Activate your premium subscription today
ഒരു പ്രകൃതി ദുരന്തത്തിന്റെ വേദനകളും ദുരിതങ്ങളും ഗംഗാവലി നദിയുടെ ഇരുകരകളിലും ഉണ്ടാക്കിയ ആഘാതം ചെറുതല്ല. ഒരുവശത്ത് മണ്ണ് മൂടിയ ദേശീയപാതയിലെ രക്ഷാപ്രവർത്തനങ്ങൾ. അവിടെ നദിയിൽ, മലയാളിയായ അർജുനെ തേടി മനസ്സു നിറയെ ഉത്കണ്ഠയും പ്രതീക്ഷയുമായി പ്രവർത്തിക്കുന്ന രക്ഷാപ്രവർത്തകർ. മറുവശത്ത് ഉൾവരെ എന്ന പ്രദേശം. അവിടെയും ദുരന്തക്കാഴ്ചകൾ വ്യത്യസ്തമായിരുന്നില്ല. കർണാടക അങ്കോല ഷിരൂരിൽ കുന്ന് ഇടിഞ്ഞ് ഗംഗാവലി നദിയിലേക്ക് വീണപ്പോൾ ഉൾവരെയിലേക്ക് വെള്ളം ഇരച്ചെത്തിയത് സൂനാമി പോലെയായിരുന്നു. ആ തീരത്തുമുണ്ടായിരുന്നു സ്വപ്നംകൊണ്ട് വീടുകെട്ടി ജീവിച്ചിരുന്ന മനുഷ്യർ. മണ്ണിടിഞ്ഞ കരയും മറുകരയായ മാടങ്കേരി ഉൾവരെയും തമ്മിൽ ഏകദേശം അഞ്ഞൂറ് മീറ്ററിലധികം ദൂരമേയുള്ളൂ. പ്രദേശത്തെ ആറിലേറെ വീടുകളിലേക്കാണ് വെള്ളം ഇരച്ചു കയറിയെത്തിയത്. ആ വെള്ളം നദിയിലേക്ക് തിരികെയിറങ്ങിയപ്പോൾ ഒഴുക്കിൽ ഇല്ലാതായത് ഒട്ടേറെ പേരുടെ സ്വപ്നങ്ങളായിരുന്നു. ജീവനും ജീവിതവും തകർക്കപ്പെട്ട ആ ഭൂമിയിൽ മനുഷ്യർ നിർത്താതെ കരയുന്നു. വീട് നഷ്ടപ്പെട്ടവർ, പുഴയിൽ നഷ്ടപ്പെട്ട ഉറ്റവരെ കണ്ടെത്താൻ കഴിയാത്തവർ... ദുരന്തത്തിന്റെ നടുക്കം ഇപ്പോഴും ആ മുഖങ്ങളിൽ മഴക്കാറു പോലെ ഇരുണ്ടു നിൽക്കുന്നുണ്ട്. ഗംഗാവലി നദിയുടെ ഇരുകരകളിലെയും ദുരന്തക്കാഴ്ചകൾ ഞെട്ടിക്കുന്നതാണ്. ഇരു പ്രദേശങ്ങളിലും സഞ്ചരിച്ച് മലയാള മനോരമ ഫൊട്ടോഗ്രാഫർ അഭിജിത് രവി പകർത്തിയ ചിത്രങ്ങളിലൂടെ...
