വംശനാശ ഭീഷണി നേരിടുന്ന ജീവികളിൽ ഒന്നാണ് സുമാത്രൻ ഒറാങ് ഉട്ടാൻ. 1.5 മീറ്റർ വരെ ഇവയ്ക്കു നീളം ഉണ്ടാകും. ആൺ കുരങ്ങുകൾക്ക് ഏകദേശം 90 കിലോഗ്രാം വരെ ഭാരം ഉണ്ട്. ഇവ സുമാത്രയുടെ വടക്ക് ഭാഗങ്ങളിലെ മഴക്കാടുകളിൽ മാത്രമാണ് കാണപ്പെടുന്നത്. ഒറാങ് ഉട്ടാൻ ജനുസ്സിൽ വംശനാശ ഭീഷണി നേരിടുന്ന ബോർണിയൻ ഒറാങ് ഉട്ടാൻ സുമാത്രൻ ഒറാങ് ഉട്ടാൻ എന്നീ രണ്ടിനങ്ങൾ മാത്രമാണ് ഇനി അവശേഷിക്കുന്നത്.
