Activate your premium subscription today
സ്ത്രീകളാൽ നയിക്കപ്പെടുന്നതാവണം ഇന്ത്യയുടെ വികസനമെന്നും സ്ത്രീകൾക്കു പുതിയ അവസരങ്ങൾ ലഭിച്ചാലേ ഏതു രാജ്യത്തിനും പുരോഗതിയുണ്ടാവൂ എന്നും ബോധ്യമുണ്ട് പ്രധാനമന്ത്രി നരേന്ദ്ര മോദിക്ക്. എന്നാൽ, അതുമായി ഒത്തുപോകുന്നതല്ല സ്ത്രീകൾക്കു സർക്കാർ ബസുകളിൽ സൗജന്യയാത്ര അനുവദിക്കുന്നതിനോട് അദ്ദേഹത്തിനുള്ള എതിർപ്പ്. കർണാടകയിൽ സ്ത്രീകൾക്കുള്ള സൗജന്യ യാത്രാപദ്ധതി പുനഃപരിശോധിച്ചേക്കുമെന്നു സർക്കാരിലോ പാർട്ടിയിലോ ആലോചിക്കാതെ ഉപമുഖ്യമന്ത്രി ഡി.കെ.ശിവകുമാർ സൂചിപ്പിച്ചതിനെ മോദി പ്രയോജനപ്പെടുത്തി. നടപ്പാക്കാൻ സാധിക്കുന്നതേ വാഗ്ദാനം ചെയ്യാവൂ എന്നും കോൺഗ്രസിന്റെ വഞ്ചനയുടെ സംസ്കാരമാണ് പ്രകടമാകുന്നതെന്നും മോദി പറഞ്ഞു. മഹാരാഷ്ട്രയിലെ പ്രതിപക്ഷസഖ്യമായ മഹാ വികാസ് അഘാഡിയും സ്ത്രീകൾക്കു സൗജന്യയാത്ര വാഗ്ദാനം ചെയ്തിരിക്കെയാണ് മോദിയുടെ വിമർശനം. സൗജന്യങ്ങൾ പ്രഖ്യാപിക്കുന്നതിനോടുള്ള തിരഞ്ഞെടുപ്പുകാല എതിർപ്പായി അതിനെ കാണുക വയ്യ. കാരണം, ആ മേഖലയിൽ ബിജെപി ആർക്കും പിന്നിലല്ല. കർണാടകയ്ക്കു പുറമേ, പ്രതിപക്ഷ കക്ഷികൾ ഭരിക്കുന്ന ഡൽഹി, തമിഴ്നാട്, പഞ്ചാബ്, തെലങ്കാന എന്നിവിടങ്ങളിലും സ്ത്രീകൾക്കു യാത്രാ സൗജന്യമുണ്ട്. അങ്ങനെയൊരു സൗജന്യം നൽകുന്നതു മെട്രോ പദ്ധതികളെ നഷ്ടത്തിലാക്കുമെന്നു മോദിക്ക്
രണ്ടു വർഷം നീണ്ട കാലാവധി അവസാനിക്കാറായിരിക്കെ, ഇന്ത്യയുടെ ചീഫ് ജസ്റ്റിസ് ഡി.വൈ.ചന്ദ്രചൂഡ് പരസ്യകുമ്പസാരത്തിനൊത്ത ചില ചോദ്യങ്ങൾ ഉന്നയിച്ചിരിക്കുകയാണ്. ‘ഞാൻ ആഗ്രഹിച്ചതുപോലെ കാര്യങ്ങൾ നടന്നോ? ചരിത്രം എന്റെ കാലാവധിയെ എങ്ങനെ വിലയിരുത്തും? മറ്റേതെങ്കിലും രീതിയിൽ പ്രവർത്തിക്കാമായിരുന്നോ? ജഡ്ജിമാരുൾപ്പെടെ നിയമമേഖലയിലുള്ളവർക്കു ഞാൻ കൈമാറുന്ന പൈതൃകമെന്ത്?’ ചോദ്യങ്ങളിൽ പലതും ഉത്തരമില്ലാതെ അവശേഷിക്കുമെന്നും തികഞ്ഞ അർപ്പണബോധത്തോടെ പ്രവർത്തിച്ചുവെന്നതു തനിക്ക് ആശ്വാസം നൽകുന്നുവെന്നും ചീഫ് ജസ്റ്റിസ് ചന്ദ്രചൂഡ് തുടർന്നുപറയുന്നു. ലക്ഷ്യത്തെക്കാൾ മാർഗത്തിലാണ് താൻ ശ്രദ്ധകേന്ദ്രീകരിച്ചത് എന്നൊരു ന്യായവാദവും അദ്ദേഹത്തിനുണ്ട്. ആദ്യ ചോദ്യത്തിന് ഉത്തരം നൽകേണ്ടതു ചീഫ് ജസ്റ്റിസ് തന്നെയാണ്. താൻ എന്താണ് ആഗ്രഹിച്ചതെന്നു കൃത്യമായി അറിയാവുന്നത് അദ്ദേഹത്തിനു മാത്രമാണ്. വാക്കുകളെക്കാൾ, പ്രവൃത്തിയിലൂടെയാവും താൻ സംസാരിക്കുകയെന്നും എല്ലാവിധത്തിലും താൻ പൗരരെ സംരക്ഷിക്കുമെന്നും പദവിയേൽ‍ക്കുമ്പോൾ അദ്ദേഹം പറഞ്ഞിരുന്നു. അവ മാത്രമാണോ ആഗ്രഹിച്ചത്? അതിലേറെയെന്തെങ്കിലും? ആഗ്രഹിച്ചതുപോലെയൊക്കെ സംഭവിച്ചോ ഇല്ലയോ? ഇല്ലെങ്കിൽ എന്തുകൊണ്ട്? ചീഫ് ജസ്റ്റിസ് എപ്പോഴെങ്കിലും പറയുമായിരിക്കും.
ഇന്ത്യൻ ഭരണഘടനയുടെ ഒറ്റവാക്യത്തിലുള്ള ആമുഖത്തിൽ 1976 ഡിസംബർ 18നു കൂട്ടിച്ചേർത്തതു നാലു വാക്കുകളാണ്: ‘socialist’, ‘secular’, ‘and integrity’. രാഷ്ട്രസ്വഭാവത്തെ വിശേഷിപ്പിക്കുന്ന പദങ്ങളായ പരമാധികാര– ജനാധിപത്യ– റിപ്പബ്ലിക് എന്നിവയ്ക്കു കൂട്ടായാണ് സോഷ്യലിസവും മതനിരപേക്ഷതയും ഉൾപ്പെടുത്തിയത്. രാഷ്ട്ര ‘ഐക്യം’ മാത്രം വാഗ്ദാനം ചെയ്തിരുന്ന ഭാഗത്ത് ‘അഖണ്ഡതയും’ എന്നു ചേർത്തു. കാലം അടിയന്തരാവസ്ഥയുടേതായിരുന്നു: ആമുഖ പരിഷ്കാരം ഉൾപ്പെടെ ഭരണഘടനയിൽ ഒട്ടേറെ മാറ്റങ്ങൾ വരുത്തിയ 42–ാം ഭേദഗതി ബില്ലിനെ ലോക്സഭയിൽ ആകെ അഞ്ചുപേരാണ് എതിർത്തത്; രാജ്യസഭയിൽ ആരും എതിർത്തില്ല. ഈ മാറ്റങ്ങൾ മിനർവ മിൽസ് കേസിൽ 1980ൽ സുപ്രീം കോടതി പരിശോധിച്ചു; പലതും ഭരണഘടനാവിരുദ്ധമെന്ന് കടുത്ത വിമർശനം ചേർത്ത് അഞ്ചംഗ ബെഞ്ച് പ്രഖ്യാപിച്ചു. എന്നാൽ, ആമുഖത്തിൽ ചേർത്ത വാക്കുകളെക്കുറിച്ച് അവർ പറഞ്ഞു: ‘ഇവ ഭരണഘടനയുടെ ചട്ടക്കൂടിനുള്ളിലാണെന്നു മാത്രമല്ല, ഭരണഘടനയുടെ തത്വദർശനത്തിനു ചൈതന്യവും അടിത്തറയ്ക്കു ബലവും തുണയും നൽകുന്നവയുമാണ്... ഇവ കൂടുതൽ വാഗ്ദാനം ചെയ്യുന്നതാണ്, പവിത്രമായ പൈതൃകത്തെ നശിപ്പിക്കുന്നതല്ല.’ എന്നിട്ടും, അഞ്ചു പതിറ്റാണ്ട് അടുത്തിട്ടും, സംശയങ്ങൾ തീരാത്തവർ ഒട്ടേറെയുണ്ട്. അവരിൽ രണ്ടു പ്രമുഖരാണ് ഏഴു മാസം കേന്ദ്ര നിയമമന്ത്രിയായിരുന്ന സുബ്രഹ്മണ്യൻ സ്വാമിയും തമിഴ്നാട് ഗവർണർ ആർ.എൻ.രവിയും.