മലയാള ചലച്ചിത്രഗാനശാഖയിൽ എന്നെന്നും ഓർക്കുന്ന ഒരു ഗാനത്തിന്റെ ശബ്ദമായിട്ടും പിന്നെന്തേ ഒരുപാട് അവസരങ്ങൾ തേടി വന്നില്ല? ദേവദൂതനിലെ ക്ലാസിക് ഹിറ്റായ ‘കരളേ നിൻ കൈ പിടിച്ചാൽ’ എന്ന ഗാനത്തിന് ശബ്ദമായ പ്രീതയോട് ഈ ചോദ്യം ചോദിക്കുമ്പോൾ പുറത്ത് ആർത്തലച്ച് മഴ പെയ്യുന്നുണ്ടായിരുന്നു. നെറ്റിയിൽ പെരുവിരലുകൊണ്ടൊരു വര വരച്ച് പ്രീത അൽപനേരം നിശബ്ദയായി. ‘‘ഞാൻ ഇവിടെ തന്നെയുണ്ടായിരുന്നു. ആരും അറിഞ്ഞില്ല, ആരും വിളിച്ചില്ല. അത്രയേ എനിക്ക് ഉത്തരം തരാനുള്ളൂ’’ സ്വതസിദ്ധമായ പുഞ്ചിരി ശ്രുതി ചേർത്ത് പ്രീത പറഞ്ഞു. 24 വർഷങ്ങൾക്കു ശേഷവും ആ ഒറ്റഗാനത്തിന്റെ മേൽവിലാസം മാത്രം മതിയാകും പ്രീതയെന്ന ഗായികയെ മലയാളികൾക്ക് തിരിച്ചറിയാൻ. പക്ഷേ, എന്തുകൊണ്ടോ ആ ഹിറ്റിന് ഒരു തുടർച്ച സംഭവിച്ചില്ല. പക്ഷേ, അതിൽ പരിഭവമില്ലെന്ന് പ്രീത പറയുന്നു. ‘‘ആരോടും പരാതിയില്ല. ആരോടും പരിഭവവും ഇല്ല. ഞാൻ ഇടയ്ക്ക് ഭഗവാനോടു പറയും. എന്തേ അങ്ങനെയൊരു തീരുമാനം വച്ചത്? അതെന്റെ സ്വകാര്യ ദുഃഖം മാത്രം’’ സിബി മലയിൽ സംവിധാനം ചെയ്ത, വിദ്യാസാഗറിന്റെ മാന്ത്രിക സംഗീതത്താൽ അനുഗ്രഹിക്കപ്പെട്ട ദേവദൂതൻ റീ–റിലീസിനൊരുങ്ങുമ്പോൾ, ചിത്രത്തിന്റെ ആത്മാവായ ഗാനത്തിന് ശബ്ദം പകർന്ന ഗായിക പ്രീത കണ്ണൻ ആ പാട്ടുവഴികൾ ഓർത്തെടുക്കുന്നു.
വിഴിഞ്ഞമെന്ന പുരാതന തുറമുഖ നഗരം ഒടുവിൽ പുനർജനിച്ചിരിക്കുന്നു. പഴയ തുറമുഖ നഗരത്തിലേതു പോലെ റോമാക്കാരുടെയും അറബികളുടെയും പായ്ക്കപ്പലുകളല്ല പക്ഷേ ഇനി നങ്കൂരമിടുക. ലോകത്തിലെ ഏറ്റവും വമ്പൻ ചരക്കുകപ്പലുകളുടെ നിരയായിരിക്കും വരും വർഷങ്ങളിൽ വിഴിഞ്ഞത്തെ തേടിയെത്തുക. നൂറ്റാണ്ടുകളുടെ തുറമുഖ പൗരാണിക പെരുമ പറയാനുണ്ട് വിഴിഞ്ഞത്തിന്. ആ പേരും പെരുമയും വീണ്ടും ലോകത്തിനു മുന്നിൽ കൂടുതൽ പ്രൗഢിയോടെ, അഭിമാനത്തോടെ എത്തുകയാണ്. കേന്ദ്ര–കേരള സർക്കാരുകളും അദാനി ഗ്രൂപ്പും ചേർന്ന പൊതു–സ്വകാര്യ പങ്കാളിത്ത പദ്ധതിയായി (പിപിപി) ആരംഭിച്ച വിഴിഞ്ഞം തുറമുഖത്തേക്ക് ചരക്കുകളുമായി സാൻ ഫെർണാണ്ടോ എന്ന ആദ്യ മദർഷിപ്പ് എത്തിയതോടെ എന്തെല്ലാം മാറ്റങ്ങളായിരിക്കും സംഭവിക്കാനൊരുങ്ങുന്നത്? ഇന്ത്യയുടെ, കടൽ വഴിയുള്ള രാജ്യാന്തര ചരക്കുനീക്കത്തിന്റെ മുഖ്യപങ്കും ഇതുവരെ കൊളംബോ, സിംഗപ്പൂർ, യുഎഇയിലെ ജബൽ അലി തുറമുഖങ്ങൾ വഴിയായിരുന്നു. നമ്മുടെ രാജ്യത്തേക്ക് ആവശ്യമുള്ള കണ്ടെയ്നറുകൾ ഈ തുറമുഖങ്ങളിൽ ഇറക്കി, അവിടെനിന്ന് ചെറു കപ്പലുകളിൽ എത്തിക്കുകയായിരുന്നു പതിവ്. എന്നാൽ ഇനി മുതൽ അത് വിഴിഞ്ഞത്തേക്ക് മാറുകയാണ്. സാൻ ഫെർണാണ്ടോ മാത്രമല്ല, ഒട്ടേറെ ലോകോത്തര കമ്പനികളുടെ ചരക്കുകപ്പലുകളും ഇനി വിഴിഞ്ഞത്തേക്ക് വരാനുണ്ട്. ലോകത്തിലെ ഏറ്റവും വലിയ ചരക്കുകപ്പൽ വന്നാൽപ്പോലും ‘നങ്കൂരമിട്ടോളൂ’ എന്നും പറഞ്ഞ് നെഞ്ചുംവിരിച്ച് സ്വാഗതം ചെയ്യും വിഴിഞ്ഞം. കോടിക്കണക്കിനു രൂപയുടെ വരുമാനവും തൊഴിലവസരങ്ങളുമാണ് അതുവഴി കേന്ദ്രത്തിനും കേരള സർക്കാരിനും ലഭിക്കുക. എങ്ങനെയാണ് മദർഷിപ് വിഴിഞ്ഞത്തെത്തിയത്? എന്തെല്ലാമാണ് വിഴിഞ്ഞത്തിന്റെയും മദർഷിപ്പിന്റെയും മറ്റു പ്രത്യേകതകൾ? വിശദമായറിയാം, ഗ്രാഫിക്സിലൂടെ...
ചിതറിക്കിടന്ന പാർട്ടികളെയെല്ലാം ചേർത്ത് ‘ഇന്ത്യ’ എന്നൊരു സഖ്യത്തെ കോൺഗ്രസിന്റെ നേതൃത്വത്തിൽ രൂപീകരിച്ചപ്പോൾ അത് പ്രധാനമന്ത്രി നരേന്ദ്ര മോദിയുടെ മൂന്നാം വരവിനോ എൻഡിഎയുടെ തുടർച്ചയ്ക്കോ വലിയ വെല്ലുവിളിയാകുമെന്ന് അധികമാരും പ്രതീക്ഷിച്ചിരുന്നില്ല. മോദി പ്രഭാവം