Activate your premium subscription today
അങ്കമാലി ∙ കാപ്പ ചുമത്തിയതിനെ തുടർന്ന് ഒളിവിലായിരുന്ന കറുകുറ്റി കൊവേന്ത പടയാട്ടി സിജോയെ (36) പൊലീസ് പിടികൂടി. ഒട്ടേറെ കേസുകളിൽ ഉൾപ്പെട്ട സിജോയെ കറുകുറ്റിയിലെ ബാറിൽ വച്ച് പിടികൂടാൻ ശ്രമിച്ചപ്പോൾ പൊലീസിനെ ആക്രമിച്ചു രക്ഷപ്പെടാൻ ശ്രമിച്ചു. ആക്രമണത്തിൽ രണ്ടു പൊലീസ് ഉദ്യോഗസ്ഥർക്കു പരുക്കേറ്റു.
കാക്കനാട്∙ കാപ്പ ചുമത്തി നാടു കടത്തിയ ഗുണ്ടകൾക്കുമേൽ പ്രത്യേക നിരീക്ഷണവുമായി പൊലീസ്. ഇവരിൽ പലരും നാടു കടത്തപ്പെട്ട ഇടങ്ങളിൽ കുറ്റകൃത്യങ്ങളിൽ ഏർപ്പെടുന്നുവെന്ന രഹസ്യാന്വേഷണ വിഭാഗത്തിന്റെ റിപ്പോർട്ടിനെ തുടർന്നാണു നിരീക്ഷണം ശക്തമാക്കുന്നത്. തൃശൂർ ജില്ലയിൽ നിന്ന് കാപ്പ ചുമത്തി നാടു കടത്തിയ മാടപ്രാവ് എന്ന് വിളിക്കുന്ന കല്ലൂർ തയ്യിൽ അനൂപ് (37) എറണാകുളത്ത് ലഹരി ഇടപാട് ശൃംഖല രൂപീകരിച്ചതായി പൊലീസ് കണ്ടെത്തിയിരുന്നു. അനൂപിനെ കഴിഞ്ഞ ദിവസം കാക്കനാട്ടു നിന്നു പിടികൂടുകയും ചെയ്തു. സ്ഥിരം കുറ്റവാളിയെന്ന കാരണത്താൽ കാപ്പ ചുമത്തി എറണാകുളം ജില്ലയിൽ നിന്നു നാടു കടത്തിയ മറ്റൊരു ഗുണ്ട രഹസ്യമായി എറണാകുളത്തു തിരിച്ചെത്തി സംഘം വിപുലീകരിച്ചത് മൂന്നു മാസം മുൻപ് കണ്ടെത്തിയിരുന്നു.
കോട്ടയം ∙ ഒട്ടേറെ ക്രിമിനൽ കേസുകളിൽ ഉൾപ്പെട്ട രണ്ട് യുവാക്കളെ കാപ്പ നിയമപ്രകാരം ജില്ലയിൽ നിന്നു ഒരുവർഷത്തേക്കു പുറത്താക്കി. വൈക്കം വെള്ളൂർ വടകര കടവത്തുകുഴിയിൽ അജയ് സജികുമാർ (25), ആർപ്പൂക്കര വില്ലുന്നി ഭാഗത്ത് തോപ്പിൽ ഹരിക്കുട്ടൻ (24) എന്നിവരെയാണ് നാടുകടത്തിയത്. ജില്ലാ പൊലീസ് മേധാവി ഷാഹുൽ ഹമീദിന്റെ
ചിറ്റാരിപ്പറമ്പ് ∙ പ്രവാസിയിൽനിന്നു 10 ലക്ഷം രൂപയുടെ സ്വർണം തട്ടിയെടുത്തെന്ന പരാതിയിൽ 2 പേർക്കെതിരെ കേസ്.ഗൾഫിൽനിന്നു കൊടുത്തയച്ച 10 ലക്ഷത്തോളം രൂപയുടെ സ്വർണം തട്ടിയെടുത്തെന്ന, മലപ്പുറം തിരൂരങ്ങാടി സ്വദേശി അബ്ദുൽ റഷീദിന്റെ പരാതിയിലാണ് കണ്ണവം പൊലീസ് പരശൂരിലെ സുബീഷ്, ചുണ്ടയിലെ അമൽരാജ് എന്നിവർക്കെതിരെ
പത്തനംതിട്ട∙ ബിജെപി വിട്ട് രണ്ടു മാസം മുൻപ് സിപിഎമ്മിൽ ചേർന്ന കാപ്പാ കേസ് പ്രതി ശരൺ ചന്ദ്രനെ മലയാലപ്പുഴ ഡിവൈഎഫ്ഐ മേഖലാ വൈസ് പ്രസിഡന്റായി തിരഞ്ഞെടുത്തു. ഇന്നലെ ചേർന്ന കൺവെൻഷനിലാണ് തീരുമാനം. ഡിവൈഎഫ്ഐ പ്രവർത്തകന്റെ തല അടിച്ചു തകർത്ത സംഭവത്തിൽ പ്രതിയായ ഇയാൾ സിപിഎമ്മിൽ ചേരുന്നതിന് മുൻപും ഡിവൈഎഫ്ഐ-എസ്എഫ്ഐ പ്രവർത്തകരെയും ആക്രമിച്ച കേസുകളിൽ പ്രതിയാണ്.
