മലയാളചലച്ചിത്ര സംഗീത സംവിധായകനായിരുന്നു കൈതപ്രം വിശ്വനാഥൻ. ഗാനരചയിതാവും, സംഗീതസം‌വിധായകനുമായ കൈതപ്രം ദാമോദരൻ നമ്പൂതിരിയുടെ ഇളയ സഹോദരന്‍. കൈതപ്രം വിശ്വനാഥൻ ഈണമിട്ട കരിനീലക്കണ്ണഴകീ, "കയ്യെത്തും ദൂരെ ഒരു കുട്ടിക്കാലം", "നീയൊരു പുഴയായ്", "എനിക്കൊരു പെണ്ണുണ്ട്", "സാറേ സാറേ സാമ്പാറേ"' ആടെടീ ആടാടെടീ ആലിലക്കിളിയേ തുടങ്ങിയ ഗാനങ്ങൾ ശ്രദ്ധേയമായവയാണ്‌. കണ്ണകി എന്ന ചിത്രത്തിലെ പശ്ചാത്തല സംഗീതത്തിന് 2001 ൽ സംസ്ഥാന പുരസ്കാരം ലഭിച്ചിരുന്നു. 2021 ഡിസംബർ 29 ന് അന്തരിച്ചു.