രാജ്യത്താകമാനം അത്രകണ്ട് പടർന്നു പന്തലിച്ചിരുന്ന സമയത്തായിരുന്നു ‘ഇന്ത്യ’യുടെ വരവ്. എന്നാൽ ലോക്സഭാ തിരഞ്ഞെടുപ്പിന്റെ ഒന്നാം ഘട്ട വോട്ടെടുപ്പു പൂർത്തിയായതിനു പിന്നാലെ, അതുവരെ പറഞ്ഞുകൊണ്ടിരുന്ന വികസന മന്ത്രം മാറ്റി വർഗീയ–വിദ്വേഷ പ്രസംഗങ്ങളുമായി പ്രധാനമന്ത്രിതന്നെ രംഗത്തെത്തിയതോടെ ബിജെപി ക്യാംപ് പോലും അപകടം മണത്തു. തുടർന്നുള്ള ഒരോ ഘട്ടങ്ങളിലും പ്രചാരണവിഷയങ്ങളും ആരോപണങ്ങളും മാറിമാറി വന്നു. എക്സിറ്റ് പോൾ ഫലങ്ങൾ പുറത്തുവന്നപ്പോഴാകട്ടെ എല്ലാം എൻഡിഎയ്ക്ക് അനുകൂലം. ഇന്ത്യയ്ക്ക് 100 സീറ്റ് കഷ്ടി കിട്ടിയാലെന്നായിരുന്നു പ്രവചനങ്ങളിലേറെയും. എന്നാൽ വോട്ടെണ്ണൽ ദിനം സാക്ഷിയായത് അപ്രതീക്ഷിത സംഭവങ്ങൾക്ക്. എൻഡിഎയ്ക്ക് ‘ഈസി വാക്കോവർ’ പ്രവചിച്ച എക്സിറ്റ് പോളുകളെയെല്ലാം നിഷ്പ്രഭമാക്കി, വോട്ടെണ്ണലിന്റെ ഒരു ഘട്ടത്തിൽ ‘എൻഡിഎയോ ഇന്ത്യയോ’ എന്ന ചോദ്യം വരെ ടിവി ചാനലുകളുടെ ബ്രേക്കിങ് ടിക്കറുകളിൽ ഇടംനേടി. അവസാനവിജയം എൻഡിഎയ്ക്കൊപ്പം നിന്നെങ്കിലും ആ ജയം തികച്ചും നിറംമങ്ങിയ ഒന്നായി മാറുകയായിരുന്നു. എൻഡിഎയുടെ വിജയത്തോടൊപ്പം ഇന്ത്യാ മുന്നണിയുടെ മുന്നേറ്റവും രാജ്യം ആഘോഷിച്ചു. ഇത്തരത്തിൽ വികസനം മുതൽ വിദ്വേഷം വരെ വിളമ്പിയ തിരഞ്ഞെടുപ്പിന്റെ ഓരോ ഘട്ടവും എങ്ങനെയൊക്കെയാണ് വോട്ടർമാരെ സ്വാധീനിച്ചത്? വിവിധ ഘട്ടങ്ങളിൽ ഉയർന്നു വന്ന പ്രചാരണവിഷയങ്ങൾ മുന്നണികളുടെ ജയപരാജയങ്ങളെ സ്വാധീനിച്ചിട്ടുണ്ടോ? ഏതെല്ലാം ഘട്ടങ്ങളാണ് എൻഡിഎയെ പിന്തുണച്ചത്? ഇന്ത്യാസഖ്യം നേട്ടമുണ്ടാക്കിയത് എവിടെയൊക്കെ? തിരഞ്ഞെടുപ്പിന്റെ ഒരോ ഘട്ടങ്ങളിലെയും മുന്നണികളുടെ പ്രകടനം എങ്ങനെയായിരുന്നു? വിശദമായറിയാം ഗ്രാഫിക്സ് പിന്തുണയോടെ.
