Iran Israel Tension

ADVERTISEMENT

ഇസ്രയേലിനൊപ്പം നിന്ന് യുഎസ് ആക്രമിച്ചാൽ മഹായുദ്ധമെന്ന് ഇറാൻ: പ്ലാന്റുകളിൽ മൊസാദിന്റെ ബോംബ്: ആണവ ഭീതിക്കു പിന്നിലെന്ത്?

ഇറാന്റെ ആണവ കേന്ദ്രങ്ങള്‍ക്കു നേരെ യുഎസോ ഇസ്രയേലോ ഏതെങ്കിലും തരത്തിലുള്ള ആക്രമണം നടത്തിയാൽ അതു പിന്നീട് സമ്പൂർണ യുദ്ധത്തിലേക്കായിരിക്കും നയിക്കുകയെന്ന് ഇറാന്‍ വിദേശകാര്യമന്ത്രി അബ്ബാസ് അറാഘ്ഷി പറഞ്ഞതിന്റെ ചൂടാറിയിട്ടില്ല. അത്തരമൊരു ആക്രമണം യുഎസിന്റെ ഭാഗത്തുനിന്നുണ്ടായാൽ അത് അവരുടെ ഭാഗത്തുനിന്നുണ്ടാകുന്ന ഏറ്റവും വലിയ ചരിത്രപരമായ മണ്ടത്തരം കൂടിയാകും. അതിനോട് ഉടൻതന്നെ സർവസന്നാഹങ്ങളോടെയായിരിക്കും ഇറാൻ മറുപടി പറയുകയെന്ന് ഖത്തർ സന്ദർശനവേളയിലാണ് അബ്ബാസ് പറഞ്ഞത്. ഡോണൾഡ് ട്രംപിന്റെ വരവോടെ ഇറാനു മേലുള്ള ഉപരോധം യുഎസ് കൂടുതൽ ശക്തമാക്കുമെന്നാണ് നിരീക്ഷകർ പറയുന്നത്. അതിനിടെ ഇറാന്റെ ആണവനിലയങ്ങളെ ആക്രമിക്കാൻ ഇസ്രയേലിനെ സഹായിക്കുക കൂടി ചെയ്താൽ അടങ്ങിയിരിക്കില്ലെന്നാന്ന് മന്ത്രിയുടെ മുന്നറിയിപ്പ്. എന്തുകൊണ്ടാണ് ആണവനിലയം സംബന്ധിച്ച് ഇറാന് ഇത്രയേറെ ആശങ്ക. അതിന്റെ ഉത്തരത്തിന് ഏതാനും ആഴ്ചകള്‍ പിറകിലോട്ടു പോകണം. ആണവ പദ്ധതികൾക്കായി ഇറാൻ വാങ്ങിയ സെൻട്രിഫ്യൂജ് ഉപകരണങ്ങൾക്കുള്ളിൽ ഇസ്രയേലിന്റെ ചാരൻമാർ സ്ഫോടകവസ്തുക്കൾ സ്ഥാപിച്ച വാർത്ത വന്നത് 2024 ജനുവരിയിലാണ്. എന്നാൽ ഇത് മുൻകൂട്ടി കണ്ടെത്താൻ ഇറാനു സാധിച്ചുവെന്ന വെളിപ്പെടുത്തൽ നടത്തിയത് ഇറാൻ വൈസ് പ്രസിഡന്റ് മുഹമ്മദ് ജവാദ് സരീഫാണ്. ഇതിൽനിന്നുതന്നെ വ്യക്തം ഇറാനെതിരായ ഇസ്രയേലിന്റെ രഹസ്യനീക്കങ്ങൾ എത്രത്തോളം ശക്തമാണെന്നത്. ഇറാനും യുഎസ് ഉൾപ്പെടെയുള്ള രാജ്യങ്ങളും തമ്മില്‍ 2015ലെ ആണവ കരാറിന് സമ്മതിച്ചപ്പോൾ വിദേശകാര്യ മന്ത്രിയായിരുന്നു സരിഫ്. ഇറാന്റെ ആണവ നിലയങ്ങളിലെ നീക്കങ്ങളെല്ലാം ഓരോ നിമിഷവും ഇസ്രയേൽ
News +
ആണവകേന്ദ്രങ്ങളിൽ തൊട്ടാൽ നടക്കുക വൻയുദ്ധം: ഇസ്രയേലിന് താക്കീത് നൽകി ഇറാൻ

