Activate your premium subscription today
ശബരിമല ∙ കഴിഞ്ഞ വർഷത്തേക്കാൾ 5.51 ലക്ഷം തീർഥാടകർ എത്തിയിട്ടും വലിയ തിരക്കോ മണിക്കൂറുകൾ നീണ്ട കാത്തുനിൽപ്പോ ഇല്ലാതെ വേഗത്തിൽ ദർശനം നടത്താൻ കഴിഞ്ഞതാണ് ഇത്തവണത്തെ ഏറ്റവും വലിയ നേട്ടമെന്നു ദേവസ്വം ബോർഡ് പ്രസിഡന്റ് പി.എസ്.പ്രശാന്ത്. ഇത് ദേവസ്വം ബോർഡിന്റെയും പൊലീസിന്റെയും മാത്രം നേട്ടമല്ല. ജില്ലാ ഭരണകൂടം, ദുരന്തനിവാരണ അതോറിറ്റി, കെഎസ്ആർടിസി, കെഎസ്ഇബി, അഗ്നിരക്ഷാസേന, കേന്ദ്രസേന, ജലസേചന വിഭാഗം തുടങ്ങി 21 വകുപ്പുകളുടെ കൃത്യമായ ഏകോപനത്തിന്റെ വിജയമാണ്. തീർഥാടനം തുടങ്ങിയിട്ട് ഒരുമാസം പിന്നിട്ടു. 16ന് ധനു ഒന്നാണ്. ഇനിയും മണ്ഡലപൂജയുടെ പ്രധാന നാളുകൾ. ഒരുമാസത്തെ പ്രവർത്തനങ്ങൾ വിലയിരുത്തുകയാണു ദേവസ്വം ബോർഡ് പ്രസിഡന്റ്.
ശബരിമല∙ അയ്യപ്പ സ്വാമിയുടെ ചിത്രം ആലേഖനം ചെയ്ത സ്വർണ ലോക്കറ്റ് വിപണിയിൽ ഇറക്കുന്നതിനു താൽപര്യ പത്രം ക്ഷണിക്കാൻ തിരുവിതാംകൂർ ദേവസ്വം ബോർഡ് തീരുമാനം. ഇതിനു മുന്നോടിയായി നിയമവശങ്ങൾ പരിശോധിക്കും. വൻകിട സ്വർണവ്യാപാര സ്ഥാപനങ്ങൾ ഇതിനായി മുന്നോട്ടു വന്നിട്ടുണ്ട്്. ഗുണനിലവാരം ഉറപ്പാക്കി 916 സ്വർണ ലോക്കറ്റ് പുറത്തിറക്കുന്നതിന്റെ നിയമവശങ്ങൾ പഠിച്ചു താൽപര്യ പത്രം ക്ഷണിക്കാനാണു പ്രസിഡന്റ് പി.എസ്.പ്രശാന്ത്, അംഗങ്ങളായ എ.അജികുമാർ, ജി.സുന്ദരേശൻ എന്നിവർ അടങ്ങുന്ന ബോർഡിലെ ധാരണ. ഒരു ഗ്രാം, രണ്ട് ഗ്രാം, 4 ഗ്രാം, 6 ഗ്രാം, 8 ഗ്രാം എന്നീ 5 തരത്തിലുള്ള ലോക്കറ്റ് ഉണ്ടാകും.
ശബരിമല ∙ മണ്ഡലകാലം 9 ദിവസം പിന്നിട്ടപ്പോൾ നടവരവിലും തീർഥാടകരുടെ എണ്ണത്തിലും വർധനയെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്.പ്രശാന്ത് പറഞ്ഞു. 41.64 കോടി രൂപയാണ് നവംബർ 23 വരെയുള്ള നടവരവ്. മുൻ വർഷത്തേക്കാൾ 13.33 കോടി രൂപയുടെ വ്യത്യാസം.
തിരുവനന്തപുരം: പണാപഹരണക്കേസില്‍ തിരുവിതാംകൂര്‍ ദേവസ്വം ബോര്‍ഡ് അസിസ്റ്റന്റ്് ദേവസ്വം കമ്മിഷണര്‍ ഓഫിസിലെ മുന്‍ ഹെഡ് ക്ലര്‍ക്ക് ജി. സുരേഷ് കുമാറിനെ രണ്ട് കേസുകളില്‍ വിവിധ വകുപ്പുകളിലായി കോടതി 24 വര്‍ഷം കഠിന തടവിനും 2,40,000 രൂപ പിഴക്കും ശിക്ഷിച്ചു. പിഴ ഒടുക്കിയില്ലെങ്കില്‍ പ്രതി 17 മാസം അധിക തടവ് അനുഭവിക്കണം. ശിക്ഷാ കാലാവധി ഒരുമിച്ച് അനുഭവിച്ചാല്‍ മതി എന്നതു കൊണ്ട് പ്രതിക്ക് നാലു വര്‍ഷം കഠിന തടവാകും അനുഭവിക്കേണ്ടി വരിക.