അനുകൂല മദ്യനയം രൂപീകരിക്കുന്നതിനായി ബാർ ഉടമകൾ രണ്ടര ലക്ഷം രൂപ വീതം നൽകണമെന്നാവശ്യപ്പെട്ടുള്ള ബാറുടമാ സംഘടനാ നേതാവിന്റെ ശബ്ദ സന്ദേശം പുറത്തു വന്നപ്പോൾ സിപിഎം സംസ്ഥാന സെക്രട്ടറി എം.വി. ഗോവിന്ദൻ അതിനൊരു പുതിയ വ്യാഖ്യാനം കണ്ടെത്തി. രണ്ടാം പിണറായി സർക്കാരിനെ പിടിച്ചുലച്ച വിവാദത്തെക്കുറിച്ച് ഗോവിന്ദൻ പറഞ്ഞത് ‘‘തിരഞ്ഞെടുപ്പ് കഴിഞ്ഞ് മാധ്യമങ്ങൾ ആകെ ‘ഡ്രൈ’ ആണ്. അതൊഴിവാക്കാനാണ് ഇത്തരം വാർത്തകൾ നൽകുന്നത്’’ എന്നാണ്. ബാർ കോഴ വിവാദം അവിടെ നിൽക്കട്ടെ. മാധ്യമങ്ങൾ ‘ഡ്രൈ’ ആണെന്നു കണ്ടാകണം, കൊല്ലത്ത് സിപിഎം ജില്ലാ സെക്രട്ടറി എസ്. സുദേവന്റെ പ്രസ്താവന ഇക്കഴിഞ്ഞ ദിവസം പൊട്ടി വീണു. ഇപ്പോഴെന്താണ് പ്രകോപനം എന്നു മാധ്യമങ്ങൾ തല പുകഞ്ഞാലോചിച്ചിട്ടും പിടി കിട്ടിയില്ല. ആർഎസ്പി നേതാവും നിലവിലെ കൊല്ലം എംപിയുമായ എൻ.കെ.പ്രേമചന്ദ്രനെ ചുറ്റിപ്പറ്റിയായിരുന്നു സുദേവന്റെ പ്രസ്താവന. ലോക്സഭാ തിരഞ്ഞെടുപ്പിന്റെ വോട്ടെടുപ്പ് കഴിഞ്ഞ്, വോട്ടെണ്ണാൻ ഇനി നാളുകൾ മാത്രം ബാക്കി നിൽക്കെ, സിപിഎം സംസ്ഥാന കമ്മിറ്റിയംഗം കൂടിയായ സുദേവൻ ഇത്തരമൊരു പ്രസ്താവന ഇറക്കണമെങ്കിൽ അതിനു പിന്നിൽ
പത്തനംതിട്ട കോന്നി ആനത്താവളത്തിൽ രാവിലെ സന്ദർശകരെത്തും മുൻപ് അത് കൊച്ചയ്യപ്പന്റെ ലോകമാണ്. ആനത്താവളത്തിലെ വിഐപിയാണവൻ. മറ്റ് നാല് ആനകൾ കൂടിയുണ്ടെങ്കിലും ഇപ്പോഴും താരം കൊച്ചയ്യപ്പൻതന്നെ. മൂന്നര വയസ്സേയുള്ളൂ ഇവന്. ആന ‘കുട്ടി’യാണെങ്കിലും രാവിലെ ചെയ്യേണ്ട കസർത്തിൽ കുട്ടിക്കുറുമ്പനും ഇളവില്ല. പരിപാലകരായ എൻ.ഷംസുദ്ദീനും അനിൽകുമാറിനുമൊപ്പം ആനത്താവളത്തിലെ എല്ലാ വഴികളിലൂടെയും 12 തവണ രാവിലെ തന്നെ നടക്കണം. മുന്നോട്ടും പിന്നിലേക്കും നടക്കാനും, കാലുയർത്താനും, സല്യൂട്ട് ചെയ്യാനുമൊക്കെയുള്ള കമാൻഡുകൾ കൊച്ചയ്യപ്പൻ പഠിച്ചു കഴിഞ്ഞു. ഇടയ്ക്ക് പാപ്പാന്റെ കയ്യിലെ വടിയെടുക്കാനും ചങ്ങലയിൽ തുമ്പിക്കൈ ചുറ്റാനും ശ്രമിക്കും. ‘അരുതാനേ’യെന്നുള്ള ഷംസുദ്ദീന്റെ വിളിയിൽ കൊച്ചയ്യപ്പൻ കുറുമ്പുകൾ നിർത്തും. പടികൾ കയറാൻ പരിശീലനം ഇപ്പോഴും കൊടുക്കുന്നുണ്ട്. ആറു മാസം പ്രായത്തിൽ അവശനായി