ആണവകേന്ദ്രങ്ങളിലേതിലെങ്കിലും ആക്രമണം നടത്താൻ തുനിഞ്ഞാൽ മറുപടി രൂക്ഷയുദ്ധമായിരിക്കുമെന്ന് ഇറാൻ. രാജ്യത്തിന്റെ വിദേശകാര്യമന്ത്രിയാണ് ഇസ്രയേലിനെയും യുഎസിനെയും ലക്ഷ്യം വച്ചു താക്കീത് പുറപ്പെടുവിച്ചത്. പുതുതായി സ്ഥാനമേറ്റെടുത്ത യുഎസ് പ്രസിഡന്റ് ഡോണൾഡ് ട്രംപ് ഇറാന്റെ ആണവകേന്ദ്രങ്ങളെ ആക്രമിക്കാൻ
Defence
വെടിനിർത്തൽ: ഇസ്രയേൽ മന്ത്രിസഭ അംഗീകരിച്ചു; ബന്ദിമോചനം നാളെ മുതൽ

ജറുസലം ∙ ലോകം പ്രതീക്ഷയോടെ കാത്തിരുന്ന ആ തീരുമാനത്തിലേക്ക് ഒടുവിൽ ഇസ്രയേൽ എത്തി – ഗാസയിലെ വെടിനിർത്തലിനും ബന്ദികളുടെ മോചനത്തിനുമുള്ള കരാർ ഇസ്രയേൽ സുരക്ഷാ കാബിനറ്റ് അംഗീകരിച്ചു. 15 മാസം നീണ്ട യുദ്ധത്തിനു വിരാമമിടാനുള്ള വ്യവസ്ഥകളാണ് അംഗീകരിച്ചത്. ഇതിനു പൂർണ മന്ത്രിസഭ അന്തിമ അംഗീകാരം നൽകും. കരാറിനു നാളെ മുതലാണു പ്രാബല്യം.
World
വെടിയൊച്ച നിലയ്ക്കാതെ ഗാസ; വെടിനിർത്തൽ പ്രഖ്യാപിച്ചതിനു ശേഷവും യുദ്ധം തുടർന്ന് ഇസ്രയേൽ, 45 മരണം

ജറുസലം ∙ വെടിനിർത്തൽ കരാർ പ്രഖ്യാപിച്ചതിനു ശേഷവും ഗാസയിൽ ആക്രമണം തുടർന്ന് ഇസ്രയേൽ. ഗാസ സിറ്റിയിൽ നടന്ന ആക്രമണത്തിൽ 45 പേരാണ് കൊല്ലപ്പെട്ടത്. വെടിനിർത്തൽ കരാർ പ്രഖ്യാപിച്ചു മണിക്കൂറുകൾക്കുള്ളിലായിരുന്നു ആക്രമണം. ശക്തമായ വ്യോമാക്രമണമാണ് ഗാസ സിറ്റിയിൽ നടന്നതെന്ന് സിഎൻഎൻ റിപ്പോർട്ട് ചെയ്തു. നിരവധി പേർക്ക് പരുക്കേറ്റിട്ടുണ്ട്. അതേസമയം വെടിനിർത്തൽ കരാറിനെ വിജയം എന്നാണ് ഇറാന്റെ റെവല്യൂഷണറി ഗാർഡ് വിശേഷിപ്പിച്ചത്. പലസ്തീൻ ജനത നടത്തിയ പ്രതിരോധത്തിന്റെ വിജയം എന്നാണ് ഇറാന്റെ ഔദ്യോഗിക പ്രതികരണം.
Latest News
വൻ ശക്തികളുടെ കിടമത്സരം: വിനാശകരമായ ലോകയുദ്ധത്തിലേക്കോ?, 2024ലെ സായുധപോരാട്ടങ്ങൾ