ശബരിമല ∙ വെർച്വൽ ക്യു പരിധി കൂട്ടുന്ന കാര്യം ദേവസ്വം ബോർഡ് യോഗത്തിൽ തീരുമാനമായില്ല. ദർശനം നടത്തുന്ന തീർഥാടകരുടെ എണ്ണം കുറഞ്ഞതിനാൽ വെർച്വൽ ക്യു പരിധി 80,000 ആയി ഉയർത്തണമെന്ന ആവശ്യം ഉയർന്നിട്ടുണ്ട്. ഇതരസംസ്ഥാനങ്ങളിലെ തീർഥാടക സംഘങ്ങൾ ദേവസ്വം ഓഫിസിൽ വിളിച്ച് വെർച്വൽ ക്യു കിട്ടാത്തതിനാൽ തീർഥാടനത്തിന് എത്താൻ കഴിയാത്തതിന്റെ പ്രയാസങ്ങൾ പങ്കുവയ്ക്കുന്നുണ്ട്. സ്പെഷൽ കമ്മിഷണർ ഇക്കാര്യം ഹൈക്കോടതിയെ അറിയിച്ചിരുന്നു.
കൊച്ചി ∙ തൃശൂർ പൂരം അലങ്കോലപ്പെടുത്തിയതിനു പിന്നിൽ തിരുവമ്പാടി ദേവസ്വത്തിന്റെയും ബിജെപിയുടെയും ഗൂഢാലോചനയാണെന്നു കുറ്റപ്പെടുത്തുന്ന റിപ്പോർട്ട് കൊച്ചി ദേവസ്വം ബോർഡ് ഹൈക്കോടതിയിൽ നൽകി. രാവിലെ 3ന് നടത്തേണ്ടിയിരുന്ന വെടിക്കെട്ട് 7.15വരെ വൈകിയത് തിരുവമ്പാടി ദേവസ്വത്തിന്റെ സമ്മർദ തന്ത്രമായി കാണേണ്ടതാണെന്നും റിപ്പോർട്ടിൽ പറയുന്നു.
കൊച്ചി ∙ തൃശൂർ പൂരം അലങ്കോലപ്പെട്ട സംഭവത്തിൽ ഹൈക്കോടതിയിൽ റിപ്പോർട്ട് നൽകി കൊച്ചിൻ ദേവസ്വം ബോർഡ്. പൂരം അലങ്കോലപ്പെട്ടതിനു പിന്നിൽ തിരുവമ്പാടി ദേവസ്വത്തിന്റെയും ബിജെപിയുടെയും ഗൂഢാലോചനയാണെന്നാണ് റിപ്പോർട്ടിൽ പറയുന്നത്. പുലർച്ചെ 3ന് നടത്തേണ്ടിയിരുന്ന വെടിക്കെട്ട് രാവിലെ 7.15വരെ വൈകിയതു തിരുവമ്പാടി ദേവസ്വത്തിന്റെ സമ്മർദ തന്ത്രമായി കാണണമെന്നും റിപ്പോർട്ടിൽ പറയുന്നു. കൊച്ചിൻ ദേവസ്വം ബോർഡ് സെക്രട്ടറി പി.ബിന്ദുവാണ് കൊച്ചിൻ ദേവസ്വം ബോർഡിനായി എതിർസത്യവാങ്മൂലം നൽകിയത്.
കൊച്ചി ∙ അഖില ഭാരത അയ്യപ്പ സേവാ സംഘത്തന്റെ ഉടമസ്ഥതയിൽ പമ്പയിലുള്ള കെട്ടിടം മണ്ഡല മകരവിളക്ക് സമയത്ത് തീർഥാടകർക്ക് സൗകര്യമൊരുക്കാനായി ദേവസ്വം ബോർഡിനു കൈമാറണമെന്ന് ഹൈക്കോടതി. നേരത്തെ ശബരിമല സന്നിധാനത്തുള്ള തങ്ങളുടെ കെട്ടിടം മണ്ഡല മകരവിളക്ക് കാലത്ത് കൈമാറാമെന്ന് അയ്യപ്പ സേവാ സംഘം അറിയിച്ചിരുന്നു. സമാനമായ രീതിയിൽ ഇന്നു തന്നെ പമ്പയിലേയും കെട്ടിടം കൈമാറാനാണ് ഹൈക്കോടതി ദേവസ്വം ബെഞ്ചിലെ ജസ്റ്റിസുമാരായ അനിൽ കെ.നരേന്ദ്രൻ, എസ്.മുരളീകൃഷ്ണ എന്നിവരുടെ നിർദേശം. ഇന്ന് തന്നെ കെട്ടിടത്തിന്റെ താക്കോൽ ശബരിമല എക്സിക്യൂട്ടീവ് ഓഫിസർക്ക് കൈമാറുമെന്ന് അയ്യപ്പ സേവാ സംഘം അറിയിച്ചിട്ടുണ്ട്.
