Activate your premium subscription today
ന്യൂഡൽഹി ∙ വിശ്വനാഥൻ ആനന്ദിനു ശേഷം ചെസ് ഇലോ റേറ്റിങ്ങിൽ 2800 എന്ന കടമ്പ മറികടക്കുന്ന ഇന്ത്യക്കാരനായി അർജുൻ എരിഗെയ്സി. സെർബിയയിൽ നടക്കുന്ന യൂറോപ്യൻ ചെസ് ക്ലബ് കപ്പിന്റെ അഞ്ചാം റൗണ്ടിൽ റഷ്യൻ താരം ദിമിത്രി ആൻഡ്രെയ്കിനെ തോൽപിച്ചതോടെയാണ് അർജുൻ ലൈവ് ചെസ് റേറ്റിങ്ങിൽ (2802.1) ഈ നേട്ടം കൈവരിച്ചത്.
പതിനൊന്നാം നൂറ്റാണ്ടിൽ ഹംഗറി രാജ്യം രൂപപ്പെടുന്നതിനു വളരെമുൻപ്, ഇൻഡോ–യൂറോപ്യൻ പാരമ്പര്യമുള്ള കെൽറ്റ് ജനത ബുഡാപെസ്റ്റ് നഗരത്തിൽ അധിവസിച്ചിരുന്നു എന്നാണു ചരിത്രം. പുരാതനമായ ചതുരംഗത്തിന്റെ ജന്മനാട്ടിൽ നിന്നുവന്നവർ അതേ നഗരത്തെ കളിമികവുകൊണ്ടു കീഴടക്കി എന്നതു പുതുചരിത്രമാകുകയാണ്. ഹംഗറിയുടെ തലസ്ഥാനമായ ബുഡാപെസ്റ്റിൽ നടന്ന 45–ാം ലോക ചെസ് ഒളിംപ്യാഡിൽ ഓപ്പൺ, വനിതാവിഭാഗങ്ങളിൽ സ്വർണം നേടി ഇന്ത്യ ലോകജേതാക്കളാവുമ്പോൾ നമ്മുടെ കായികരംഗത്തെ സുവർണലിപികളിൽ അടയാളപ്പെടുത്തുന്ന മനോഹരവിജയമായി അതു മാറുന്നു.
ഇന്ന് രാജ്യാന്തര ചെസ് ദിനം. രാജ്യത്തിന്റെയും വർഗത്തിന്റെയും െജൻഡറിന്റെയും രാഷ്ട്രീയത്തിന്റെയും ഭാഷയുടെയും അതിരുകളില്ലാത്ത കളിയെന്ന നിലയിലാണ്, യുനെസ്കോ രാജ്യാന്തര ചെസ് ദിനം കൊണ്ടാടുക എന്ന ആശയം പ്രഖ്യാപിച്ചത്. ചെസിനെ ജനപ്രിയമാക്കുന്നതിൽ നിർണായക പങ്കുവഹിച്ച രാജ്യാന്തര ചെസ് ഫെഡറേഷൻ (ഫിഡെ) രൂപം
സ്പെയിനിന്റെ ജയ്മി സാന്റോസ് ലറ്റാസയെ തോൽപിച്ച് ഇന്ത്യൻ ഗ്രാൻഡ്മാസ്റ്റർ വിശ്വനാഥൻ ആനന്ദിന് ലിയോൺ മാസ്റ്റേഴ്സ് ചെസ് കിരീടം (സ്കോർ 3–1). 1996 മുതൽ വിവിധ ഇടവേളകളിലായി പത്താം തവണയാണ് ആനന്ദ് ഈ ടൂർണമെന്റ് ജയിക്കുന്നത്. ഇന്ത്യയുടെ അർജുൻ എരിഗാസിയെ തോൽപിച്ചായിരുന്നു ജയ്മിയുടെ ഫൈനൽ പ്രവേശം.