ആർഎസ്എസ് മേധാവി മോഹൻ ഭാഗവത് കഴിഞ്ഞ വിജയദശമി ദിവസം നാഗ്പുരിൽ നടത്തിയ പ്രഭാഷണത്തിന് ഉത്തരേന്ത്യൻ മാധ്യമങ്ങൾക്കപ്പുറം വേണ്ടത്ര ശ്രദ്ധ ലഭിച്ചോയെന്നു സംശയം. സർസംഘചാലക് എല്ലാ വർഷവും വിജയദശമി ദിവസം നാനാവിഷയങ്ങൾ ഉൾപ്പെടുത്തി നടത്തുന്ന പ്രസ്താവന വരുന്ന ഒരു വർഷത്തേക്കുള്ള മാർഗനിർദേശങ്ങളായാണ് കണക്കാക്കപ്പെടുന്നത്. ആശയദാതാവിന്റെ നിലപാടുകൾ തത്വത്തിൽ ബിജെപിക്കും ബാധകമാണ്. എന്നാൽ, ‘ഞങ്ങൾ ചെറുതായിരുന്ന കാലത്ത് ആർഎസ്എസിനെ വേണമായിരുന്നു; ഞങ്ങൾ വളർന്നിരിക്കുന്നു, ഞങ്ങൾക്കു പ്രാപ്തിയുണ്ട്’ എന്ന് കഴിഞ്ഞ മേയിൽ ബിജെപി അധ്യക്ഷൻ ജെ.പി.നഡ്ഡ നടത്തിയ പരാമർശത്തിനു ലോക്സഭാ തിരഞ്ഞെടുപ്പു ഫലത്തോടെ മറ്റൊരു മാനം കൈവന്നു എന്നതു വസ്തുതയാണ്. ഇത്തവണ, പ്രസ്ഥാനത്തിന്റെ 100–ാം സ്ഥാപകദിനത്തിൽ ഭാഗവത് നടത്തിയ പ്രഭാഷണം എല്ലാവരും കേൾക്കേണ്ടതാണെന്നാണ് പ്രധാനമന്ത്രി നരേന്ദ്ര മോദി അഭിപ്രായപ്പെട്ടത്. എന്നാൽ, ഭാഗവത് പറഞ്ഞതു മോദി കേട്ടോ, മറ്റാരെങ്കിലും കേട്ടോ എന്നൊക്കെ
നല്ലതു വരട്ടെ’ എന്നത് നല്ലൊരു ആശംസയാണ്. പടിഞ്ഞാറൻ യുപിയിലെ മുസഫർനഗറിൽ തിത്തോറ ഗ്രാമത്തിലെ രാജേന്ദ്ര കുമാർ എന്ന ദിവസക്കൂലിക്കാരന്റെ മകൻ അതുൽ കുമാറിനോടാണ് ‘നല്ലതു വരട്ടെ’ എന്ന് ചീഫ് ജസ്റ്റിസ് ഡി.വൈ.