പരീക്ഷക്കാലം കഴിഞ്ഞു; ഇന്ത്യൻ സ്കൂളുകൾക്ക് ഇന്നുമുതൽ അവധി

അബുദാബി ∙ യുഎഇയിൽ ഇന്ത്യൻ സ്കൂളുകൾ വാർഷിക പരീക്ഷ കഴിഞ്ഞ് ഇന്ന് അടയ്ക്കും. പ്രാദേശിക, വിദേശ സിലബസ് സ്കൂളുകൾ രണ്ടാം പാദ പഠനം പൂർത്തിയാക്കിയാണ് ഹ്രസ്വകാല അവധിക്ക് അടയ്ക്കുന്നത്. 

വിദ്യാർഥികൾക്ക് 3 ആഴ്ചത്തെയും അധ്യാപകർക്ക് 2 ആഴ്ചത്തെയും അവധി ലഭിക്കും. ഏപ്രിൽ 14ന് സ്കൂളുകൾ തുറക്കും. ഇതേസമയം ഇന്ത്യൻ സ്കൂളുകളിൽ എസ്എസ്എൽസി, പ്ലസ് 1, പ്ലസ് 2 പരീക്ഷ നടക്കുന്നതിനാൽ ഈ മാസം 29 വരെ പരീക്ഷാ ഡ്യൂട്ടിയുള്ള അധ്യാപകർ സ്കൂളിൽ ഹാജരാകണം. അല്ലാത്തവർക്ക് 27 വരെയും. ഇതിനിടയിൽ കെ.ജി മുതൽ 9 വരെയുള്ള വിദ്യാർഥികളുടെ ഓപ്പൺ ഹൗസും നടക്കും.