ഇന്തൊനീഷ്യ, സിംഗപ്പൂർ, ദുബായ് എന്നീ രാജ്യങ്ങളിലെ സന്ദർശനം പറഞ്ഞു കേട്ടതിലും നേരത്തേ മതിയാക്കി മുഖ്യമന്ത്രി പിണറായി വിജയൻ തലസ്ഥാനത്തെത്തി. തൊട്ടടുത്ത ദിവസം മുഖ്യമന്ത്രിയുടെ അധ്യക്ഷതയിൽ ചേർന്ന പ്രത്യേക മന്ത്രിസഭാ യോഗം സുപ്രധാനമായ 2 ഓർഡിനൻസുകൾക്ക് അംഗീകാരം നൽകി. 1994ലെ കേരള പഞ്ചായത്തീരാജ്, കേരള മുനിസിപ്പാലിറ്റി നിയമങ്ങളിൽ ഭേദഗതി വരുത്തുന്നതിനാണ് ഈ 2 ഓർഡിനൻസുകൾ. ഇതോടെ, കേരളത്തിലെ തദ്ദേശ സ്ഥാപനങ്ങളിലെ വാർഡുകൾ 2011ലെ ജനസംഖ്യയ്ക്കനുസരിച്ച് പുനർ നിർണയിക്കും. ഒരു വർഷത്തിനകം ഈ നടപടികൾ പൂർത്തിയാകും. ലോക്സഭാ തിരഞ്ഞെടുപ്പിനു പിന്നാലെ അടുത്ത വർഷം അതായത് 2025 ഡിസംബറിൽ
45 ദിവസം, ഏഴു ഘട്ടം, 543 മണ്ഡലങ്ങൾ, 260 പാർട്ടികൾ, 10 ലക്ഷത്തോളം പോളിങ് സ്റ്റേഷനുകൾ, 96.8 കോടി വോട്ടർമാർ– കന്യാകുമാരി മുതൽ കശ്മീർ വരെ പടർന്നു കിടക്കുന്ന, ജനസംഖ്യയിൽ 140 കോടിയും കടന്ന് ലോകത്തെ ഒന്നാം നമ്പർ രാജ്യമായ ഇന്ത്യയിലെ തിരഞ്ഞെടുപ്പിനെ കുറിച്ചു പറയുമ്പോൾ ഇതൊന്നും വലിയ സംഖ്യകളേയല്ല. ലോകത്തെ ഏറ്റവും വലിയ ജനാധിപത്യ രാജ്യം അതിന്റെ ഏറ്റവും വലിയ മഹോത്സവം കൊണ്ടാടുകയാണ്. പതിനെട്ടാം ലോക്സഭാ തിരഞ്ഞെടുപ്പ്. ഉത്സവം കെങ്കേമമാക്കാൻ പണം ഒഴുക്കുന്നത് സ്വഭാവികം. എന്നാൽ ലോകം ഇതുവരെ കണ്ടതിൽ വച്ച് ഏറ്റവും വിലയേറിയ, ചെലവേറിയ തിരഞ്ഞെടുപ്പായി 2024ലെ പൊതു തിരഞ്ഞെടുപ്പ് മാറിയിരിക്കുന്നു. വികസിത രാജ്യങ്ങളുടെ പോലും തിരഞ്ഞെടുപ്പു ബജറ്റിനെ മറികടന്നാണ് ഇന്ത്യയിലെ ചെലവ് കുതിച്ചു കയറിയത്. ലോകറെക്കോർഡെന്നുതന്നെ പറയാം. 2019ലെ ലോക്സഭാ തിരഞ്ഞെടുപ്പ് നടത്തിപ്പിന് 60,000 കോടിയാണ് ചെലവായിരുന്നതെങ്കിൽ ഇത്തവണ അത് 1.20 ലക്ഷം കോടിയിലധികം രൂപയാകുമെന്നാണ് ഡൽഹി ആസ്ഥാനമായി പ്രവർത്തിക്കുന്ന സെന്റർ ഫോർ മീഡിയ സ്റ്റഡീസ് കണക്കാക്കുന്നത്. ഇത്രയേറെ പണം ചെലവാക്കാൻ തക്ക ധനികരാണോ നമ്മുടെ രാഷ്ട്രീയക്കാർ? അവിടെയുമുണ്ട് വൈരുധ്യങ്ങളേറെ.