ചന്ദ്രചൂഡ് കഴിഞ്ഞദിവസം ആശംസിച്ചത്. അതുൽ ചീഫ് ജസ്റ്റിസിനു നന്ദി പറഞ്ഞു. അതുലിനു ധൻബാദിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജിയിൽ (ഐഐടി) ഇലക്ട്രിക്കൽ എൻജിനീയറിങ്ങിൽ ബിരുദ കോഴ്സിനു സീറ്റ് ലഭിച്ചു. പ്രവേശനത്തിന്റെ അവസാനകടമ്പയായ 17,500 രൂപ ഫീസ് അടയ്ക്കൽ സമയപരിധിക്കുള്ളിൽ സാധിക്കാതെ സീറ്റ് നഷ്ടമായപ്പോഴാണ് അതുൽ സുപ്രീം കോടതിയിലെത്തിയത്. പണം അടയ്ക്കേണ്ട അവസാനതീയതിയായ ജൂൺ 24നു രാജേന്ദ്ര കുമാർ പലരോടായി കടം വാങ്ങി 17,500 തികയ്ക്കാൻ നോക്കുന്നതിനിടെ, പ്രവേശന പോർട്ടലിൽ ലോഗിൻ ചെയ്യാൻ അതുൽ പലതവണ ശ്രമിക്കുകയും പരാജയപ്പെടുകയും ചെയ്തിരുന്നു. ഉച്ചകഴിഞ്ഞ് 4.45നു പണം തികഞ്ഞു. പക്ഷേ, അഞ്ചു മണിക്കകം പണം അടയ്ക്കൽ പൂർത്തിയാക്കാൻ സാധിച്ചില്ല. 11 മാസം ദിവസവും 18 മണിക്കൂറെന്ന തോതിൽ പഠിച്ച് പ്രവേശനപരീക്ഷ പാസായ അതുൽ, നഷ്ടപ്പെട്ട സീറ്റിലേക്കുള്ള വാതിൽ നിയമവഴിയിലൂടെ തുറക്കാനുള്ള പല ശ്രമങ്ങൾ പരാജയപ്പെട്ട് ഒടുവിൽ സുപ്രീം കോടതിയിൽ എത്തുകയായിരുന്നു.അതുലിൽനിന്നു പണം സ്വീകരിച്ച് സീറ്റ് നൽകാൻ നിർദേശിക്കുന്നതിനു പൂർണനീതി ഉറപ്പാക്കാനുള്ള സവിശേഷാധികാരം പ്രയോഗിച്ച സുപ്രീം കോടതിയെ വിദേശമാധ്യമങ്ങളുൾപ്പെടെ പ്രകീർത്തിച്ചു. ‘ദരിദ്രവിദ്യാർഥിയുടെ കോളജ് മോഹം സാക്ഷാത്കരിച്ച് ഇന്ത്യയിലെ പരമോന്നത കോടതി’യെന്നു ബിബിസി.