രക്തരൂക്ഷിതങ്ങളായ കലാപവും യുദ്ധവും ഏതൊരു രാജ്യത്തിന്റെയും പുരോഗതിയെ ബാധിക്കും. 2024ൽ ലോകം എഐ സാങ്കേതിക വിദ്യയുടെ അദ്ഭുത ലോകത്ത് അഭിരമിക്കുമ്പോഴും, പരസ്പരമുള്ള കൈയ്യേറ്റത്തിന്റെയും കീഴടക്കലിന്റെയും പിടിച്ചടക്കലിന്റെയും മാനസികാവസ്ഥയിൽനിന്നും മോചനം നേടാന്‍ കഴിഞ്ഞിട്ടില്ല. സാങ്കേതിക വിദ്യകളെയും ഇത്തരം
Defence
‘ഇസ്രയേലിനെയും ലക്ഷ്യമിടും’: എന്താണ് സിറിയയിൽ സംഭവിച്ചത്? ബഷാറിനെ ഓടിച്ച് അൽ- ഖായിദയുടെ പഴയ ‘സ്നേഹിതൻ’

സിറിയയിലെ വൻ നഗരമായ ആലപ്പോയിൽ വീണ്ടും തീമഴ പെയ്യാൻ തുടങ്ങിയത് ഏതാനും ദിവസം മുൻപാണ്. രാത്രി മുഴുവൻ റഷ്യൻ പോർവിമാനങ്ങളുടെ ഇരമ്പലും വൻ ബോംബ് സ്ഫോടനങ്ങളുടെ കാതടിപ്പിക്കുന്ന ശബ്ദവും. കുറച്ച് വർഷങ്ങളായി സമാധാനമെന്തെന്ന് പോലും അറിഞ്ഞിട്ടില്ലാത്ത സിറിയൻ ജനതയുടെ തലയ്ക്കു മുകളിലേക്ക് റഷ്യയും ഒപ്പം സർക്കാർ സൈന്യവും പോർവിമാനങ്ങളിൽനിന്ന് ബോംബിങ് തുടങ്ങിയപ്പോൾ തെരുവുകളും നഗരങ്ങളും രക്തക്കളമായി, തകർന്നടിഞ്ഞു. പക്ഷേ, റഷ്യയുടെയും ഇറാന്റെയും ലബനനിലെ ഹിസ്ബുല്ല ഗ്രൂപ്പിന്റെയും പിന്തുണയോടെ പ്രവർത്തിച്ചിരുന്ന ബഷാർ അൽ അസദ് ഭരണകൂടത്തിന്റെ പതനത്തിലേക്കായിരുന്നു ഈ ആക്രമണങ്ങളെല്ലാം നയിച്ചത്. ഹയാത്ത് തഹ്‌രീർ അൽ ശാം (എച്ച്ടിഎസ്) എന്ന വിമതസേന സിറിയൻ തലസ്ഥാനം ഡമാസ്‌കസ് പിടിച്ചെടുത്തിരിക്കുന്നു. ബഷാർ രാജ്യം വിട്ടതായാണു വിവരം. നവംബർ അവസാനവാരമായിരുന്നു ഇതിലേക്കു നയിച്ച സംഭവവികാസങ്ങളുടെ തുടക്കം. സിറിയൻ സർക്കാരിനെതിരെ വിമത സേന ഇതുവരെ നടത്തിയിട്ടുള്ളതിൽ ഏറ്റവും വലിയ ആക്രമണത്തിനാണ് 2024 നവംബർ 27ന് തുടക്കമിട്ടത്. ആലപ്പോ നഗരം പിടിച്ചെടുത്തവരെ
News +
ഇനി ഇസ്രയേലുമായി ഇറാന്റെ ‘സ്പേസ് വാർ’; ബഹിരാകാശം യുദ്ധക്കളമാകുമോ? റഷ്യയും കൂട്ടിന്; തലയ്ക്കു ‌മുകളിൽ 2 ചാര ഉപഗ്രഹങ്ങൾ?