വലുതാകുമ്പോൾ ആരാകണം? കുട്ടികളോടുള്ള ചോദ്യമാണെങ്കിലും ഇതിന്റെ ഉത്തരത്തിന്റെ വലിയ പങ്കും മാതാപിതാക്കളുടെ കയ്യിലാണ്. കുട്ടിയെ ‘ആരാക്കണം’ എന്നതിന്റെ അടിത്തറ ഇടുന്നത് മാതാപിതാക്കൾ തന്നെയാണ്. കാലം എത്ര മാറിയാലും സ്വന്തം മക്കൾക്ക് സ്ഥിരതയുള്ള ഒരു തൊഴിൽ മേഖലയായി മിക്ക മാതാപിതാക്കളും തിരഞ്ഞെടുക്കുന്നത് മെഡിസിനും എൻജിനീയറിങ്ങും ഒക്കെ തന്നെയാണ്. പാലായിലെ മരിയൻ മെഡിക്കൽ സെന്ററിലെ ലാപ്രോസ്കോപ്പിക് സർജൻ ഡോ.ജികുപാൽ എം. തോമസ് മൂന്ന് കുട്ടികളുടെ അച്ഛനാണ്. എന്നാൽ തന്റെ മക്കൾ ഡോക്ടറാകാൻ പഠിക്കണ്ട, ക്രിക്കറ്റ് കളിക്കാ‍ൻ പഠിച്ചാൽ മതി എന്നതാണ് ഈ അച്ഛന്റെ ആഗ്രഹം. വെറുതെ ആഗ്രഹം മാത്രമല്ല, സ്വന്തം വീട്ടിൽ സ്വന്തം ചെലവിൽ മക്കൾക്കു വേണ്ടി ഒരു ടർഫും അവർക്ക് വർക്കൗട്ട് ചെയ്യാനുള്ള ഉപകരണങ്ങളും സൗകര്യങ്ങളും ഒരുക്കുകയും ചെയ്തു. അങ്ങനെ ആ മൂന്നു മക്കളും കളിച്ചു പഠിച്ചു. അങ്ങനെ ഇത്തവണത്തെ അണ്ടർ 14 സ്റ്റേറ്റ് ക്രിക്കറ്റ് ടീമിലേക്ക് തിരഞ്ഞെടുക്കപ്പെട്ടവരിലൊരാൾ ജികുപാലിന്റെ മൂത്ത മകനാണ്; ജൊഹാൻ എം.ജികുപാൽ. കുട്ടികൾക്ക് അമിതവും അനാവശ്യവുമായി പഠന സമ്മർദം കൊടുക്കുന്ന മാതാപിതാക്കളുടെ ഇടയിൽ വ്യത്യസ്തനാവുകയാണ് ഈ ഡോക്ടർ. എന്തുകൊണ്ട് ക്രിക്കറ്റ് പോലെ ലക്ഷത്തിലൊരാൾക്ക് മാത്രം സാധ്യമായ ഒരു സ്വപ്നം പിന്തുടരാൻ മക്കൾക്ക് അവസരം ഒരുക്കി? ഡോക്ടർ പോലെ സ്ഥിരതയുള്ള ഒരു ജോലിക്ക് മക്കളെ നിർബന്ധിക്കാമായിരുന്നിട്ടും ആ വഴി വേണ്ട എന്ന തീരുമാനത്തിനു പ്രേരിപ്പിച്ചത് എന്താണ്? ഡോ.ജികുപാൽ മനോരമ ഓൺലൈൻ പ്രീമിയത്തിൽ മനസ്സു തുറക്കുന്നു.
