സംസ്ഥാന സർക്കാരിന് ലഭിക്കുന്ന വരുമാനത്തിൽ ഭൂരിഭാഗവും ദൈനദിന ചെലവുകൾക്ക് മാറ്റിവയ്ക്കേണ്ടി വരുന്നതിനാൽ വികസന പ്രവർത്തനങ്ങൾ പലതും മുടങ്ങി. ഇതോടെയാണ് കൂടുതൽ പണം കണ്ടെത്താൻ കിഫ്ബി രൂപീകരിച്ചത്. സാമ്പത്തികവർഷം പകുതി പിന്നിടുമ്പോഴേക്കും സർക്കാർ കടുത്ത ധനപ്രതിസന്ധി നേരിട്ടു തുടങ്ങും. അതോടെ പല പദ്ധതികളും ഉപേക്ഷിക്കും. ഇതിനു പരിഹാരമായാണ് കിഫ്ബിയിലൂടെ ധനസമാഹരണം നടത്തി അടിസ്ഥാന സൗകര്യ വികസനത്തിന് ചെലവഴിക്കാൻ ആരംഭിച്ചത്. 1999 ലാണ് കിഫ്ബി തുടങ്ങിയത്.
