കൊടുമണ്ണിൽ കണ്ടെത്തിയത് 2 പെരുമ്പാമ്പുകളെ; ഒപ്പം 18 കുഞ്ഞുങ്ങൾ, 18 മുട്ടകൾ

കൊടുമൺ ∙ ആൾത്താമസമില്ലാത്ത ഷെഡിൽനിന്ന് 2 പെരുമ്പാമ്പുകളെയും കുഞ്ഞുങ്ങളെയും പിടികൂടി. 2 വലിയ പെരുമ്പാമ്പുകളും 18 വീതം കുഞ്ഞുങ്ങളെയും മുട്ടകളുമാണ് കണ്ടെത്തിയത്. കൊടുമൺ പഴയ പൊലീസ് സ്റ്റേഷൻ ജംക്‌ഷനിൽ റോഡരികിലാണ് സംഭവം. ഷെഡിലെ താമസക്കാരിയായ വയോധിക ഒരുമാസം മുൻപാണ് മരിച്ചത്. ഈ ഷെഡിൽ നിന്നാണ് പാമ്പിനെയും കുഞ്ഞുങ്ങളെയും കിട്ടിയത്.

ഷെഡ് പൂർണമായും തകർന്ന നിലയിലായിരുന്നു. വിവരം നാട്ടുകാർ പൊലീസിനെ അറിയിക്കുകയായിരുന്നു. പൊലീസ് കോന്നി വനംവകുപ്പിനെ ബന്ധപ്പെടുകയും അവരെത്തി പാമ്പിനെയും കുഞ്ഞുങ്ങളെയും പിടികൂടുകയായിരുന്നു. ഷെഡിന്റെ അടിയിലാണ് പാമ്പും കൂട്ടത്തെ കണ്ടെത്തിയത്.സമീപത്ത് കൂടി ഒഴുകുന്ന തോട്ടിൽ നിന്ന് പെരുമ്പാമ്പ് കരയ്ക്ക് വന്നു കയറി ഷെഡിൽ മുട്ടയിട്ടതാണെന്ന് കരുതുന്നു.