മനോഹരമായും വൃത്തിയോടും ഒരുങ്ങി മറ്റുള്ളവരുടെ അഭിനന്ദനങ്ങൾ നേടാൻ ആരാണ് ആഗ്രഹിക്കാത്തത്. സൗന്ദര്യ സംരക്ഷണം ഒരു കലയാണ്. എല്ലാവർക്കും സൗന്ദര്യമുണ്ട്. ആ സൗന്ദര്യത്തിന് പരിചരണം കൊടുക്കുകയും കൂടുതൽ വൃത്തിയോടെ മറ്റുള്ളവർക്കു മുമ്പിൽ അവതരിപ്പിക്കുകയുമാണ് വേണ്ടത്. സൗന്ദര്യ സംരക്ഷണം എന്ന കലയിലൂടെ അത് സാധ്യമാകും. അതിനായി നിരവധി ബ്യൂട്ടി ടിപ്സ് ഇന്ന് ലഭ്യമാണ്. കൃത്യമവും പ്രകൃതിദത്തവുമായ മാർഗങ്ങൾ ലോകത്തു നിലവിലുണ്ട്. 

ഓരോ അവയവത്തിനും വേണ്ടിയുള്ള സൗന്ദര്യ സംരക്ഷണ വിദ്യകൾ ഇന്ന് പ്രചാരത്തിലുണ്ട്. ഓരോ രാജ്യത്തും പരമ്പരാഗത സൗന്ദര്യ സംരക്ഷണ രീതികളുണ്ട്. ഇതു കൂടാതെ ആധുനിക രീതികൾ വളരെ വേഗത്തിലാണ് പ്രചാരം നേടുന്നത്. കോസ്മറ്റിക് വിപണി പുതിയ പരീക്ഷണങ്ങളും കണ്ടെത്തലുകളുമായി അതിവേഗമാണ് വികസിക്കുന്നത്.