സാങ്കേതികമായി ഏറെ മുന്നേറിയ ഇസ്രയേലിനെയും യുഎസിനെയും നേരിടാൻ ഇറാന് മുന്നിൽ ഇനി ഒരു വഴിയേ ഉള്ളൂ, റഷ്യ പോലുള്ള രാജ്യങ്ങളെ കൂട്ടുപിടിച്ച് ശക്തമായ മുന്നേറ്റം നടത്തുക. സ്വന്തമായി ചെയ്യാൻ കഴിയാത്ത കാര്യങ്ങളിലെല്ലാം റഷ്യയുടെ സഹായം തേടുക. ഈ കൂട്ടുകെട്ടിന്റെ ഭാഗമായാണ് നവംബർ 5ന് റഷ്യയുടെ സോയുസ് റോക്കറ്റ് ഉപയോഗിച്ച് രണ്ട് ഇറാനിയൻ ഉപഗ്രഹങ്ങള്‍ വിക്ഷേപിച്ചത്. റഷ്യയുടെ റോസ്‌കോസ്‌മോസ് ബഹിരാകാശ ഏജൻസി തന്നെയാണ് ഇക്കാര്യം വെളിപ്പെടുത്തിയതും. മോസ്കോയും ടെഹ്‌റാനും തമ്മിലുള്ള വർധിച്ചുവരുന്ന സഹകരണത്തെ പ്രതിഫലിപ്പിക്കുന്ന നീക്കമാണിത്. യുഎസ് തിരഞ്ഞെടുപ്പ് നടക്കുന്ന സമയത്തും ഇസ്രയേലിനെതിരെ സംഘർഷം നടക്കുമ്പോഴുമായിരുന്നു ഈ നീക്കം നടന്നതെന്നതും ശ്രദ്ധേയമാണ്. ഇറാനും ഇസ്രയേലും തമ്മിൽ നടന്നുകൊണ്ടിരിക്കുന്ന ഏറ്റുമുട്ടൽ പതിറ്റാണ്ടുകളായി തുടരുന്ന സങ്കീർണമായ രാഷ്ട്രീയവും സൈനികവും സാങ്കേതികവുമായ വിഷയങ്ങൾ ഉൾക്കൊള്ളുന്നതുമായ ഒന്നാണ്. ഉപഗ്രഹ സാങ്കേതികവിദ്യകൾ ഇറാൻ തന്ത്രപരമായി ഉപയോഗിച്ചാൽ അത് ഇസ്രയേലിനെ വെല്ലുവിളിക്കാനുള്ള ദൗത്യത്തിൽ നിർണായക പങ്ക് വഹിക്കാൻ പോന്നതായിരിക്കും. ഇറാന്റെ ഉപഗ്രഹ ശേഷിയും ബഹിരാകാശ സംവിധാനങ്ങളും അവരുടെ പ്രതിരോധ നീക്കങ്ങളെ കാര്യമായി സ്വാധീനിക്കുകയും ചെയ്യും. ആധുനിക പ്രതിരോധ മേഖലയിൽ ബഹിരാകാശ സാങ്കേതികവിദ്യയ്ക്കുള്ള സ്ഥാനം ഏറെ വലുതാണ്. ബഹിരാകാശ യുദ്ധങ്ങൾക്കു പോലും ലോകരാജ്യങ്ങൾ കോപ്പുകൂട്ടുകയാണെന്നത് മറ്റൊരു യാഥാർഥ്യം. ഉപഗ്രഹങ്ങൾ സൈനിക പ്രവർത്തനങ്ങളുടെ നിർണായക ഘടകമായി മാറിയിരിക്കുന്നു. ഇത്തരമൊരു അവസരത്തിലാണ് ഇറാന്റെയും ഉപഗ്രഹങ്ങൾ ലോകത്തിന്റെ ‘തലയ്ക്കു’ മുകളിൽ വിന്യസിച്ചിരിക്കുന്നത്. എന്തായിരിക്കും ഉപഗ്രഹങ്ങൾ വിക്ഷേപിക്കുന്നതിലൂടെ ഇറാൻ ലക്ഷ്യമിടുന്നത്? പുതിയ ഉപഗ്രഹങ്ങൾ ഏതൊക്കെ തലത്തിലാണ് ഇറാൻ ഉപയോഗിക്കാൻ പോകുന്നത്? ഉപഗ്രഹം വിക്ഷേപിച്ചതിന് പകരം റഷ്യയ്ക്ക് ഇറാന്‍ എന്തു സഹായമായിരിക്കും നൽകുക?
News +
‘അറസ്റ്റ് വാറന്റ് പോരാ; ക്രിമിനൽ നേതാക്കൾക്ക് നൽകേണ്ടത് വധശിക്ഷ’: നെതന്യാഹുവിനെതിരെ ആയത്തുല്ല ഖമനയി