തിരുവനന്തപുരം ആക്കുളത്തെ ഫ്ലാറ്റിൽ എൽഡിഎഫ് കൺവീനറും സിപിഎം കേന്ദ്ര കമ്മിറ്റിയംഗവുമായ ഇ.പി. ജയരാജൻ, കേരളത്തിന്റെ ചുമതലയുള്ള ബിജെപി നേതാവ് പ്രകാശ് ജാവഡേക്കറുമായി ചർച്ച നടത്തിയെന്ന ‘ബോംബ്’ പൊട്ടാൻ ഇത്രയും വൈകിയത് എന്താണ്...? ബിജെപി സംസ്ഥാന വൈസ് പ്രസിഡന്റും ആലപ്പുഴയിലെ പാർട്ടി സ്ഥാനാർഥിയുമായ ശോഭ സുരേന്ദ്രൻ പറഞ്ഞതു ശരിയാണെങ്കിൽ, അന്ന് ഡൽഹിയിലെ ഹോട്ടൽ ലളിതിൽ വച്ച് ദല്ലാൾ നന്ദകുമാറിനൊപ്പം ഇ.പി. ജയരാജൻ ശോഭ സുരേന്ദ്രനെ കാണുമ്പോൾ ജയരാജന്റെ ഫോണിലേക്ക് വന്ന ആ കോൾ ആരുടേതാണ്...? കൊല്ലത്തെ ആർഎസ്പി സ്ഥാനാർഥി എൻ.കെ. പ്രേമചന്ദ്രൻ ആരോപിച്ചതു പോലെ, ആർഎസ്എസുമായി വളരെ അടുപ്പമുള്ള കേന്ദ്രമന്ത്രി നിതിൻ ഗഡ്കരി കോവളത്ത് സ്വകാര്യ സന്ദർശനത്തിനു വന്നപ്പോൾ മുഖ്യമന്ത്രി പിണറായി വിജയൻ അതറിഞ്ഞ് അദ്ദേഹത്തെ ക്ലിഫ് ഹൗസിലേക്ക് ക്ഷണിച്ചു വിരുന്നു നൽകിയത് എന്തിനായിരിക്കണം..? കേരള രാഷ്ട്രീയം മുൻപെങ്ങുമില്ലാത്ത വിധം ‘ആയാറാം ഗയാറാം’ രാഷ്ട്രീയത്തിലേക്കു നീങ്ങുന്നതിനു തെളിവുകളായി ഓരോ സംഭവങ്ങൾ പുറത്തുവരികയാണ്. കെ. കരുണാകരന്റെ മകൾ പത്മജ വേണുഗോപാൽ കോൺഗ്രസ് വിട്ട് ബിജെപിയിലേക്ക് ചേക്കേറിയപ്പോൾ, കോൺഗ്രസുകാരെ വിശ്വസിക്കാൻ പറ്റില്ലെന്നും നാളെ അവർ ബിജെപിയാകുമെന്നും ലോക്സഭാ തിരഞ്ഞെടുപ്പിൽ ഉടനീളം പ്രചരിപ്പിച്ച സിപിഎമ്മിനേറ്റ കനത്ത ആഘാതമായി ഇ.പി ജയരാജൻ വിവാദം. ശോഭയ്ക്കും ദല്ലാൾ നന്ദകുമാറിനുമെതിരെ നിയമ നടപടികളുമായി മുന്നോട്ടു പോകാൻ സിപിഎം സംസ്ഥാന സെക്രട്ടേറിയറ്റ് ഇ.പി. ജയരാജന് അനുവാദം നൽകിയിരിക്കുന്നു.
Results 1-10 of 19
