Activate your premium subscription today
ന്യൂഡൽഹി ∙ ദേശീയ പൊലീസ് അത്‌ലറ്റിക് മീറ്റിൽ രണ്ട് റെക്കോർഡുകളടക്കം 18 മെഡലുകളോടെ കേരള പൊലീസ് ടീം രണ്ടാം സ്ഥാനക്കാരായി. ഉത്തർപ്രദേശ് പൊലീസിനാണ് ഒന്നാം സ്ഥാനം. പുരുഷൻമാരുടെ 400 മീറ്റർ ഹർഡിൽസിൽ കെ.അർജുനും വനിതകളുടെ ഹൈജംപിൽ ആതിര സോമരാജുമാണ് മീറ്റ് റെക്കോർഡുകൾ നേടിയത്. 52.25 സെക്കൻഡിൽ ഫിനിഷ് ചെയ്താണ് അർജുൻ റെക്കോർഡിട്ടത്. 1.77 മീറ്റർ പ്രകടത്തോടെയാണ് ആതിര സോമരാജ് മീറ്റ് റെക്കോർഡിട്ടത്.
∙ ചാംപ്യൻഷിപ്പിന്റെ പോയിന്റ് പട്ടികയിലേക്കു നോക്കിയാൽ കൗതുകം തോന്നുന്ന ഒരു കാര്യം കാണാം. മലപ്പുറം ജില്ലയുടെ വിജയത്തിലേക്കു 16 സ്കൂളുകളാണു പോയിന്റ് സംഭാവന ചെയ്തിരിക്കുന്നത്. 80 പോയിന്റ് നേടിയ സ്കൂൾ മുതൽ ഒരു പോയിന്റ് നേടിയ സ്കൂൾവരെ ഇക്കൂട്ടത്തിലുണ്ട്. ഈ കൂട്ടായ്മ തന്നെയാണു മലപ്പുറം ടീമിന്റെ
തിരൂർ∙ റെയിൽവേ സ്റ്റേഷനിൽ ചരിത്രം ട്രെയിനിറങ്ങുമ്പോൾ സമയം ഇന്നലെ രാവിലെ എട്ട്. സംസ്ഥാന സ്കൂൾ അത്‌ലറ്റിക്സ് കിരീടവുമായി എറണാകുളം – പുണെ സൂപ്പർ ഫാസ്റ്റിൽനിന്നു വിദ്യാർഥികളുടെ ആദ്യ സംഘമിറങ്ങി. ചാംപ്യൻ സ്കൂൾ പട്ടത്തിൽ ഹാട്രിക്കടിച്ച കടകശ്ശേരി ഐഡിയൽ സ്കൂളിലെയും മൂന്നാം സ്ഥാനം നേടിയ തിരുനാവായ നവാമുകുന്ദ
കായികപ്രതിഭകളുടെ അക്ഷയഖനിയാണു കേരളമെന്നത് ഒരിക്കൽകൂടി തെളിയിക്കുന്ന സംസ്ഥാന സ്കൂൾ കായികമേളയ്ക്കാണ് കൊച്ചിയിൽ കൊടിയിറങ്ങിയത്. പ്രതീക്ഷകൾക്കു സ്വർണനിറം പകരുന്ന മത്സരഫലങ്ങൾ, പ്രകടനങ്ങൾ. പക്ഷേ, മേള അവസാനിക്കുമ്പോൾ എന്റെ മനസ്സിൽ ആശങ്കകളും ശേഷിക്കുന്നു.
കൊച്ചി ∙ മഹാരാജാസ് കോളജിലെ ട്രാക്കിൽ നിന്ന് നാലാം സ്വർണം ഓടിയെടുത്തതിനു ശേഷം തുന്നൽവിട്ടു തുടങ്ങിയ തന്റെ സ്പൈക്കിലേക്ക് നോക്കി എം.ജ്യോതിക ഉയർത്തിയ ചോദ്യം കേരളത്തിന്റെ വിദ്യാഭ്യാസ വകുപ്പിനോടാണ്. സംസ്ഥാന സ്കൂൾ കായികമേളയിൽ ഇതുവരെ 10 സ്വർണവും ദേശീയ മീറ്റിൽ 2 സ്വർണവും നേടിയ ജ്യോതികയ്ക്ക് സമ്മാനത്തുകയായി സർക്കാർ നൽകാനുള്ളത് അര ലക്ഷം രൂപ! ‘ആ പണം കിട്ടിയാൽ പുതിയൊരു സ്പൈക് വാങ്ങാം. വരുന്ന ദേശീയ മീറ്റിൽ കൂടുതൽ മെഡലുകൾ ഓടിപ്പിടിക്കാം– തന്റെ കഴിവിലും കഠിനാധ്വാനത്തിലുമുള്ള ആത്മവിശ്വാസത്തിന്റെ തെളിച്ചത്തിൽ പാലക്കാട് പറളി സ്കൂളിലെ പ്ലസ്ടു വിദ്യാർഥിനിയായ ജ്യോതിക പറയുന്നു.