പശു, ആട്, കുതിര, നായ എന്നിങ്ങനെ മൃഗലോകത്തുനിന്നുള്ള നാലുപേരെയും കൂട്ടിയാണ് ഷെയ്ഖ് അബ്ദുൽ റഷീദ് എന്ന എൻജിനീയർ റഷീദ് 2015 ഡിസംബർ 10ന്, മനുഷ്യാവകാശ ദിനത്തിൽ ശ്രീനഗറിലെ ലാൽ ചൗക്കിലേക്കു ജാഥ നടത്തിയത്. മൃഗങ്ങളുടെ കഴുത്തിൽ രണ്ടു വാചകങ്ങൾ എഴുതിയ പ്ലക്കാർഡ് തൂക്കിയിരുന്നു. പശുവിന്റെ കഴുത്തിലെ പ്ലക്കാർഡിൽ ഇങ്ങനെ: ‘ഞാൻ സംഘപരിവാറിന്റെ പശുവാണ്. ഞാൻ കശ്മീരികളെക്കാൾ സുരക്ഷിതയാണ്.’ രാജ്യത്താകെ, വിശേഷിച്ച് കശ്മീരിൽ, മനുഷ്യരെക്കാൾ സുരക്ഷിതരും അവകാശങ്ങളുള്ളവരുമാണ് മൃഗങ്ങളെന്നു സൂചിപ്പിക്കുകയായിരുന്നു തന്റെ ഉദ്ദേശ്യമെന്നാണ് റഷീദ് ജാഥയെക്കുറിച്ചു പറഞ്ഞത്. അതിനു മുൻപും പിന്നീടും വ്യത്യസ്തമായ നടപടികളിലൂടെ അവാമി ഇത്തിഹാദ് പാർട്ടിയുടെ നേതാവ് ജനശ്രദ്ധയും ചിലപ്പോഴൊക്കെ ബിജെപിക്കാരുടെ തല്ലും വാങ്ങിയിട്ടുണ്ട്. കഴിഞ്ഞ ലോക്സഭാ തിരഞ്ഞെടുപ്പിൽ വടക്കൻ കശ്മീരിലെ ബാരാമുല്ലയിൽ മുൻ മുഖ്യമന്ത്രി ഒമർ അബ്ദുല്ലയെ റഷീദ്
ചീഫ് ജസ്റ്റിസ് ഡി.വൈ.ചന്ദ്രചൂഡിന്റെ വീട്ടിൽ താൻ നടത്തിയ സന്ദർശനത്തിനു രാഷ്ട്രീയനിറം നൽകാനുള്ള പ്രധാനമന്ത്രി നരേന്ദ്ര മോദിയുടെ ശ്രമത്തിനു സാമാന്യമര്യാദയുടേതായ നല്ല വശവുമുണ്ട്. അസാധാരണമായ ആ സന്ദർശനത്തിന്റെ ശരിതെറ്റുകൾ വിശകലനം ചെയ്തവരേറെയും അഭിഭാഷകരാണ്. ചീഫ് ജസ്റ്റിസിനെ വിമർശിച്ചുവിമർശിച്ച് അവർ ഏതറ്റംവരെ പോകുമെന്നു പറയാനാവാത്ത സ്ഥിതിയായി. അപ്പോഴാണ്, കോൺഗ്രസ് മനസ്സുള്ളവരാണ് സന്ദർശനത്തെ വിമർശിക്കുന്നതെന്നും താൻ ഗണേശപൂജയിൽ പങ്കെടുത്തതാണ് അവരെ രോഷം കൊള്ളിക്കുന്നതെന്നും പറഞ്ഞ് വിവാദത്തിന്റെ ഫ്ലാഷ്‌ലൈറ്റ് തന്റെ മുഖത്തേക്കു തിരിക്കാൻ പ്രധാനമന്ത്രി ശ്രമിച്ചത്. ചീഫ് ജസ്റ്റിസ് ചന്ദ്രചൂഡ് പുണെക്കാരനാണ്. മഹാരാഷ്ട്രക്കാർക്കു സവിശേഷ പ്രാധാന്യമുള്ളതാണ് ഗണേശ ചതുർഥി ആഘോഷവും അക്കാലത്തെ പൂജയും. അത് എല്ലാ വർഷവുമുള്ളതാണ്. ഇത്തവണത്തെ പൂജയിൽ പങ്കെടുക്കാൻ തന്റെ വീട്ടിൽ വരണമെന്നു പ്രധാനമന്ത്രിയെ ചീഫ് ജസ്റ്റിസ് ക്ഷണിച്ചതാണോ അതോ വരാൻ താൽപര്യപ്പെടുന്നു എന്നു പ്രധാനമന്ത്രി പറഞ്ഞതാണോ തുടങ്ങിയ വിശദാംശങ്ങൾ വിമർശക ജൂറിയുടെ പരിശോധനയിലാണ്. പ്രധാനമന്ത്രിയുടെ ഓഫിസ്തന്നെ സമൂഹമാധ്യമത്തിലൂടെ പങ്കുവച്ചതും ആകെ 28 സെക്കൻ‍ഡ് നീളമുള്ളതുമായ ദൃശ്യങ്ങളിൽനിന്നു വ്യക്തമാകുന്നത് ഇത്രമാത്രം: ചീഫ് ജസ്റ്റിസിന്റെ വീട്ടിലേക്കു
വ്യക്തികേന്ദ്രീകൃതമല്ലാത്ത ദേശീയ സിപിഎമ്മിൽ ജനറൽ സെക്രട്ടറി ഒന്നിന്റെയും അവസാനവാക്കല്ല. പാർട്ടിയിൽ ജനറൽ സെക്രട്ടറിയുടെ അഭിപ്രായങ്ങൾക്കു മറ്റുള്ളവരുടേതിനു തുല്യമായ കനമേയുള്ളൂ. ജ്യോതി ബസു പ്രധാനമന്ത്രിയാകണമെന്ന ജനറൽ സെക്രട്ടറി ഹർകിഷൻ സിങ് സുർജിത്തിന്റെ അഭിപ്രായം ന‌ടപ്പായില്ല. കോൺഗ്രസുമായി തിരഞ്ഞെടുപ്പു ധാരണയുണ്ടാക്കാമെന്ന ജനറൽ സെക്രട്ടറി സീതാറാം യച്ചൂരിയുടെ താൽപര്യം കൊൽക്കത്തയിൽവച്ച് കേന്ദ്ര കമ്മിറ്റി വോട്ടിനിട്ടു തള്ളി. ജനറൽ സെക്രട്ടറിയാണെങ്കിലും പൊളിറ്റ്ബ്യൂറോയിലും കേന്ദ്ര കമ്മിറ്റിയിലും ഭൂരിപക്ഷംപേരും തനിക്കെതിരാണെന്ന വസ്തുത കഴിഞ്ഞ ഒൻപതു വർഷത്തിൽ പലതവണ യച്ചൂരി തുറന്നുപറഞ്ഞിട്ടുണ്ട്; പാർട്ടിയുടെയും ഇടതുപക്ഷത്തിന്റെതന്നെയും ആശയതാൽപര്യങ്ങളും പ്രസക്തിയും സംരക്ഷിക്കാൻ ലക്ഷ്യമിട്ട് താൻ നിർദേശിച്ച നടപടികൾ സ്വീകാര്യമാക്കാൻ വേണ്ടിവന്നിരുന്ന അത്യധ്വാനത്തെക്കുറിച്ചും. ആശയസമരമാകുമ്പോൾ അത്തരം ബദ്ധപ്പാടുകൾ സ്വാഭാവികമാണെന്നു സമ്മതിച്ചുകൊണ്ടാണ് മറികടക്കലുകൾക്കു തന്റേതായ തന്ത്രവഴികൾ അദ്ദേഹം പണിതിരുന്നത്. ആശയപരമല്ലാത്ത സമരങ്ങളെ നേരിടാനുള്ള പ്രാപ്തിയും അദ്ദേഹത്തിനുണ്ടായിരുന്നു. കേരളത്തിലെ വിഷയങ്ങൾ ചോദിക്കുമ്പോൾ,