വൈപ്പിൻ∙ കൊലപാതകക്കേസിലെ പ്രതിയെ കാപ്പ ചുമത്തി ജയിലിലടച്ചു.ഞാറയ്ക്കൽ എടവനക്കാട് ഇല്ലത്തുപടി പാലക്കൽ വീട്ടിൽ ജിത്തുസിനെയാണ് (24) കാപ്പ ചുമത്തി വിയ്യൂർ സെൻട്രൽ ജയിലിലടച്ചത്. 2018 ഡിസംബറിൽ കുഴുപ്പിള്ളി ബീച്ചിൽ ഗജേന്ദ്രകുമാർ എന്നയാളെ കൊലപ്പെടുത്തിയ കേസിലെ മൂന്നാം പ്രതിയാണ്. മുനമ്പം ഞാറയ്ക്കൽ പൊലീസ്
താനൂർ ∙ ഒട്ടേറെ കേസുകളിൽ പ്രതിയായ ഒസാൻ കടപ്പുറം ചെറിയ മൊയ്തീൻകാനകത്ത് വീട്ടിൽ മുഹമ്മദ് റാഫിയെ (റാഫി തങ്ങൾ 27) കാപ്പ നിയമപ്രകാരം അറസ്റ്റ് ചെയ്തു. ജില്ലാ പൊലീസ് മേധാവി എസ്. ശശിധരൻന്റെ റിപ്പോർട്ട് പ്രകാരം ജില്ലാ കലക്ടർ വി.ആർ.വിനോദാണ് ഉത്തരവിറക്കിയത്. കുട്ടികൾക്കെതിരെ ലൈംഗിക പീഡനം നടത്തുക, പൊലീസ് വോളന്റിയർ, സ്‌ക്വാഡ് പേരിൽ ആൾമാറാട്ടം നടത്തി പണം കൈക്കലാക്കുക, തങ്ങൾ ചമഞ്ഞു ചികിത്സയുടെ പേരിൽ സ്വർണം തട്ടിയെടുക്കൽ മുതലായ കുറ്റകൃത്യങ്ങളിലാണ് അറസ്റ്റ്. താനൂർ, തിരൂരങ്ങാടി, അരീക്കോട്, വളാഞ്ചേരി സ്റ്റേഷനുകളിൽ ഇയാളുടെ പേരിൽ കേസുള്ളതായി പൊലീസ് പറഞ്ഞു.
കല്‍പ്പറ്റ∙ കാപ്പ കേസ് പ്രതി കഞ്ചാവുമായി പിടിയിൽ. ലക്കിടി തളിപ്പുഴ രായിന്‍ മരക്കാര്‍ വീട്ടില്‍ ആര്‍.ഷാനിബിനെ (26) ആണ് ശനിയാഴ്ച വൈകിട്ട് കല്‍പ്പറ്റ ബൈപാസ് റോഡില്‍ വച്ച് 150 ഗ്രാം കഞ്ചാവുമായി കല്‍പ്പറ്റ എസ്ഐ ടി.അനീഷിന്റെ നേതൃത്വത്തിൽ പിടികൂടിയത്. സിവിൽ പൊലീസ് ഉദ്യോഗസ്ഥരായ ദിലീപ്, അഭിജിത്ത് എന്നിവരാണ് പൊലീസ് സംഘത്തിലുണ്ടായിരുന്നത്.
തിരൂർ ∙ മയക്കുമരുന്ന് കടത്ത്- അടിപിടി കേസ്സുകളിലെ പ്രതിയായ തിരൂർ ബിപി അങ്ങാടി സ്വദേശി പൂക്കയിൽ വീട്ടിൽ ഷെബിൻ (25)നെ കാപ്പ ചുമത്തി നാടുകടത്തി. വയനാട്, മലപ്പുറം ജില്ലകളിൽ എംഡിഎംഎ വിൽപനക്കായി കൈവശം വെച്ച കുറ്റകൃത്യങ്ങളിൽ ഷെബിൻ ഉൾപ്പെട്ടിട്ടുണ്ട് .അവസാനമായി എംഡിഎംഎയുമായി തിരൂർ പൊലീസ് പിടിയിലായ ഷെബിൻ രണ്ട് മാസം മുമ്പാ‍ണ് ജയിലിൽ നിന്നും ഇറങ്ങിയത്. മലപ്പുറം ജില്ലാ പൊലിസ് മേധാവി ശശിധരന്റെ റിപ്പോർട്ട് പ്രകാരം തൃശൂർ റേഞ്ച് ഡിഐജി എസ്.അജിതാ ബീഗം ആണ് ഉത്തരവിറക്കിയത്. ആറു മാസത്തേക്കാണ് മലപ്പുറം ജില്ലയിൽ പ്രവേശന വിലക്കേർപ്പെടുത്തിയിട്ടുള്ളത്. ഈ കാലയളവിൽ വിലക്ക് ലംഘിച്ച് ജില്ലയിലേക്ക് പ്രവേശിച്ചാൽ അറസ്റ്റ് നടപടികൾ സ്വീകരിക്കുന്നതും, മൂന്ന് വർഷം വരെ തടവ് ശിക്ഷ ലഭിക്കാവുന്ന കുറ്റവുമാണ്.
വൈപ്പിൻ∙ സ്ഥിരം കുറ്റവാളികളായ അച്ഛനും മകനും എതിരെ കാപ്പ നടപടി. ഞാറയ്ക്കൽ പെരുമ്പിള്ളി കാരോളിൽ വിനോദ് (52), മകൻ വിജിത്ത് (25) എന്നിവർക്കെതിരെയാണ് നടപടി സ്വീകരിച്ചത്. വിനോദിനെ 6 മാസത്തേക്ക് ജില്ലയിൽ നിന്ന് നാടുകടത്തി. വിജിത്ത് ഒരു വർഷത്തേക്ക് എല്ലാ ഞായറാഴ്ചയും മുനമ്പം ഡിവൈഎസ്പി മുൻപാകെ ഹാജരായി
Results 1-10 of 104