തിരുവനന്തപുരം ∙ സംസ്ഥാന സ്കൂൾ കായികമേള അലങ്കോലപ്പെടുത്താൻ ആസൂത്രിത നീക്കം നടന്നുവെന്ന് മന്ത്രി വി.ശിവൻകുട്ടി ആരോപിച്ചു. മികച്ച സംഘാടനമായിരുന്നു ഒളിംപിക്സ് മാതൃകയിൽ സംഘടിപ്പിച്ച കായിക മേളയുടേത്. പരാതി ഉന്നയിച്ച സ്കൂളുകളോട് ഗൗരവമായി വിഷയം പരിശോധിക്കുമെന്ന് വ്യക്തമാക്കിയതാണ്. എന്നിട്ടും സമാപന സമ്മേളനം അലങ്കോലമാക്കാൻ മുന്നിട്ടു നിന്നത് അധ്യാപകരാണ്. വിദ്യാഭ്യാസ വകുപ്പ് ഇത് ഗൗരവത്തോടെ കാണുമെന്നും മന്ത്രി അറിയിച്ചു.
മലപ്പുറം ∙ സംസ്ഥാന സ്കൂൾ അത്‌ലറ്റിക്സ് ചാംപ്യൻപട്ടത്തിന് ജനറൽ സ്കൂളുകൾക്കൊപ്പം സ്പോർട്സ് ഡിവിഷൻ സ്കൂളുകളെയും പരിഗണിച്ചതിനെതിരെ നിയമനടപടിയുമായി മുന്നോട്ടുപോകുമെന്ന് തിരുനാവായ നവാമുകുന്ദ ഹയർസെക്കൻഡറി സ്കൂൾ അധികൃതർ അറിയിച്ചു.
കൊച്ചി ∙ ഒളിംപിക്സ് മാതൃകയിൽ നടത്തിയ സംസ്ഥാനത്തെ ആദ്യ സ്കൂൾ കായികമേളയിൽ തിരുവനന്തപുരത്തിന് ഓവറോൾ കിരീടം. അത്‌ലറ്റിക്സ്, അക്വാറ്റിക്സ്, ഗെയിംസ് എന്നിങ്ങനെ 3 വിഭാഗങ്ങളിലായി മത്സരം നടന്ന മേളയിൽ 227 സ്വർണവും 150 വെള്ളിയും 164 വെങ്കലവും സഹിതം 1935 പോയിന്റുമായാണ് തിരുവനന്തപുരം ചാംപ്യന്മാരായത്. 80 സ്വർണമടക്കം 848 പോയിന്റുമായി തൃശൂർ റണ്ണറപ്പായി. 64 സ്വർണമടക്കം 824 പോയിന്റുമായി മലപ്പുറം മൂന്നാമതെത്തി. രണ്ടാമതുള്ള തൃശൂരിനേക്കാൾ 1087 പോയിന്റിന്റെ വൻ ലീഡ് നേടിയാണ് തിരുവനന്തപുരത്തിന്റെ കിരീടക്കുതിപ്പ്. ഗെയിംസ്, അക്വാറ്റിക്സ് വിഭാഗങ്ങളിൽ തിരുവനന്തപുരവും അത്‌ലറ്റിക്സിൽ മലപ്പുറവും ജേതാക്കളായി.
കൊച്ചി ∙ അടുത്ത വർഷത്തെ സംസ്ഥാന സ്കൂൾ കായികമേളയ്ക്ക് തിരുവനന്തപുരം വേദിയാകും. തിരുവനന്തപുരത്തിനു വേണ്ടി മേയർ ആര്യ രാജേന്ദ്രൻ മന്ത്രി വി.ശിവൻകുട്ടിയിൽ നിന്നു പതാക ഏറ്റുവാങ്ങി. അത്‌ലറ്റിക്സ്, ഗെയിംസ് ഇനങ്ങൾ ഒരുമിച്ച് ഒളിംപിക്സ് മാതൃകയിൽ തന്നെ അടുത്ത വർഷവും മേള നടത്താനാണ് തീരുമാനം. അതിനുള്ള സൗകര്യം കൂടി പരിഗണിച്ചാണ് തിരുവനന്തപുരം വേദിയായി തീരുമാനിച്ചത്. മുഖ്യമന്ത്രിയുമായി ചർച്ച ചെയ്ത് അന്തിമ തീരുമാനമെടുക്കുമെന്നു മന്ത്രി വി.ശിവൻകുട്ടി അറിയിച്ചു.
Results 1-10 of 643
