65 വയസ്സിൽ താഴെയുളള വിരമിച്ച ജീവനക്കാരെയും പരിചയ സമ്പന്നരായ കരാർ ജീവനക്കാരെയുമാണു നിയമിക്കുക. ഓഗസ്റ്റ് 4 വരെയോ അതിനു മുൻപ് ബോർഡ് ഉത്തരവിടുന്നതു വരെയോ ആയിരിക്കും നിയമനം. കെഎസ്ഇബിയിലെ തസ്തിക പുനഃസംഘടന പൂർത്തിയാകുംവരെ ഒഴിവുകൾ പിഎസ്‌സിക്കു റിപ്പോർട്ട് ചെയ്യേണ്ടെന്ന് മാനേജ്മെന്റ് നേരത്തേ തീരുമാനിച്ചതാണ്.
English Summary:
Over 1,000 KSEB employees retire; Temporary appointment in 'High Voltage'
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.