വീണ്ടും ശരണമന്ത്രധ്വനികളുടെ നാളുകൾ. ശബരിമല മണ്ഡല- മകര വിളക്ക് തീർഥാടനകാലത്തിന് തുടക്കം കുറിച്ച് ഓരോ ഭക്തനും മലചവിട്ടുമ്പോൾ ‘സുഖദർശനമാകണേ’ എന്ന പ്രാ‍ർഥനയും ഒപ്പമുണ്ടാകും. ഈ ആഗ്രഹം നടപ്പിലാക്കാൻ കഴിഞ്ഞ തവണയുണ്ടായ കുറവുകളെല്ലാം മനസ്സിലാക്കി മാസങ്ങൾക്കു മുൻപേ കൃത്യമായ ആസൂത്രണത്തോടെയാണ് സർക്കാരും ദേവസ്വം ബോർഡും പ്രവർത്തിച്ചത്. ഓരോ അയ്യപ്പഭക്തനും മലയിറങ്ങുന്നത് മനസ്സുനിറഞ്ഞ സംതൃപ്തിയോടെ ആകണമെന്ന നിർബന്ധം മാത്രമാണ് അവരെ നയിച്ചത്. രണ്ടാം പിണറായി സർക്കാരിൽ വിഴിഞ്ഞം തുറമുഖം അടക്കമുള്ള സ്വപ്ന പദ്ധതികളുടെ അമരത്തുള്ള മന്ത്രി വി.എൻ വാസവന് ദേവസ്വം മന്ത്രിയായി ചുമതല ലഭിച്ചിട്ടുള്ള ആദ്യ മണ്ഡലകാലമാണിത്. വർഷങ്ങളായി ശബരിമലയുമായി ബന്ധപ്പെട്ട കാര്യങ്ങൾ അടുത്തറിയാം അദ്ദേഹത്തിന്. കോട്ടയം സ്വദേശിയാണ്. മുൻ വർഷങ്ങളിലുണ്ടായ പ്രശ്നങ്ങളെപ്പറ്റി വ്യക്തമായ ധാരണയുമുണ്ടായിരുന്നു മന്ത്രിക്ക്. അതിനാൽത്തന്നെ ഇത്തവണ പരാതികൾക്കൊന്നും ഇടംകൊടുക്കാതെ കൃത്യമായ പ്ലാനിങ്ങോടു കൂടിയാണ് അദ്ദേഹം മണ്ഡലകാലത്തെ സമീപിച്ചത്. ഭക്തർക്ക് സുഖദർശനം ഉറപ്പാക്കുന്നതിന് എന്തെല്ലാം സൗകര്യങ്ങളാണ് ഇത്തവണ സർക്കാർതലത്തിൽ ഒരുക്കിയിരിക്കുന്നത്? എന്തെല്ലാമാണ് നേരിട്ട വെല്ലുവിളികൾ, അവയെ എങ്ങനെ മറികടന്നു? മനോരമ ഓൺലൈൻ പ്രീമിയത്തിന് അനുവദിച്ച പ്രത്യേക അഭിമുഖത്തിൽ മന്ത്രി മനസ്സുതുറക്കുന്നു.
തൃശൂർ∙ ആന എഴുന്നള്ളിക്കുന്നത് സംബന്ധിച്ച ഹൈക്കോടതിയുടെ നിയന്ത്രണങ്ങൾ പാലിച്ചാൽ തൃശൂർ പൂരം നടത്താനാവില്ലെന്ന് തിരുവമ്പാടി ദേവസ്വം സെക്രട്ടറി കെ.ഗിരീഷ് കുമാര്‍. 36 മണിക്കൂർ നീണ്ടു നിൽക്കുന്ന പൂരത്തിൽ ഒരു വിഭാഗത്തിനു തന്നെ 150 ആനകൾ വേണ്ടി വരും. ഉത്സവങ്ങളെ ഇല്ലാതാക്കാൻ ഇറങ്ങിയ എൻജിഒകളെ മാത്രം കേട്ട് തീരുമാനമെടുക്കരുത്.
Results 1-10 of 74
