2020 ജനുവരിയിൽ ബിജെപിയുടെ ദേശീയ പ്രസിഡൻറായി ജെ.പി.നഡ്ഡ സ്ഥാനമേറ്റു. 2019ൽ ബിജെപി ദേശീയ അധ്യക്ഷനായിരുന്ന അമിത് ഷാ കേന്ദ്ര ആഭ്യന്തര മന്ത്രിയായതിനെ തുടർന്ന് പാർട്ടിയുടെ വർക്കിങ് പ്രസിഡന്റായി നദ്ദയെ നിയമിച്ചു. 2020ൽ അമിത് ഷാ സ്ഥാനം ഒഴിഞ്ഞതോടെയാണ് നഡ്ഡ ബിജെപിയുടെ പ്രസിഡന്റ് ആയത്. 2019ലെ ലോക്സഭ തിരഞ്ഞെടുപ്പിൽ ഉത്തർപ്രദേശിൽ ബിജെപിയുടെ പ്രവർത്തന ചുമതല നഡ്ഡയ്ക്കായിരുന്നു. പ്രതിപക്ഷ മഹാസഖ്യത്തെ തകർത്ത് ബിജെപിക്ക് യുപിയിൽ വൻ വിജയം നേടാനായത് നഡ്ഡയുടെ സംഘാടക മികവാണെന്നാണ് പാർട്ടി വിലയിരുത്തൽ.