"അന്തർജ്ഞാനവും ചോദനയും നമ്മുടെ തീരുമാനങ്ങളെ സ്വാധീനിക്കുന്നു. പ്രത്യേകിച്ച്, ദിവസേന എടുക്കേണ്ട അതിവേഗ തീരുമാനങ്ങളെ. വെറും മൂന്ന് നീക്കങ്ങളിൽ ചെക്ക്മേറ്റിനുള്ള സാധ്യതയുണ്ടോ എന്ന് ഒരു ചെസ് കളിക്കാരന് നിർണയിക്കാൻ കഴിയും.അതിനു മുൻപ് അങ്ങനെയൊരു പൊസിഷൻ അയാൾ കണ്ടിട്ടില്ല എങ്കിൽ പോലും." (ഗാരി കാസ്പറോവ്, 2007) പതിനഞ്ച് നൂറ്റാണ്ട് മുൻപ് ഇന്ത്യയിലാണ് ചെസിന്റെ മുൻഗാമിയായ ചതുരംഗം ജനിച്ചത്. ലളിതമായ ബോർഡ് ഗെയിമുകൾക്ക് അതിലേറെ പഴക്കമുണ്ട്. റോമിലെ കൊളോസിയം സന്ദർശിച്ച വേളയിൽ, രണ്ടായിരം വർഷം മുൻപ് കാണികൾ വരിയും നിരയും കളിച്ചതിന്റെ തെളിവുകൾ കണ്ടിട്ടുണ്ട്. മൈതാനത്ത് ചോര ചിന്തുന്ന മനുഷ്യ-മൃഗയാ വിനോദങ്ങളുടെ ഇടവേളയിലായിരുന്നു ഈ നേരമ്പോക്ക്. അഞ്ച് നൂറ്റാണ്ടു മുൻപ് ആധുനിക ചെസ് രൂപപ്പെട്ടു. അടഞ്ഞ മുറിയിൽ മേൽക്കൂരയുടെ കീഴിൽ കളങ്ങളിൽ നീങ്ങുന്ന കരുക്കൾ. അവയിൽ യുദ്ധമുറകളും രൂപകങ്ങളും, യുദ്ധം പോലെ ഹിംസ മനസ്സിൽ. എതിരാളിയെ ബഹുമാനിക്കണം, ഒപ്പം തച്ചു തകർക്കണം. യോദ്ധാവിന്റെ പോരാട്ടവീര്യവും പ്രതിരോധവും ഇഴചേരണം. സംയമനം കൈവിടാതെ സംസ്കാരചിത്തനാകണം. ചെയ്തു ഫലിപ്പിക്കാൻ ബുദ്ധിമുട്ടാണ്. മഹാപ്രതിഭകളായ ചെസ് കളിക്കാരുടെ മനസ്സിന്റെ പിടിവിട്ടു പോയതിൽ അദ്ഭുതമില്ല. ഇത്രയും എഴുതിയതിനാൽ എനിക്ക് ഈ കളി അറിയാമെന്ന് കരുതരുത്‌. അടിസ്ഥാന വിവരമല്ലാതെ ഒന്നുമറിയില്ല. ബാല്യത്തിൽ ചില ശ്രമങ്ങൾ നടത്തിയതല്ലാതെ എന്നെ പിടിച്ചിരുത്താൻ ചതുരംഗത്തിന് കഴിഞ്ഞില്ല. അതിലേറെ ആസ്വദിച്ച നാടൻ കളികൾ ഉണ്ടായിരുന്നു - ബോർഡ് ഗെയിമുകളായ വരിയും നിരയും, പടവെട്ട്, പാമ്പും കോണിയും, പഞ്ചീസ്. നൂറാം കളം കയ്യേറി വിജയിക്കുന്നതിനു മുൻപ്, തൊണ്ണൂറ്റിയെട്ടാം കളത്തിൽ വിഴുങ്ങാൻ തയാറായി നിൽക്കുന്ന ഒരു പാമ്പുണ്ട്. അവസാന യുദ്ധം ജയിക്കാതെ അന്തിമജയമില്ല. പക്ഷേ ഇവിടെ കളിക്കാരന്റെ മികവല്ല, കരുക്കളിലെ ഭാഗ്യമാണ് വിധി നിർണയിക്കുന്നത്. പഞ്ചീസിലും സ്ഥിതി വ്യത്യസ്തമല്ല. ചെസിൽ ഭാഗ്യത്തിന് തീരെ പ്രാധാന്യമില്ല എന്നല്ല, കളിക്കാരന് പക്ഷേ ഭാഗ്യത്തെ വെല്ലുന്ന തലച്ചോറു വേണം.
ടൊറന്റോ∙ 2024 ഫിഡെ കാൻഡിഡേറ്റ്സ് ചെസ് ടൂർണമെന്റിൽ വിജയിയായി ചരിത്രം രചിച്ച് ഇന്ത്യയുടെ യുവതാരം ഡി. ഗുകേഷ്. 17 വയസ്സുകാരനായ ഗുകേഷ്, വിശ്വനാഥൻ ആനന്ദിനു ശേഷം ഈ നേട്ടത്തിലെത്തുന്ന ഇന്ത്യക്കാരനാണ്. ലോക ചാംപ്യൻഷിപ്പ് ഫൈനലിൽ കളിക്കുന്ന ഏറ്റവും പ്രായം കുറഞ്ഞ
പാലക്കാട് ∙ ഇന്ത്യയുടെ ഒന്നാം നമ്പർ ചെസ് താരമായുള്ള പതിനേഴുകാരൻ ദൊമ്മരാജു ഗുകേഷിന്റെ മുന്നേറ്റം ഇനി ഔദ്യോഗികം. ലോക ചെസ് സംഘടനയുടെ മാസാദ്യ ഇലോ റേറ്റിങ് ലിസ്റ്റ് പുറത്തുവന്നപ്പോൾ ഡി.ഗുകേഷ് 2758 റേറ്റിങ് പോയിന്റുമായി ഇന്ത്യയിൽ ഒന്നാമനും ലോക റാങ്കിങ്ങിൽ എട്ടാമനുമായി.