ടെഹ്റാൻ∙ അറസ്റ്റ് വാറന്റിന് പകരം ഇസ്രയേൽ പ്രധാനമന്ത്രി ബെന്യാമിൻ നെതന്യാഹുവിനും നേതാക്കൾക്കും നൽകേണ്ടത് വധശിക്ഷയാണെന്ന് ഇറാൻ പരമോന്നത നേതാവ് ആയത്തുല്ല അലി ഖമനയി. ഇസ്രയേൽ പ്രധാനമന്ത്രി ബെന്യാമിൻ നെതന്യാഹുവിനും മുൻ പ്രതിരോധ മേധാവിക്കുമെതിരെ അറസ്റ്റ് വാറന്റ് പുറപ്പെടുവിക്കാൻ രാജ്യാന്തര ക്രിമിനൽ കോടതി ഉത്തരവിട്ടതിലാണ് ഖമനിയയുടെ പ്രതികരണം.‘‘അവർ അറസ്റ്റ് വാറന്റ് പുറപ്പെടുവിച്ചു. അതു പോരാ, ഈ ക്രിമിനൽ നേതാക്കൾക്ക് വധശിക്ഷ തന്നെ നൽകണം.’’– ഇറാൻ ജനതയെ അഭിസംബോധന ചെയ്തുകൊണ്ട് ഖമനയി പറഞ്ഞു.
Latest News
നെതന്യാഹുവിന്റെ വസതിയിൽ സ്ഫോടനം, മുറ്റത്ത് പതിച്ചത് ‘ലൈറ്റ് ബോംബുകൾ’– വിഡിയോ

ജറുസലം∙ ഇസ്രയേൽ പ്രധാനമന്ത്രി ബെന്യാമിൻ‌ നെതന്യാഹുവിന്റെ സ്വകാര്യ വസതിയിൽ സ്ഫോടനശേഷി കുറഞ്ഞ ലൈറ്റ് ബോംബുകൾ പൊട്ടിത്തെറിച്ചു. സ്ഫോടനം നടക്കുമ്പോൾ നെതന്യാഹുവും കുടുംബവും വസതിയിലുണ്ടായിരുന്നില്ല. സ്ഫോടനശേഷി കുറഞ്ഞ ബോംബുകൾ വീടിന്റെ മുറ്റത്തായാണ് പതിച്ചത്.
Latest News
ഇസ്രയേൽ വിമർശനം; ഖമനയിയുടെ ഹീബ്രു അക്കൗണ്ട് സസ്പെൻഡ് ചെയ്ത് എക്സ്

ടെഹ്റാൻ∙ ഇറാന്റെ പരമോന്നത നേതാവ് ആയത്തുല്ല അലി ഖമനയി ഹീബ്രു ഭാഷയിൽ തുടങ്ങിയ അക്കൗണ്ട് സമൂഹമാധ്യമമായ എക്സ് സസ്പെൻഡ് ചെയ്തു. 2 ദിവസം മുൻപാണു ഖമനയി തന്റെ പ്രധാന അക്കൗണ്ടിനു പുറമെ എക്സിൽ ഹീബ്രു ഭാഷയിലുള്ള പുതിയ അക്കൗണ്ട് തുടങ്ങിയത്.
Latest News

Results 1-10 of 81

1
2
3
9

ADVERTISEMENT

News & Specials
Now on WhatsApp

Get latest news updates and Onmanorama exclusives on our WhatsApp channel.