കഴിഞ്ഞ വർഷങ്ങളിൽ ചില സംസ്ഥാനങ്ങളിൽ തിരഞ്ഞെടുപ്പിനുശേഷം ഭരിക്കാനുള്ള ഭൂരിപക്ഷം ബിജെപി വില കൊടുത്തു വാങ്ങിയെന്നതു തൊട്ടറിയാവുന്ന തെളിവുകളില്ലാത്ത ആരോപണമാണ്. എന്നാൽ, കേന്ദ്രത്തിൽ തുടർച്ചയായ മൂന്നാം തവണ ഭരണത്തിലെത്താനുള്ള ഭൂരിപക്ഷത്തിനു ബിജെപി വില നൽകുന്നുണ്ടെന്നത് അങ്ങനെയൊരു ആരോപണമല്ല. ആ വിലയുടെ പണക്കണക്ക് ധനമന്ത്രി നിർമല സീതാരാമൻ അവതരിപ്പിക്കുന്ന ബജറ്റിൽ വ്യക്തമാകുമെന്നു കരുതാം. പണം എന്നു പറഞ്ഞതുകൊണ്ട് കൈക്കൂലിയെന്ന് അർഥമില്ല; ഭൂരിപക്ഷത്തിനുള്ള പ്രതിഫലം എന്നു പറഞ്ഞാൽ അധികമാവില്ല. ലോക്സഭയിൽ 16 സീറ്റുള്ള തെലുങ്കുദേശം പാർട്ടിയും 12 സീറ്റുള്ള ജനതാദളു(യു)മാണ് ഭൂരിപക്ഷം സാധ്യമാക്കിയതിനുള്ള പ്രതിഫലത്തിന്റെ ആദ്യഗഡു ഇന്നു പ്രതീക്ഷിക്കുന്നത്. ആന്ധ്രപ്രദേശിനു പ്രത്യേക പദവിയെന്നതാണ് ടിഡിപിയുടെ ആവശ്യം; ബിഹാറിനും അതേ പദവി വേണമെന്നു ജെ‍‍ഡിയു.
കേന്ദ്ര സർക്കാരെടുക്കുന്ന തീരുമാനങ്ങളിൽ വിശദമായ ആലോചനയുടെ ബലം പ്രകടമാവണം. കാരണം, അവ 142 കോടി ജനതയുടെ സർക്കാരിന്റെ തീരുമാനങ്ങളാണ്. ജൂൺ 25 ഇനി ഭരണഘടന ഹത്യാദിവസമായിരിക്കുമെന്ന് ജൂലൈ 12ന് എടുത്ത തീരുമാനത്തിൽ പക്ഷേ, ആ ഗൗരവം പ്രകടമാകുന്നുണ്ടെന്നു പറയാൻ വയ്യ. അസാധാരണ സാഹചര്യങ്ങളിലൊഴികെ, സർക്കാരുകൾ രണ്ടു സമയത്താണ് തിടുക്കത്തിൽ തീരുമാനങ്ങളെടുക്കാറുള്ളത്: കാലാവധി തീരുന്നതിനു തൊട്ടുമുൻപും അധികാരത്തിൽ കയറി ഉടനെയും. ഇനി അധികാരത്തിലേക്കു തിരിച്ചുവരില്ലെന്ന ആശങ്കയാലും തിരഞ്ഞെടുപ്പിൽ പ്രയോജനപ്പെടുത്താമെന്ന ഉദ്ദേശ്യത്താലുമാണ് കാലാവധി തീരാറാകുമ്പോഴുള്ള ധൃതിപിടിച്ച തീരുമാനങ്ങൾ. തിരഞ്ഞെടുപ്പിൽ നൽകുന്ന വാഗ്ദാനം പാലിക്കുന്നതിലുള്ള ഉത്സാഹമാവും അധികാരമേറ്റാലുടനെ വേഗത്തിലെടുക്കുന്ന തീരുമാനങ്ങൾക്കു പിന്നിൽ. 2014ൽ മോദി സർക്കാർ അധികാരമേറ്റയുടനെ കള്ളപ്പണക്കാരെ പിടികൂടാൻ നടപടി പ്രഖ്യാപിച്ചു. നരേന്ദ്ര മോദി തിരഞ്ഞെടുപ്പു പ്രചാരണകാലത്ത് അത്തരമൊരു വാഗ്ദാനം നൽകിയിരുന്നു. അധികാരം ലഭിച്ചപ്പോൾ ആ വാക്കു പാലിക്കുകയാണുണ്ടായത്. ഇപ്പോൾ, മൂന്നാം തവണ മോദി സർക്കാർ അധികാരമേറ്റ്
Results 1-10 of 26