ഇന്ത്യൻ ചെസിലെ എക്കാലത്തെയും സുവർണതാരം ആരെന്നതിന് ‘വിശ്വനാഥൻ ആനന്ദ്’ എന്നല്ലാതെ ഉത്തരമില്ല. എന്നാൽ ഇന്ത്യൻ ചെസിലെ സുവർണ തലമുറ ഇപ്പോൾ സജീവമായുള്ള കൗമാരതാരങ്ങളാണെന്നു പറയുന്നു 5 തവണ ലോകചാംപ്യനും ലോക ചെസ് ഭരണസമിതിയായ ഫിഡെയുടെ ഡപ്യൂട്ടി പ്രസിഡന്റുമായ ആനന്ദ്. ദ് വീക്ക് വാരികയ്ക്കു നൽകിയ എക്സ്ക്ലൂസീവ് അഭിമുഖത്തിലാണ് ആനന്ദിന്റെ വിലയിരുത്തൽ. ചെസ് ലോകകപ്പ് ഫൈനലിൽ മത്സരിക്കുന്ന ആർ.പ്രഗ്നാനന്ദ ഉൾപ്പെടെയുള്ളവർ ആനന്ദിന്റെ വാക്കുകൾക്കു സാക്ഷ്യം നിൽക്കുന്നു. ആനന്ദുമായുള്ള അഭിമുഖത്തിൽ നിന്ന്...
2022 ഓഗസ്റ്റ്. പല്ലവ രാജാക്കൻമാരുടെ പെരുമ ലോകത്തെയറിയിച്ച മഹാബലിപുരത്ത് ലോക ചെസ് ഒളിംപ്യാഡ് എന്ന മഹാ മാമാങ്കം. ചരിത്രം തഴുകിയുറങ്ങുന്ന മാമല്ലപുരത്തെ കടൽത്തീരങ്ങൾ ലോക ചെസ് താരങ്ങളുടെ വീരഗാഥകൾ ഏറ്റുപാടുമ്പോൾ ചക്രവർത്തിയായ മാഗ്നസ് കാൾസന്റെ ശ്രദ്ധ മറ്റൊന്നിലായിരുന്നു. രസഹീനമായ സ്വന്തം ടീമിന്റെ പ്രകടമോ സ്വന്തം കളികളുടെ മേന്മയോ നോക്കാതെ, പുതുമുഖ താരങ്ങൾ അണിനിരന്ന ഇന്ത്യ ബി ടീമിന്റെ ബോർഡുകളിലായിരുന്നു കാൾസന്റെ കണ്ണുമുഴുവൻ.
ഏറ്റവും ഇഷ്ടം? ‘‘ചെസ്.’’ അതു കഴിഞ്ഞാൽ?–‘‘അതു കഴിയുന്നില്ലല്ലോ’’. ഒരു പതിനേഴുകാരനിൽനിന്നു പ്രതീക്ഷിക്കുന്നതിലും കനമുണ്ട് ദൊമ്മരാജു ഗുകേഷ് എന്ന ചെന്നൈ പയ്യന്റെ വാക്കുകൾക്ക്. ലൈവ് ചെസ് റേറ്റിങ്ങിൽ വിശ്വനാഥൻ ആനന്ദിനെ മറികടന്ന് ഇന്ത്യയിലെ ഒന്നാം നമ്പർ താരമായപ്പോൾ ഗുകേഷിന്റെ കളികളിലൂടെ കടന്നുപോയിട്ടുള്ള ആരും അമ്പരന്നില്ല. ‘മദ്രാസിലെ കടുവ’യുടെ നേട്ടം മറികടക്കാൻ ഗുകേഷ് തിരഞ്ഞെടുത്തത് മുൻ ലോക ചാംപ്യൻ ഗാരി കാസ്പറോവിന്റെ ജന്മസ്ഥലമായ അസർബൈജാനിലെ ബാക്കുവാണ് എന്നത് മാത്രമായിരുന്നു ആകസ്മികം. ഇഎൻടി സർജനായ പിതാവ് ഡോ. രജനീകാന്തും മൈക്രോബയോളജിസ്റ്റായ അമ്മ പത്മകുമാരിയും ഒഴിവുവേളകളിൽ ചെസ് കളിക്കുന്നത് കണ്ടാണ് ഗുകേഷ് വളർന്നത്.
Results 1-10 of 31
